![Oslo universitetssykehus HF logo](https://images.finncdn.no/dynamic/480w/logo/result/798225499/sykehus_7637190194870020544.png)
![Helse Bergen logo](https://images.finncdn.no/mmo/logo/result/413162945/iad_178711011333537950611-12-2012_09-31-30.png)
MR-fysikar
Helse Bergen
- Frist 12.08.2024
- Ansettelsesform Fast
MR-fysikar
Fysikar/medisinsk fysikar innan MR
Medisinsk-teknisk avdeling (MTA) leverer forvaltingstenester innan medisinsk teknologi og informatikk til Helse Bergen, ofte i akutte situasjonar der medisinsk-teknisk utstyr er i bruk. Vi tar òg del i forsking, utvikling og innovasjonsoppgåver. Arbeidsoppgåvene i avdelinga spenner over område som: Delta i innkjøp, installasjon av nytt utstyr, planlegge og utføre service, tilverke utstyr og programvare som blir nytta i forskingsstøtte, pasienttilpassa utviklingsoppgåver og å utarbeide rutinar og dokumentasjon. I tillegg har avdelinga eigne forskings- og utviklingsprosjekt. MTA legg stor vekt på kompetansebygging med kursing både internt og eksternt.
Medisinsk-teknisk avdeling arbeider for å trygge pasientar og brukarar gjennom gode rutinar for tenesteleveranse og tett samarbeid med klinikkane. Vi forvaltar ein utstyrspark på om lag 40 000 einingar, verd i overkant av 2 milliardar kroner. MTA tek hand om utstyret gjennom heile prosessen frå anskaffing til avhending, og våre tilsette held ved lag høg kompetanse gjennom generell og utstyrsspesifikk opplæring. Avdelinga har i dag 88 tilsette. Medisinsk-teknisk avdeling er ein del av Drift/teknisk divisjon. Seksjon for radiologi har i dag om lag 15 tilsette, med oppgåver knytt til vedlikehald og forvalting av medisinsk utstyr, kvalitetskontroll, oppgåver på klinikken og forskingsstøtte. Vi har oppgåver på Haukeland universitetssjukehus (HUS) i Bergen, på Voss sjukehus og i Vestland fylke. Det er eit svært hyggeleg og engasjert miljø hos oss. Generelt er det eit aktivt fagutviklingsmiljø på seksjonen, og vi arbeider tett med fleire kliniske miljø på HUS. Vi har òg eit godt samarbeid med fleire andre norske og internasjonale miljø, særleg med Universitetet i Bergen og Høgskulen på Vestlandet.
Arbeidsoppgåver
Helse Bergen utfører MR-undersøkingar både på 1,5 og 3 tesla MR-maskinar, og på MR-PET. I denne stillinga vil du inngå i team med andre fysikarar der du arbeider både med kliniske oppgåver og med fagutvikling. Som medisinsk fysikar hos oss har du ein variert og spennande kvardag der du møter eit breitt spekter av ulike faglege utfordringar, og stillinga passer for nokon som blir motivert av å tenke nytt og finne gode løysingar. Ein viktig del av denne stillinga er fysikar-ansvar både på Haukeland universitetssjukehus og ved andre føretak i regionen. Du må rekne med ein del reiseaktivitet i regionen. Vi rettleiar brukarane i å nytte kunstig intelligens (KI) i medisinsk utstyr. Du vil mellom anna delta i optimalisering av MR-sekvensar der kunstig intelligens brukast til bilderekonstruksjon. Avhengig av bakgrunn og kompetanse vil vi tilby tilpassa opplæring, og det vil vere anledning til å følge eit sertifiseringsløp som medisinsk fysikar. Konkrete ansvarsområde i stillinga vil bli definert etter ei totalvurdering, som òg inkluderer ev. særleg kompetanse og ønsker hos aktuell kandidat. Vi oppfordrar både personar med etablert MR-kunnskap og nyutdanna til å søke.
