Beredskapsheimskonsulent
Bufetat
- Frist 08.07.2024
- Ansettelsesform Vikariat
Beredskapsheimskonsulent
Ved Stavanger Akuttsenter, avdeling Stavanger beredskapsheim, har vil ledig eit års vikariat i 100% med moglegheit for forlenging. Arbeidstid på dagtid (fleksitid). Oppstart etter avtale.
Stavanger Akuttsenter har fire avdelingar. To institusjonsavdelingar og to beredskapsheimsavdelingar. Ein i Haugesund og ein i Stavanger. Vi bistår heile Rogaland og tar i mot ca 350 barn i året. Beredskapsheimsavdelingane tar imot barn og ungdom plassert etter lov om barnevern §§ 3-2, 4-1, 4-2, 5-5 jmf. 5-1. Alder 0-18 år. Ved avdeling Stavanger har vi 46 beredskapsheimar.
Stavanger Akuttsenter byr på spennande utfordringar, høgt tempo og varierte oppgåver. Vi set kvalitet høgt og har eit godt fagmiljø. Vi tilrettelegg for utvikling, rettleiing og fagleg oppfølging i eit godt arbeidsmiljø.
Arbeidsoppgåver
- Oppfølging og rettleiing av beredskapsheimane.
- Oppfølgings- og koordineringsansvar av barn/ungdom i beredskapsheimane.
- Ansvar for opplæring, individuell rettleiing og grupperettleiing til beredskapsheimane.
- Dokumentasjon og rapportskriving etter gjeldende krav.
- Deltaking i samarbeidsmøter med andre interne og eksterne instansar.
- Deltaking i intern fagutvikling.
- Tett samarbeid med fagkoordinator og avdelingsleiar.
Kvalifikasjoner
- For stilling som fagkonsulent vert det krevd treårig høgskoleutdanning lik 180 studiepoeng som barnevernspedagog, sosionom eller vernepleiar.
- Rettleiingskompetanse jamfør FO sitt krav om rettleiingskompetanse eller tilsvarende. Kandidatar uten denne kompetansen kan bli vurdert ved å forplikte seg til å tilegne seg denne i ettertid.
- Krav om erfaring fra rettleiingsarbeid.
- Erfaring frå arbeid med spedbarn/småbarn/barn.
- Erfaring frå kommunalt barnevern og/eller arbeid med traumeutsatte barn og ungdom.
- Gode IKT-ferdigheter.
- Førarkort klasse B.
Det er ønskeleg med:
- Relevant vidareutdanning.
- Kompetanse på, og erfaring med barn og ungdom med psykiske vansker.
- Kompetanse på, og erfaring med barn og unge med minoritetsbakgrunn.
Personlege eigenskapar
Du:
- har gode kommunikasjons- og samarbeidsevner
- er initiativrik, fleksibel og løsningsorientert
- evner å arbeide sjølvstendig og i team, etter gjeldande rutinar og retningslinjer samt skape fremdrift i eige arbeid
- liker krise- og akuttarbeid og mestrer ein uforutsigbar arbeidskvardag
- er analytisk og strukturert i ditt arbeid
Du kan:
- vise god munnleg og skriftleg formidlingsevne på norsk
- levere skriftleg arbeid (rapporter, sammenstillingar o.l.) iht. fristar og dokumentasjonskrav.
Personlege eigenskapar og motivasjon for stilling vil bli tillagt stor vekt.
Vi tilbyr
- Stillinga er plassert i statleg lønsregulativ i stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut, p.t. kr 466 600 - 604 900 pr. år (ltr. 45-62). Ved relevant vidareutdanning tilsvarande 60 studiepoeng, kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut, p.t. kr 524 700 - 667 700 pr år (ltr. 53-68). Ved godkjenning som klinikar, kan det tilsetjast i stillingskode 1173 klinisk sosionom eller 1496 klinisk barnevernspedagog, p.t kr 532 200-667 700 pr år (ltr. 54-68).
- Løn og stillingskode blir vurdert etter utdanning og erfaring. For spesielt kvalifiserte søkjarar kan høgare løn vurderast.
- Moglegheit for trening i arbeidstiden.
- Fleksitidsordning innanfor bestemte rammer.
- Medlemskap i Statens Pensjonskasse jf. Lov om Statens pensjonskasse, som inneber ein god tjensestepensjonsordning, moglegheit for tilbod om bustadlån til konkurrransedyktige vilkår, samt yrkesskade- og gruppelivsforsikring.
- Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til Bufetat region vest, Stavanger Akuttsenter avd beredskapshjem i Stavanger.
- Politiattest må framleggast ved eventuell tilsetting, jf. lov om barnevern § 12-11, og forskrift om politiattest § 7. Denne attesten skal ikkje leggast med søknaden.
- Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
Søknad med CV skal sendast elektronisk via lenke på denne sida.
Vitnemål og attestar med bekrefta stillingsstorleik og varigheit skal takast med ved eit eventuelt intervju.
Om arbeidsgiveren
Barne-, ungdoms- og familieetaten sine fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat region vest femner om fylka Vestland og Rogaland. Regionkontoret ligg i Bergen
- Sektor: Offentlig
- Sted: Lagårdsveien 44, 4010 Stavanger
- Bransje: Helse og omsorg
- Stillingsfunksjon: Barnevernspedagog, Sosionom, Vernepleier/miljøterapeut
- Arbeidsspråk: Norsk
Nøkkelord
Beredskapshjem, Beredskapshjemskonsulent, Barnevernspedagog, Miljøterapeut, Barnevern
meta.heading
- FINN-kode 358530713
- Sist endret