Burettleiar
Stad kommune
- Frist 11.08.2024
- Ansettelsesform Fast
Burettleiar
Vil du vere med å gjere ein forskjell i lokalsamfunnet og bidra til at menneske får ein god start i nye omgjevnader?
Stad kommune har ledig ein 100 % fast stilling som burettleiar frå august 2024.
Dette er ei spennande moglegheit for deg som ynskjer å arbeide i eittverrfagleg team og gjere ein positiv innverknad på kvardagen til andre.
Som burettleiar vil du vere sentral i arbeidet med å busette flyktningar og følgje opp personar med behov for burettleiing.
Gjennom god rettleiing skal leigetakarane oppleve å meistre kvardagen i eigenheim. Du vil også spele ei viktig rolle i språkopplæring og tilpassing til nyeomgjevnader, noko som er avgjerande for at dei busette skal kunne integrerastog trivast.
Målet er at leigetakarane over tid skal bli eigarar av eigenbustad. Du vil få moglegheita til å arbeide tett saman med NAV, helse, opplæringog integrering, og andre tenester i kommunen, for å sikre heilskaplegoppfølging og tilpassing til nye omgjevnader.
Arbeidsoppgåver
- Ansvar for inn- og utflytting av kommunale bustader
- Rettleiing av leigetakarar i det å bu i og ta vare på eit husvære med uteområde etter utarbeidd mal og oppfølgingsplan
- Vere bindeledd mellom leigetakar og andre tenester i kommunen
- Samarbeide tett med andre tenester om tiltak (NAV, helse, opplæring og integrering, vaktmeister m.fl.)
- Delta i ansvarsgrupper som er etablert rundt leigetakarar
- Planarbeid for tenesta
- Rettleiing, kurs og informasjon i bustadsosialt arbeid
- Rettleie og motivere leigetakarar til å bli eigar av eigen bustad
Kvalifikasjonar
- 3-årig utdanning på høgskulenivå, primært innan sosialt arbeid.
- Relevant praksis/erfaring kan erstatte høgare utdanning.
- Interesse for fagfeltet og gjerne erfaring frå arbeid med flyktningar
- Interesse for og gjerne erfaring innan praktisk drift av bustad
- Du må kunne handtere verktøy for normalt vedlikehald
- Evne til å arbeide systematisk og planmessig
- God rettleiingskompetanse
- God kunnskap i norsk, både munnleg og skriftleg
- Førarkort klasse B
Personlege eigenskapar
- Evne til å formidle på ein klar og inspirerande måte, slik at læring skjer
- Evne til å knyte gode relasjonar og komme lett i kontakt med folk
- God evne til å løyse komplekse problemstillingar og praktiske utfordringar i det daglege arbeidet
- Sterke kommunikasjons- og samarbeidsevner
- Evne til å arbeide systematisk, planmessig og sjølvstendig
- Engasjert i samfunnsspørsmål og ha god systemforståing
Vi tilbyr
- Eit godt fag- og arbeidsmiljø med varierte oppgåver
- Løn etter kommunalt avtaleverk
- Gode pensjons- og forsikringsordningar
- Høve til kompetanseheving og vidareutvikling
- Vi tilbyr flyttegodtgjersle om du flyttar til kommunen vår
- Vi ber om at du lastar opp attestar og vitnemål saman med søknaden. Vi ber om referansar av nyare dato. Stad kommune har seks månader prøvetid
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ta gjerne kontakt for ein prat om stillinga!
Om arbeidsgiveren
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
https://www.nordfjord.no/stad
https://www.einstadistad.no/
- Nettverk: Facebook, LinkedIn
- Sektor: Offentlig
- Sted: Rådhusvegen 11, 6770 Nordfjordeid
- Bransje: Offentlig administrasjon
- Stillingsfunksjon: Omsorg og sosialt arbeid, Sosionom, Veileder
- Arbeidsspråk: Norsk
Nøkkelord
Burettleiar, Flyktningar, Stad
meta.heading
- FINN-kode 359039052
- Sist endret