Rådgivar innan helse- og kvalitetsregister – dataforvaltar og analytikar
Helse Bergen
- Frist 11.08.2024
- Ansettelsesform Fast
Rådgivar innan helse- og kvalitetsregister – dataforvaltar og analytikar
Vil du bli ein av våre nøkkelspelarar i dataforvaltning og analyse innan medisinske kvalitetsregister?
Haukeland universitetssjukehus søker etter ein dyktig rådgivar innan kvalitetsregisterfeltet til fast stilling knytt til Regionalt fagsenter for kvalitetsregister i Helse Vest.
Stillinga er organisert i Seksjon for forsking og innovasjon, som har ansvar for støtte- og rettleiingstenester innan forsking og kvalitetsregister for alle sjukehusa i Helse Vest, og for innovasjon innan Haukeland universitetssjukehus. Seksjonen har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, data, økonomi og forvaltning.
Stillinga vil inngå i et tverrfagleg team som har spisskompetanse innan etablering, administrasjon og drift av kvalitetsregister, juss, IKT, dataanalyse og statistikk, samt kvalitetsforbetringsmetodikk. Seksjonen gir service og rettleiing til klinikarar og leiarar, og støtter opp dei nasjonale, regionale og lokale kvalitetsregistra ved sjukehusa i regionen. Føremålet med kvalitetsregister er å dokumentere behandlingsaktivitet og behandlingsresultat, slik at dei kan brukast til å måle kvalitet og gevinst av tenestene og gjev grunnlag for styring, kvalitetsforbetring og forsking.
Du får høve til å arbeide både sjølvstendig og i team. Det kan og være aktuelt med andre arbeidsoppgåver innanfor temaområdet forsking og innovasjon som ligg til seksjonen sitt ansvarsområde. Stillinga inneber både rutine- og utviklingsarbeid.
Arbeidsoppgåver
- Utvikling av løysingar for datafangst, -handtering, -tilrettelegging, -analyse og formidling av resultat frå kvalitetsregistra
- Rettleiing og rådgiving i bruk av kvalitetsregisterdata til analyse
- Bidra til tilgjengeleggjering av data til kvalitetsforbetring og forsking
- Rådgi på datakvalitet, til dømes variabelutforming, registerstruktur
- Programmere verktøy som blir nytta for analyse og rapportering av registerdata
- Automatisere årsrapportar og andre rapportar frå registera
- Bidra i arbeidet for automatisert datafangst til helse- og kvalitetsregister
- Støtte sjukehusa i bruk av kvalitetsregisterdata til kvalitetsforbetring og forsking
- Delta i fagmiljø og halde faglege innlegg i opplærings- og formidlingsverksemd, seminar og nettverk
- Administrative oppgåver, utgreiingsarbeid, saksførebuing og oppfølging av saker mv.
- Det kan vere aktuelt med andre oppgåver innanfor temaområdet forsking og innovasjon
Kvalifikasjonar
- Utdanning på mastergradsnivå, men relevant kompetanse i arbeid med helsedata kan kompensere for dette formelle kravet
- Erfaring med å handtere og analysere data, og kjennskap til IKT-verktøy og statistikk-verktøy (til dømes SQL databasar, R, Strata og SPSS). God kjennskap til statistikkverktøyet R blir vektlagt. Kompetanse i andre programmeringsspråk og vilje til å sette seg inn i nye verktøy kan kompensere for manglande R-kunnskap
- Dokumentert kompetanse i kvantitativ metode/statistikk
- Kjennskap til helsetenesta og/eller helsedata er ønskeleg
- Erfaring med undervisning, møteleiing og teamarbeid er ønskeleg
- Framifrå kunnskap og formuleringsevne i norsk munnleg og skriftleg er eit absolutt krav
Personlege eigenskapar
- Kan arbeide sjølvstendig, målretta, systematisk og nøyaktig
- Kan lytte til og samarbeide med andre, på tvers av fag og einingar
- Ei positiv haldning til å tileigne og dele kunnskap
- Personlege eigenskapar vil bli vektlagt
Vi tilbyr
- Ei stilling med utfordrande og meiningsfylte oppgåver
- Kompetente og engasjerte kolleger i eit tverrfagleg og godt fagmiljø
- Stor moglegheit for fagleg utvikling
- Fleksibel arbeidstid, og arbeidsplass i trivelege lokaler på haukelandsområdet
- Lønn etter avtale og gode pensjons- og forsikringsordningar
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Jonas Lies vei 68, 5053 Bergen
- Bransje: Helse og omsorg, IT, Annet
- Stillingsfunksjon: Analyse, Rådgivning, IT utvikling / Utvikler (generell)
- Arbeidsspråk: Norsk, Engelsk
Nøkkelord
dataforvalter, analyse, statistikk, Rådgiver, kvalitetsregister
- FINN-kode 354939934
- Sist endret