![Vestland fylkeskommune logo](https://images.finncdn.no/dynamic/default/2024/7/vertical-0/02/5/359/563/315_6b1b1b6a-e448-4b7f-a4ec-d0facd200fc3.jpg)
Ingeniørgeolog
Vestland fylkeskommune
- Frist 18.08.2024
- Ansettelsesform Fast
Ingeniørgeolog
Med våre over 6000 tilsette er Vestland fylkeskommune ein av dei største arbeidsstadane i fylket. Me har ansvaret for 5547 km med fylkesveg, 278 tunnelar, 1988 bruer, 30 ferjesamband.
Avdeling Infrastruktur og veg skal sikre ein framtidsretta infrastruktur, med mål om betra samband internt i regionen og gode kommunikasjonar mot resten av landet.
Vi er ein av landets største byggherrer innan samferdsle, og vi har mange spanande investerings- og vedlikehaldsprosjekt i åra som kjem.
For å styrke vårt fagmiljø på avdelinga for infrastruktur og veg, søker vi no etter 2 dyktige og erfarne ingeniørgeologar med fagretning innan bergteknikk og bergmekanikk. I tillegg til å bidra med fagkompetansen din inn i viktige drift- og vedlikehaldsoppgåver, vil du som vert tilsett bli ein sentral fagperson for oss når vi skal realisere dei spanande samferdsleprosjekta vi har i Vestland.
Begge stillingane er lagt til geo og skredseksjonen, men når utbyggingsprosjektet fv 609 Heilevang startar opp vil den eine stillinga sitt arbeidsområde og arbeidsoppgåver bli knytta opp til dette prosjektet under utbyggingsperioden. Ved prosjektslutt blir arbeidsområde ved geo og skredseksjonen.
Geo og skredseksonen består av eit kompetent fagmiljø innan ingeniørgeologi, geoteknikk, vegteknologi og skred. Vi er i dag 6 geoteknikarar, 6 ingeniørgeologar, 2 vegteknologar og 1 dak-operatør som er fordelt på våre kontorstadar i Leikanger, Voss og Bergen.
Utbygging Nord har bl.a ansvar for utbygging av fv 609 Heilevang i Sunnfjord, eit veg- og tunnelprosjekt med ei investeringsramme på 1,2 mrd. kroner.
Meir info om dette utbyggingsprosjektet finn du her https://www.vestlandfylke.no/fylkesveg/fylkesvegprosjekt-i-vestland_ny/fv.-609-heilevang
For den eine stillinga vil kontorstaden vere Leikanger, Voss eller Bergen. Kontorstad for stillinga som blir tillagt utbyggingsprosjektet fv 609 Heilevang vil vere Førde og deira prosjektkontor.
Om stillinga
Som ingeniørgeolog i desse stillingane vil du få mogelegheiten til å bistå med din fagkompetanse og erfaring på geo og skredseksjonen og i utbyggingsprosjektet fv. 609 Heilevang. Du vil på begge desse områda ha ei sentral rolle og vere byggherre sin fagressurs innan ingeniørgeologi, og du vil få stort ansvar med utfordrande, interessante, varierte og sjølvstendige oppgåver innan fagområde.
Typiske arbeidsoppgåver vil vere:
- Ingeniørgeologisk prosjektering og rådgjeving som legg grunnlag for optimale løysingar i alle planfasar, under bygging og seinare i drift-og vedlikeholdsfasen.
- Oppfølging og kontroll av eige fagområde under bygging av mindre og større utbyggings-og vedlikehaldsprosjekt.
- Bistå med fagleg rådgjeving i heile avdelinga.
- Skredfagleg bistand ved akutte hendingar på veg
- For utbyggingsprosjektet fv 609 Heilevang vil du ha ei sentral rolle i den pågåande prosjekteringsfasen i samband med klargjering av prosjektet før bygging.
- Under bygging av prosjektet vil du ha ansvar for ingeniørgeologisk oppfølging og kontroll av entreprenørens utførelse.
