Tomannsbustad Vatnehagen

Moderne leilegheit i tomannsbustad på kjempefin tomt i det nye bustadfeltet Vatnehagen 2. Bustaden har gode uteareal med balkong mot sør, og treplatt på terreng på sidene. God planløysing der stue og kjøkken er utforma som delvis opent areal med god kontakt mellom romma. Store vindauge mot sør slik utsikta kan nytast både frå kjøkken og stue. Her er bad i begge etasjar, og eit soverom nede og to oppe. Separat vaskerom i underetasjen, og to gode boder i bakkant av carporten. Kvar leilegheit har ein parkeringsplass i carport i tilknyting til bustaden, og privat innkøyring og parkering på sørsida. Veg og parkeringsareal vert asfaltert i samband med ferdigstilling av bustaden.

2-mannsbustaden har eit moderne uttrykk der arkitekten har valgt å framheve det moderne uttrykket ved å bruke forskjellige fargar og materialar. Skiftet mellom ulike typar bordkledning er med på å skape liv i fasadane, og gjer bustaden ekstra attraktiv.

Plassering

I Vatnehagen bor du i eit roleg og idyllisk bustadområde med nærheit til det aller meste. Sentral plassering nær Vatne barneskule, og gangavstand til barnehage, daglegvarebutikk, kafe, treningssenter, småbåthavn m.m.

I nærområdet er her fleire flotte friluftsområder med fine turstiar, og like i nærleiken ligg Gurinesbukta, eit nydeleg rekreasjonsområde med badeplass. Her er fleire fine fjellturar i nærområdet, og turstien til Ulvestadsætra og vidare til Ulvestadvatnet og Otrefjellet er vel den som er aller mest populær. Området har svært gode vilkår for friluftsliv med ferskvatn og eit flott fjellandskap. Ein variert natur gir gode føresetnader for ulike aktivitetar for alle.

Nokre få minutt unna med bil ligg Vatne ungdomsskule, Eidet kulturhall og IL Ravn sitt idrettsanlegg. På Eidet ligg også to daglegvarebutikkar, diverse andre butikkar, frisør, legekontor, tannlege, Eidet omsorgssenter, bensinstasjon med gatekjøkken m.m. Køyretid til Digerneset 15 minutt, til Moa 25 minutt, og til Ålesund sentrum via Ellingsøya ca. 35 minutt.

Beskriving av leveransen

Leilegheitene vert levert klar til eigeninnsats med sparkling/maling/tapetsering, membran/flislegging og golvlegging, men kan leverast heilt eller delvis klar til innflytting mot eit avtalt pristillegg. Kjøpar vil sjølv kunne velge standard på veggar og golv, og om ønskjeleg velge anna kjøkken- og baderomsinnreiing frå Kvik enn den som er med i leveransen.

Følgjande er med i standardleveransen:

• Kjøkkeninnreiing frå Kvik
• Baderomsinnreiing frå Kvik
• Veggmontert toalett på begge bad
• Skyvedørsgarderobe på stort soverom
• Garderobeskap på dei to minste soveromma
• Varme i golv på begge bad og ytre del av gang i u.etg.
• Balansert ventilasjon frå Villavent
• Stålpipe med ferdig montert eldstad type Ild10
• Rør i rør system
• Frostsikker utekrane
• Biloppstillingsplass i carport
• Dekke i carport støypt i betong
• Asfaltert veg og parkeringsareal

Fordelar ved kjøp av heilt ny leilegheit

Det er mange fordelar ved kjøp av ny leilegheit kontra det å kjøpe brukt, og berre tenk på den gode følelsen av å flytte inn i ei heilt ny leilegheit som ingen har budd i før.

• Alt er nytt, ikkje behov for oppussing
• Meir energieffektiv bustad, lave kostnader til oppvarming
• Lave kostnader til vedlikehald
• Moglegheit til å påverke utforming og innreiing
• Tidsriktig og praktisk bustad
• Eit sikrare kjøp, garantitid om feil oppstår
• Du slepp hektiske budrundar
• Du kan vurdere i fred og ro, og kjøpe til fast pris
• God tid til å førebu flytting
• Svært lave kjøpsomkostningar, berre omkostningar til tinglying av skøyte på kr 22 000,-
• Bygd etter ny teknisk forskrift (TEK 17)

Diverse

Oppstart trearbeid i januar -25, og byggetida vil vere omlag eit år frå oppstart trearbeid.

Fiber vert lagt fram til bustaden, abonnement kan kjøpar bestille med Tafjord Marked AS.

For meir informasjon ta kontakt med Møre Hus v/Jofrid Hatlehol tlf. 970 12 140.