![](https://images.finncdn.no/dynamic/1280w/2024/3/vertical-5/11/4/2b4/a3d/20-/df9/9-1/1ee/-a1/4e-/eda/aa0/545/7d4_1905171974.jpg)
Førstekonsulent
Bufetat
- Frist 11.08.2024
- Ansettelsesform Fast
Førstekonsulent
Bufetat har ledig 100 % stilling som førstekonsulent i Kontorfagleg eining avdeling Stavanger, med oppstart snarast.
Hos oss blir du ein del av vår kontorfaglege eining, som for tida består av 18 hyggjelege medarbeidarar fordelt på fire felleshus i regionen;
Førde, Haugesund, Stavanger og Bergen.
Vi ser etter ein fagleg dyktig kollega som vil bidra til at offentleg sektor jobbar endå smartare og meir effektivt! Vil du bidra til å vidareutvikle rolla vår som ein føreseieleg og profesjonell service- og støttefunksjon for resten av organisasjonen?
Arbeidsoppgaver
Kva vil arbeidsdagen din bestå av?
Vi ynskjer oss ein medarbeidar med vilje og evne til å arbeida sjølvstendig. Du kan forvente jamnt og høgt arbeidstempo og du må kunne halde fristar for rapportering og internkontroll.
Her er nokre av arbeidsoppgåvene vi håpar vil gje deg arbeidsglede:
- Kontroll og attestering av faktura for kjøp av private institusjonsplassar.
- Kontraktsoppfølging: Ansvarleg for utsending av rett dokument med tilhøyrande følgjebrev.
- Periodisk rapportering på regionalt nivå til direktoratet.
- Kontroll og innmelding av løn for statlege oppdragstakarar.
- Administrativ støtte til eining for Inntak avd. Stavanger.
- Andre økonomioppgåver knytt til Bufetat, region vest si verksemd.
Ein stor del av oppgåvene handlar om å avdekke avvik og rapportering. Du må difor evne å handtere mykje og detaljert informasjon. Det er også forventa at du kan halde deg til fristar og å levera innan forventa tidsramme, og vere fleksibel i høve til arbeidstid og uttak av ferie.
Kvalifikasjoner (overskrift)
Kven ser vi etter?
- Stillinga som førstekonsulent krev at må du kunne framskaffa relevant informasjon, vurdera og å velgje blant fleire alternativ.
- Du må kunne systematisere og analysere komplekse fagleg/administrative problemstillingar, eventuelt med preg av utredning, for så å utarbeide grunnlag for avgjerd.
- Du har god skriftleg og munnleg framstillingsevne på norsk.
- Du kan arbeida sjølvstendig, halde deg til lovar, reglar og retningslinjer, vurdera problemstillingar og komme med forslag til løysing.
Dialog og tilbakemeldingar frå kollegaer, besøkjande og samarbeidspartar blir sett på som den viktigaste kvalitetsindikatoren vår. Det blir difor forventa at du har god rolleforståing i framferd og utføring av oppgåver.
Det er særleg viktig at du er komfortabel med å vera tilgjengeleg for besøkjande og kollegaer, samtidig som du løyser eigne daglege gjeremål.
Du må rekna med at stillingsinnhaldet kan endrast på sikt. Me arbeidar i eit fagområde som krev høg grad av fleksibilitet og omstillingsevne.
Me trur du vil trivast i denne stillinga viss desse punkta beskriv deg:
- Ein tillitsskapande og serviceorientert person som er god på samarbeid.
- Du er imøtekommande, hjelpsam og oppteke av å skape ein god atmosfære.
- Du er nøyaktig og har evne til å leita etter/være oppmerksam på detaljar som kan avdekke avvik.
- Strukturert- du liker å jobba i ulike system for å handtera arbeidet ditt, og prioritera arbeidet på ein måte som gjer at du leverer i god tid innan oppsette fristar.
Personlege eigenskapar
Kva slags bakgrunn har du?
Det vert krav om at du har fullført relevant bachelorgrad frå høgskule/universitet, tilpassa dei oppgåvane som skal utførast.
Av erfaring vil me vektlegge om du har:
- Minimum 1 års erfaring med relevant arbeid. Ved fullført relevant mastergrad kan krav til erfaring fråvikast.
- God økonomiforståing med evne til å sjå samanhengar.
- Solide ferdigheiter og kunnskapar i Excel.
- Beherske nynorsk som skriftleg arbeidsspråk.
Anna som og kan vere fint om du har erfaring med:
- Dokumenthandtering.
- Internkontroll/avvikskontroll.
- Rekneskap, kontering og attestering av faktura og/eller budsjettoppfølging.
- Prosjektarbeid eller prosjektleiing.
- Vi ønskjer oss ein lagspelar som veit å utøva godt medarbeidarskap og vil bidra til eit godt sosialt og fagleg fellesskap.
- Du har ei ro og eit nærvær som gjer at du handterer krevjande og stressande situasjonar på ein profesjonell måte.
- For oss er det særs viktig korleis du som person passar til jobben. Dette vil bli teke med i den totale vurderinga.
- Vi ser for oss deg som trivst i ope kontorlandskap, likar uformell småprat og har hjarte for våre barn- unge, og familiar.
På grunn av einingas samansetning oppmodar me menn til å søkje.
Kva får du hos oss?
- Meiningsfylt arbeid for deg som vil vere med å jobbe med vårt viktige samfunnsoppdrag.
- Ein interessant og til tidar utfordrande stilling som er sentral i Bufetat sitt arbeid med kjøp av private barnevernsplassar.
- Stillinga er plassert i statleg lønsregulativ i stillingskode 1408 som førstekonsulent p.t. kr 472 900 - 575 400 (ltr. 46- 59). Løn vert vurdert etter utdanning og erfaring.
- Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, moglegheit for tilbod om bustadlån til konkurransedyktige vilkår, og yrkesskade- og gruppelivsforsikring.
I tillegg kan vi tilby:
- Moglegheit til å trena inntil ein time i veka, i arbeidstida.
- Fleksibel arbeidstid (kjernetid kl 09.00-14.30)
- Du får vere med på å løfte oss slik at vi kan gi barn, unge og familiar eit enda bedre tilbod, og det meiner vi har ein stor verdi i seg sjøl.
Opplysningar til deg som søker:
- Inkludering og mangfald er ei styrke og gjer at vi kan løyse oppgåvene våre endå betre. Difor ynskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkjarportalen. Er det kvalifiserte søkarar, kallar vi inn minst ein i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk.
- Stillinga er p.t. lagt til kontorfagleg eining, avd. Stavanger.
- Du kan be om å ikkje bli oppført på den offentlege søkerlista. Dette må i så fall begrunnast. Vi kontaktar deg dersom ditt ønskje ikkje takast til følgje.
Søknad med CV skal sendast elektronisk via link på denne sida.
Vitnemål og attestar med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.
Om arbeidsgiveren
Barne-, ungdoms- og familieetaten sine fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat region vest femner om fylka Vestland og Rogaland. Regionkontoret ligg i Bergen
- Sektor: Offentlig
- Sted: Lagårdsveien 44, 4010 Stavanger
- Bransje: Offentlig administrasjon, Økonomi og regnskap
- Stillingsfunksjon: Kontor og administrasjon, Økonomi og regnskap, Økonomi og regnskap / Økonomistyring og budsjettering
- Arbeidsspråk: Norsk
Nøkkelord
Merkantil, Kontorfaglig, Administrasjon
- FINN-kode 359019939
- Sist endret