- Følgje opp entreprenørens kartlegging og gjennomføring av permanent bergsikring.
Hjå oss kan du forvente
Arbeidsmiljøundersøkingar syner at vi har eit veldig godt arbeidsmiljø med engasjerte og kompetente medarbeidarar som trivst saman på jobb og utfordrar kvarandre fagleg. Vi har eit sterkt fagmiljø som er gode på kunnskapsdeling og inkludering, og det er gode mogelegheiter for både fagleg og personleg utvikling.
Desse kvalifikasjonane og eigenskapane ser vi etter
Kvalifikasjonar
Vi søkjer etter to engasjerte og erfarne personar som har utdanning frå universitet eller høgskule på masternivå innan ingeniørgeologi med fagretning bergteknikk/bergmekanikk. Vi vil også legge vekt på at søkarane har erfaring frå tidlegare utbyggingsprosjekt, kjennskap til bergmasseklassifisering etter Q-metoden og har god kjennskap til aktuelle programvare innan fagområde.
Det er ønskjeleg med god relevant praksis og minimum 5 års erfaring frå det aktuelle fagområde, men kandidatar med mindre erfaring som innehar relevant utdanning frå fagområde vil bli vurdert. God norsk munnleg og skriftleg framstilling er eit krav, og du må i tillegg ha førarkort klasse B.
Personlege eigenskapar
Som medarbeidar på geo og skredseksjonen forventar vi at du har gode samarbeidsevner og kan utføre arbeidsoppgåvene dine på ein sjølvstendig og systematisk måte. Du har stå-på-vilje og er god på å dele kunnskap med kollegaane dine. Vi ønskjer at du er initiativrik og modig, engasjert og resultatorientert, og vil bidra til eit godt arbeidsmiljø.
Vi kan tilby
- Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
- God tilgang til faglege nettverk og fagleg utvikling - mogelegheit for vidareutdanning
- Variert arbeidskvardag og meiningsfulle arbeidsoppgåver.
- Tillitsbasert leiing der du raskt vil få ansvar.
- Fleksibel arbeidstid.
- Attraktive pensjons- og forsikringsordningar.
- Løn etter avtale.
- Nye og moderne kontorfasilitetar på alle kontorstader.
Har du spørsmål til stillinga eller ønskjer meir informasjon, er du velkomen til å kontakte seksjonsleiar på geo og skredseksjonen - Stein Olav Njøs - på telefon 95191855.
Anna informasjon
Administrasjonsmålet i fylkeskommunen er nynorsk. Stillingstittel vil bli tilpassa kvalifikasjonane til dei som får tilbod om stilling.
Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Om arbeidsgiveren
- Sektor: Offentlig
- Antall stillinger: 2
- Sted: Askedalen 2, 6863 Leikanger
- Bransje: Bygg og anlegg, Drift og vedlikeholdstjenester, Offentlig administrasjon
- Stillingsfunksjon: Ingeniør / Geoteknikk og ingeniørgeologi, Ingeniør / Geomatikk, Ingeniør
- Arbeidsspråk: Norsk
Nøkkelord
ingeniørgeolog, bergmekanikk, bergteknikk, geolog
- FINN-kode 359563315
- Sist endret
Lignende annonser
![Norconsult logo](https://images.finncdn.no/dynamic/480w/logo/result/11651824/iad_7915051263436024103logo_norconsult_png_black.png)
Stipendiat i geofysiske teknikker for CO2- og energilagring
Universitetet i Stavanger
![HMR Hydeq AS logo](https://images.finncdn.no/dynamic/480w/2024/7/vertical-0/08/2/360/408/232_11cf129d-d04f-4b71-94cd-2e99281febb9.png)
![Best Stasjon logo](https://images.finncdn.no/dynamic/480w/2020/10/vertical-0/27/9/196/302/359_615390308.jpg)
![Vestland fylkeskommune logo](https://images.finncdn.no/dynamic/480w/2024/6/vertical-0/14/1/357/210/281_e39c3231-5a80-4e6e-9c55-cf77b98583da.jpg)