2-mannsbustad i kjede

Dette er ei stor og moderne leilegheit på 94 m2 og med 3 soverom. Bustaden har god planløysing og livsløpsstandard. Leilegheita har uteplass på bakkeplan med moglegheit for hage og markterrasse. Parkering i eigen romsleg carport, med sportsbod i bakkant.

Bustaden inneheld stove/kjøkken, 3 soverom, bad, vindfang, gang, bod/vaskerom, sportsbod og overbygd parkeringsplass i carport. På området er det tilgang til gjesteparkering og flotte leikeplassar, med m.a. leikeapparat og benk.

Nøkkelferdig bustad

Denne seksjonen vert levert med nøkkelferdig standard. Det vil seie at alt av arbeid med legging av parkett, maling og flisarbeid vert utført og er inkludert i prisen for bustaden. Du får då ein innflyttingsklar bustad med ekstra høg standard der du flyttar rett inn i den ferdige bustaden.

Bustaden vert levert med flott kjøkken- og baderomsinnreiing med speilskap og belysning, frå kvalitetsleverandøren Sigdal. Vidare vert det på bad levert vegghengt toalett og varmekablar med termostat. Det er også inkludert ein eksklusiv belysningspakke, skyvedørsgarderobar med speil på alle soverom, samt innvendig kvalitetstrapp frå Stryntrappa der bustaden har fleire etasjar.

I vår nøkkelferdige standard kan i tillegg nemnast særskilt:

• Eksklusiv kjøkkenløysing frå Sigdal, der frontar kan leverast i 15 valfrie fargevariantar. Kjøkkenet leverast med integrerte kvitevarer (kjøl/frys, induksjonstopp, steikeomn og oppvaskmaskin).
• Bad leverast ferdig flislagt med 60x60 cm flis frå Modena på veggar og golv. Det kan fritt veljast mellom 5 fargevariantar som inngår i flisserien. Dusjhjørne/-dør med profilar i krom og klart glas, mosaikkflis på golv.
• Sparkling for listefri utføring av tak og rundt vindauge for heile bustaden.
• Malte veggar og tak i valfrie fargar, der soverom og stove i tillegg kan leverast med kontrastvegg.
• 1-stavs eikeparkett av høg kvalitet levert på stove, kjøkken og soverom.
• Bustaden vert levert med utført byggvask før overtaking.
• Ingen byggelånsrenter, då betaling først vert utført ved overtaking og innflytting.

Om ønskeleg er det mogleg å påverke dei ulike vala og utføre personlege tilpassingar utover denne standard. For ferdigstilte bustadar vil dei ulike vala vere gjort og kan såleis ikkje endrast utan tillegg.
For gjennomgang av prosjektet eller ønske om visning vennligst ta kontakt.