![](https://images.finncdn.no/dynamic/1280w/2024/3/vertical-5/01/2/7d5/d2d/30-/d7c/d-1/1ee/-a4/d1-/9fc/019/5b1/b82_1839512683.jpg)
Rådgjevar
Helse Vest IKT
- Frist 18.07.2024
- Ansettelsesform Fast
Rådgjevar DIPS
Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du høve til å jobbe i eit unikt miljø i ein banebrytande bransje.
Helse Vest har kome langt i si IT-utvikling, med innføring av nye system, konsolidering av systemporteføljen og digitalisering av arbeidsprosessane. Vi har likevel mange spennande og utfordrande oppgåver framfor oss. Løysingane i systemporteføljen til Helse Vest har ulik storleik og kompleksitet, og omfattar både nasjonale, regionale og lokale satsingar på klinisk og administrativt område.
Eit av de største systema er pasientjournalsystemet DIPS. Grunna tilsette som går av med pensjon og intern omrokering er vi no på jakt etter to rådgjevarar i seksjonen. Her vil du få jobbe med organisasjonsendringar i DIPS, opplæring og spennande prosjektarbeid. Dette i tillegg til den viktige daglege drifta som våre klinikarar og pasientar er så avhengig av i kvardagen. I begge stillingane er det ein føresetnad at ein kan DIPS over gjennomsnittet godt. Oppgåvefordelinga mellom stillingane vil kunne være glidande, slik at ein ikkje treng å treffe 100 prosent på alt, men den gode DIPS-kompetansen må ligge i botn.
Seksjon Pasientjournal i Helse Vest IKT har omlag 20 tilsette, og alle har ulike roller innanfor drift, forvaltning og utvikling av pasientjournalsystemet. For oss er det eit viktig mantra å spele kvarandre gode, og vi er stolte av eit inkluderande miljø som jobbar for det felles beste og ei berekraftig helseteneste. I begge stillingane samarbeider
ein tett med føretaka, dei andre tilsette i seksjonen, samt andre relevante seksjonar og avdelingar i Helse Vest IKT.
Arbeidsstad er Bergen, Stavanger, Førde eller Haugesund.
Arbeidsoppgåver
- Konfigurering i DIPS.
- Utvikle og vedlikehalde opplæringsmateriell og planar.
- Rådgje kundar og brukarar i konkrete problemstillingar, samt bistå i formidling av moglegheiter.
- Bidra til å vedlikehalde og vidareutvikle vårt gode arbeidsmiljø.
Kvalifikasjonar
- Relevant utdanning på bachelornivå. Arbeidserfaring og personlege eigenskapar kan kompensere for manglande formell utdanning.
- Erfaring frå bruk av DIPS.
- Evne til arbeid i grenseflata mellom teknologi- og brukarmiljø.
Personlege eigenskapar
- Du er open og positiv i møte med andre menneske.
- Evner å kommunisere med både tekniske, merkantilt og klinisk personell.
- Gode samarbeidsevner.
- Er systematisk, har god struktur og er nøyaktig.
- Er resultatorientert og målretta.
- Fokus på gode brukaropplevingar.
- Initiativrik og evne til å arbeide sjølvstendig.
- God skriftleg og munnleg framstillingsevne, flytande norsk.
Vi tilbyr
- Jobb i ein bransje som står overfor store teknologiske løft, med høve til å forme IT-løysingar for framtidas helsevesen.
- Fagleg utvikling gjennom spennande oppgåver, faglege samlingar og kurs.
- Engasjerte kollegaer.
- Eit positivt og sosialt arbeidsmiljø med høg grad av medarbeidartilfredsheit.
- Lønn etter avtale.
- Medlemskap i KLP som sikrar gode pensjonsordningar.
Vi likar å sjå kvarandre på det nye hovudkontoret vårt på Kronstad X i Bergen, eller i dei flotte lokala på våre andre lokasjonar. Å møtast fysisk er viktig for samarbeid og fellesskap, men vi forstår at mange ønsker seg ein hybrid kvardag, med høve til å variere mellom å jobbe heimanfrå og på kontoret. Hos oss kan du inngå avtale om heimekontor når arbeidsoppgåvene tillèt det, og vi har fleksibel arbeidstid som gir rom for god balanse mellom jobb og fritid.
Om arbeidsgiveren
Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Vil du verte betre kjent med oss og lese meir om kva vi driver med? Gå inn på helse-vest-ikt.no
- Sektor: Offentlig
- Antall stillinger: 2
- Sted: Bjørnsons gate 29, 5052 Bergen
- Flere arbeidssteder: Naustdalsvegen 5, 6800 Førde, Professor Olav Hanssens vei 7a, 4068 Stavanger, ØVREGATA 126, 5527 Haugesund
- Bransje: Helse og omsorg, IT
- Stillingsfunksjon: IT drift og vedlikehold / Drift/Operations, IT utvikling / Utvikler (generell)
- Arbeidsspråk: Norsk
Nøkkelord
DIPS
- FINN-kode 359753764
- Sist endret