Typiske oppgåver er:
- Optimalisering av MR-protokollar og sekvensar for å sikre god bildekvalitet og diagnostisk nøyaktigheit
- Delta i tverrfaglege team for å utvikle og implementere nye MR-teknikkar og -applikasjonar
- Utføre kvalitetssikring og sikkerheitstiltak knytt til MR-undersøkingar
- Rettleiing og opplæring av radiologar, radiografar og anna helsepersonell i bruk av MR-teknologi
- Aktivt samarbeid med klinikarar for å tilpasse MR-undersøkingar til kliniske behov og forbetre pasientbehandlinga
- Bidra til forskingsprosjekt og kliniske studiar relatert til MR, inkludert samarbeid med forskarar og klinikarar
- Samarbeide med leverandørar for teknisk support og oppdatering av MR-utstyr
Kvalifikasjonar
- Mastergrad i fysikk eller medisinsk teknologi, helst med hovudvekt på medisinsk fysikk
- Kunnskap om MR-fysikk, motivasjon til å lære meir og til å følge med innan MR-feltet er viktig i stillinga
- God forståing av, og praktisk erfaring med, bildebehandling, MR-opptaksteknikkar, signalprosessering og sekvensutvikling
- Kunnskap i anvendt matematikk vektleggast
- Basal anatomi- og fysiologi-kunnskap er viktig for effektiv kommunikasjon med klinisk personale
- Erfaring frå arbeid med andre felt innan medisinsk teknologi vil vere ein fordel
- Anna utdanning kan vurderast ved særskilt relevant fagkrets og erfaring
Språk
- Må meistre norsk både munnleg og skriftleg
- Må meistre engelsk både munnleg og skriftleg
Personlege eigenskapar
- Sterke analytiske ferdigheiter og evne til å arbeide systematisk og nøyaktig
- Du må kunne arbeide sjølvstendig etter opplæring
- Du tek sjølv initiativ og har evnar til å gjennomføre arbeidsoppgåver
- Gode samarbeidseigenskapar, òg på tvers av profesjonar
- Du kan kommunisere fysikk på ein enkel måte med klinisk personale
- Du er vennleg og hjelpsam mot kollegaane dine
- Du strekker deg langt for å yte beste mogleg service
- Endringsvillig – du er fleksibel og tek raskt på deg nye oppgåver
Vi tilbyr
- Ei utfordrande og spanande stilling ved eit av dei største sjukehusa i Noreg
- Ein allsidig jobb med gode moglegheiter for utvikling
- Opning for å delta i opplæringsløp, faglege forum, konferansar og liknande
- Eit stabilt arbeidsmiljø prega av stort mangfald både i utdanningsnivå og profesjon (fag)
- Årleg fellessamling for alle i avdelinga med fokus på arbeidsmiljø
- Fleksibel arbeidstidsordning
- Pensjon og forsikringsvilkår i KLP
- Lønn etter avtale
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Haukelandsveien 22, 5021 Bergen
- Bransje: Helse og omsorg, Elektronikk
- Stillingsfunksjon: Helsepersonell / Radiograf, Helsepersonell, Geologi/Fysikk/Kjemi
- Arbeidsspråk: Norsk
Nøkkelord
Fysikar, medisinsk teknikk, drift-teknisk divisjon, sjukehus, sykehus
- FINN-kode 357078969
- Sist endret
Lignende annonser
![Oslo universitetssykehus HF logo](https://images.finncdn.no/dynamic/480w/logo/result/798225499/sykehus_7637190194870020544.png)
![Oslo universitetssykehus HF logo](https://images.finncdn.no/dynamic/480w/logo/result/798225499/sykehus_7637190194870020544.png)
![BKK AS logo](https://images.finncdn.no/dynamic/480w/2024/7/vertical-0/02/0/359/566/430_5cb4fd70-c185-45c6-9a3a-187a540fd420.png)
![Folkehelseinstituttet FHI logo](https://images.finncdn.no/dynamic/480w/2024/8/vertical-0/15/3/365/964/653_a5f68352-d9c8-40fa-8298-3aa2e77d214f.jpg)
Vil du være med og videreutvikle vår forskning på vaksineeffekt?
Folkehelseinstituttet FHI
![NINA logo](https://images.finncdn.no/dynamic/480w/logo/result/0/nina_logo_5700982790129590309.png)
![OsloMet - storbyuniversitetet logo](https://images.finncdn.no/dynamic/480w/2024/7/vertical-0/22/4/362/111/534_ca1fe5de-d157-419a-9199-cfccd5ccec05.png)
Postdoktorstilling – langtidsutfall blant unge voksne med smerter og psykiske plager
OsloMet - storbyuniversitetet
![Folkehelseinstituttet FHI logo](https://images.finncdn.no/dynamic/480w/2024/8/vertical-0/22/8/367/158/568_f527ecfd-8f85-478f-bbcf-2c833e3b2843.jpg)
![NIFU Nordisk institutt for studier av innovasjon, forskning og utdanning logo](https://images.finncdn.no/dynamic/480w/logo/result/151637/iad_7999496078881627980nifu_logo_sort__003__730.png)
Forskere med samfunnsøkonomisk eller sosiologisk bakgrunn
NIFU Nordisk institutt for studier av innovasjon, forskning og utdanning
![Abbott Norge AS logo](https://images.finncdn.no/dynamic/480w/2024/4/vertical-0/11/8/348/016/488_47b4afb6-d174-4875-9f12-8067b81fb086.jpg)