![Kvam herad logo](https://images.finncdn.no/dynamic/default/2024/6/vertical-0/20/5/358/056/775_8f59f1f9-bf57-4476-8bf9-439b59d427c8.jpg)
Rådgjevar innkjøp
Kvam herad
- Frist 4.8.2024
- Ansettelsesform Fast
Har du utdanning innan juss, økonomi eller logistikk? Då har Kvam herad stillinga for deg!
Me tilbyr varierte arbeidsoppgåver i eit spennande fagområde på tvers av organisasjonen. I jobben som rådgjevar innkjøp opparbeider du attraktiv kompetanse og erfaring innan innkjøpsfaget, samstundes som du bidreg til effektiv bruk av fellesskapen sine midlar. Du vil arbeida med innkjøp og kontraktar knytt til mellom anna IT, varer, tenester, bygg og anlegg.
Me ser etter deg som er systematisk, tek initiativ og er løysingsorientert. Du har ambisjonar og ønskjer å utvikla deg både fagleg og personleg.
På rådhuset i Norheimsund får du jobba saman med dyktige og kjekke kollegaer med ulik fagbakgrunn. Er du nyutdanna vil du få god opplæring, støtte og oppfølging frå kunnskapsrike kollegaer. Stillinga gjev mogelegheit for delvis bruk av heimekontor.
Me gler oss til å treffa deg som er motivert for jobba innan dette varierte og spanande fagfeltet!
Kvam herad forvaltar store økonomiske ressursar og har eit budsjett på ca 1,1 milliardar kroner. Av dette vert omlag 200 millionar nytta til innkjøp. I tillegg kjem investeringar som har lagt på mellom 100 og 200 millionar kroner dei seinaste åra. Du kan få meir informasjon om dette i Årsrekneskap-2023
Arbeidsoppgåver
- Arbeida i tverrfaglege innkjøpsteam saman med fagspesialistar, brukarar, leiarar, teknologar, økonomar og juristar
- Halda oversikt over og følga opp kommunen sine innkjøpsavtalar
- Tilrettelegga og gjennomføra offentlege anbods- og innkjøpsprosessar
- Delta i fagleg utvikling strategiar, maler, verktøy og sjekklister
- Intern rådgjeving, opplæring og oppfølging knytt til innkjøp og avtalar
- Deltaking i innkjøpssamarbeid med andre kommunar
Arbeidsoppgåvene kan verta endra over tid i samsvar med kommunen sine behov og kandidaten si utvikling.
Kvalifikasjonar
Me søker deg som har:
- Relevant utdanning, gjerne innan juss, økonomi, innkjøp eller logistikk på universitet eller høgskulenivå
- Erfaring frå liknande stilling/fagfelt er ynskjeleg, men ikkje eit krav. Nyutdanna vert og oppfordra til å søkja
- Gode norskkunnskapar, både skriftleg og munnleg
Personlege eigenskapar
- Du er nøyaktig, strukturert og liker å sette ting i system
- Du er flink til å prioritera, ta initiativ og få ting gjort
- Du jobbar godt både sjølvstendig og saman med andre
Me tilbyr
- Varierte og utfordrande arbeidsoppgåver i eit tverrfagleg og godt arbeidsmiljø
- Gode moglegheiter for fagleg og personleg utvikling
- Løn etter avtale med innplassering basert på kompetanse og erfaring
- Gode pensjons-/og forsikringsordningar
- Fleksitid og mogelegheit for delvis heimekontor
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Om arbeidsgiveren
Oppdag Kvam - framtida er her!
Med sine 8500 innbyggjarar ligg Kvam vakkert plassert i hjarta av Hardanger og ved Hardangerfjorden, berre ein times køyretur frå Bergen. Her møter du ein natur som inviterer til aktiv fritid både sommar og vinter. Kvam, heimkommunen til nobelprisvinnar Jon Fosse, byr på eit rikt kultur- og organisasjonsliv med festivalar for ein kvar smak.
Naturopplevingar og aktivitetar
Ved fjorden finn du idylliske badestrender midt i sentrum av både Norheimsund og Øystese. For deg med lidenskap for langrenn eller toppturar, tilbyr Sjusete skisenter og fjellområdet Kvamskogen fantastiske skiforhold.
Ein kommune for framtida
Kvam satsar på barn og unge og er Årets ungdomskommune i 2024. Me har to vidaregåande skular, og ein ny, moderne vidaregåande skule er under bygging i sentrum av regionsenteret vårt Norheimsund.
Eit variert næringsliv
Næringslivet i Kvam er mangfaldig og inkluderer m.a. handel- og reiselivsnæring, lokal matproduksjon, jordbruk og industri. Dette gir mange moglegheiter for både jobb og fritid.
Opplev det beste av natur, kultur og samfunn i Kvam - i hjarta av Hardanger! Les meir
- Nettverk: Facebook, LinkedIn
- Sektor: Offentlig
- Sted: Grovagjelet 16, 5600 Norheimsund
- Hjemmekontor: Delvis hjemmekontor
- Bransje: Juridiske tjenester, Konsulent og rådgivning, Offentlig administrasjon
- Stillingsfunksjon: Innkjøp/forhandling, Rådgivning, Økonomi og regnskap / Økonomistyring og budsjettering
- Arbeidsspråk: Norsk
Nøkkelord
Jurist, Økonom, Logistikk, Tverrfaglig innkjøpsteam, Hardanger
- FINN-kode 358056775
- Sist endret
Lignende annonser
![REMA 1000 SMELTEVERKET logo](https://images.finncdn.no/dynamic/480w/2024/7/vertical-0/24/4/362/395/634_7d613d3e-4730-4c23-9049-6e8f2e3e8dd4.png)
![Kvam herad logo](https://images.finncdn.no/dynamic/480w/2024/8/vertical-0/14/8/365/748/238_dde220d4-c1e1-4693-9081-e038151ce5cc.jpg)
![Coop Prix Jondal logo](https://images.finncdn.no/dynamic/480w/logo/result/284256975/hordaland_ny_stor_2222697015329614551.png)
![Osterøy kommune logo](https://images.finncdn.no/dynamic/480w/2024/8/vertical-0/15/9/365/904/319_73ba7221-55da-4db3-8212-809c92c1ee4a.png)
![Fjellstrand AS logo](https://images.finncdn.no/dynamic/480w/2024/7/vertical-0/15/1/361/365/521_708f1ca2-3253-4391-9b2c-dab12490e9e2.jpg)
![Avery Dennison NTP logo](https://images.finncdn.no/dynamic/480w/2024/7/vertical-0/11/3/360/794/863_8b7d7e45-5e26-4936-80d6-f2fe50198067.png)
![Røde Kors logo](https://images.finncdn.no/dynamic/480w/logo/result/123427517/iad_7175185444233877878rode_4025670753233443204_medium.png)
Prosjektleder barne- og ungdomssatsning Ullensvang i 2-årig engasjement
Røde Kors
![Osterøy kommune logo](https://images.finncdn.no/dynamic/480w/2024/7/vertical-0/11/8/360/887/028_ff9fb25a-09a0-460a-8fec-2b27ad059d8c.png)
![E. A. Smith AS logo](https://images.finncdn.no/dynamic/480w/2024/8/vertical-0/15/5/365/972/925_8cd77748-c5e3-4e58-b656-dfd9adf993be.jpg)
![Kvam Elektro AS logo](https://images.finncdn.no/dynamic/480w/2024/8/vertical-0/15/7/365/897/757_6893cfbe-6b02-4b9c-ba19-f3cf40d9743a.png)