Bildegalleri
Unik liggesykkel-tandem med elmotor
Beskrivelse av varen
Tilstand: Pent brukt - I god stand
Sykkeltype: Elektrisk
Eg har ikkje lenger bruk for tandem eller elsykkel, og dessutan har eg eit lagringsproblem. Difor vurderer eg å selja ein Pino Hase med ettermontert CYC X1 Stealth-motor og 48V 17Ah-batteri.
Sykkelen er særs stødig, med stor svingradius. Utsikta frå framsetet er makelaus, og den som sit bak, slepp å sjå inn i rumpa på den andre. Det beste med sykkeltypen er den korte avstanden mellom syklistane -- ein kan kommunisera utan å ropa eller snu seg.
Solid bagasjeberar. Med kreativ reimbruk kan framsetet òg brukast til bagasje. Ein får då ein transportsykkel/lastesykkel med stor kapasitet. Sykkelen kan altså fint brukast av éin person òg.
Sjølve sykkelen er kjøpt brukt for nokre år sidan i København hos Cyclistforbundet for 20 000 kroner (som vel var halv pris den gongen), og motor er ettermontert i 2021 hos Lierskogen Ebikes for om lag 20 000. Motoren er lite brukt. (Ein ny Pino Hase Steps med innebygd motor er saktens betre, men kostar tre gonger meir enn denne sykkelen.)
Sykkelen er pent brukt, mest med barn framme og berre sommarstid. Framsetet er no innstilt på ein brukar på ca. 170 cm. Kan justerast.
Motoren kan brukast med trøassistanse og "handgass". Han har gate- og sportsmodus, begge med fem nivå. I sportsmodus går han like fort som ein moped, men det er ulovleg. Det følgjer med ein app som spesielt interesserte kan bruka til å fininnstilla motoren.
Eg vil helst ikkje gå under 35 000 kroner. Prisen kan likevel diskuterast til ein viss grad om du er rask.
Sykkelen har sjølvsagt sete og setepinne, sjølv om det manglar på biletet.
Eit lite justeringsproblem til slutt: Frambremsen fungerte knallbra heilt til eg oppdaga rust på skiva og sette på ei ny. No er det mindre effekt + hyling. Dette kan nok lett ordnast, men eg får det ikkje til.
Brukerprofil
Du må være logget inn for å se brukerprofiler og sende meldinger.
Logg innAnnonsens metadata
Sist endret: 4.4.2025 kl. 16:02 ・ FINN-kode: 297519089
