HR konsulent
Voss herad HR og Innovasjon
- Frist 14.08.2024
- Ansettelsesform Fast
HR konsulent med systemansvar for GAT
Me treng ein dyktig medarbeidar som kan gje brukarstøtte og rettleiing til leiarane våre i arbeidstidsplanlegging og ressursstyring ved bruk av GAT.
Du vert ein del av ei aktiv og kompetent faggruppe med ansvar for utvikling, rådgjeving og opplæring innan HR og HMS- feltet. Stillinga ligg til HR-avdelinga ved stabsavdelinga HR og innovasjon. Arbeidet på HR-avdelinga er prega av utstrekt samarbeid på tvers i organisasjonen med moglegheit for påverknad og fagleg utvikling.
Me har ledig 100% fast stilling som HR-konsulent.
Arbeidsoppgåver
- Systemansvar GAT
- Brukarstøtte og rettleiing til leiarar i arbeidstidsplanlegging og ressursstyring ved bruk av GAT
- Bidra til vidareutvikling og forbetring av system og prosessar
- Utarbeida og følgja opp personalpolitiske dokument
- Råd og rettleiing av leiar om lov og avtaleverk
- Kompetanseutvikling
- Løn, refusjon, sjukepengar
- Sakshandsaming innan personalområdet
- Samarbeid med arbeidstakarorganisasjonar
Me ynskjer at du har
- Relevant utdanning
- Erfaring og kompetanse i ressursstyring og arbeidstidsplanlegging
- Erfaring i bruk av GAT som verktøy
- Kjennskap til lov og avtaleverk i kommunal sektor
- God systemforståing og IT-kompetanse
- Gode norskkunnskapar, både skriftleg og munnleg
Personlege eigenskapar:
- Kan arbeida sjølvstendig, strukturert og med høg gjennomføringsevne
- Løysingsorientert med evne til raskt å setja seg inn i nye system og prosessar
- God lagspelar og tillitsskapande relasjonsbyggar
- Du må trivast med å jobba saman med andre og ha gode kommunikasjonsevner
- God formidlingsevne
Me tilbyr
- Eit godt arbeidsmiljø der me støttar og oppmuntrar kvarandre
- Ein inkluderande arbeidsplass der me legg til rette for fagleg og personleg utvikling
- Høve til å påverka eigen arbeidskvardag
- Gode forsikrings- og pensjonsordningar
- Løn etter kommunalt avtaleverk
- Fleksitid
- Mektig natur, ski- og fritidsterreng med aktivitetar frå fjord til fjell
- Ei levande kulturbygd med gode oppvekst- og utdanningsvilkår
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Om arbeidsgiveren
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.
Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.
Verdiane våre er profesjonell - påliteleg - skapande - inkluderande
- Sektor: Offentlig
- Sted: Voss Tinghus, 5700 Voss
- Bransje: Offentlig administrasjon
- Stillingsfunksjon: HR, personal og rekruttering
Nøkkelord
HR, konsulent, GAT, system, personal
- FINN-kode 358939284
- Sist endret