Kontorsjef
NTNU - Norges teknisk-naturvitenskapelige universitet
- Frist 15.08.2024
- Ansettelsesform Fast
Kontorsjef ved Institutt for psykologi - NTNU
Kontorsjef
Dette er NTNU
NTNU er eit breiddeuniversitet med ein teknisk-naturvitskapleg hovudprofil og eit tyngdepunkt
innan profesjonsutdanning. Universitetet er lokalisert i tre byar med hovudsete i Trondheim.
På NTNU jobbar 9 000 tilsette og 43 000 studentar med å skapa kunnskap for ei betre verd.
Om stillinga
Vil du vera med og leia eit dynamisk institutt, som leverer forsking og utdanning på høgt internasjonalt nivå? Hos oss på Institutt for psykologi møter du 160 engasjerte medarbeidarar. Me underviser i nokre av NTNU sine mest populære studieprogram, og har omtrent 1300 studentar. Du blir leiar for den administrative verksemda på instituttet, og blir personalleiar for 27 teknisk-administrative tilsette, i eit internasjonalt miljø. Me ser etter deg som vil bidra til å utvikla instituttet vidare inn i framtida.
Som kontorsjef blir du bindeleddet mellom administrasjonen, instituttleiinga og fakultetet, og du blir ein viktig bidragsytar i arbeidet med å utvikla verksemda vidare. Du vil få ei aktiv og variert rolle med ansvar for å skape eit produktivt arbeidsmiljø som legg til rette for trivsel og vekst for medarbeidarane våre.
Institutt for psykologi (IPS) er organisert under Fakultet for samfunns- og utdanningsvitskap (SU) og driv tre svært attraktive studieprogram: Bachelor-, master- og profesjonsstudiet i psykologi. Vi tilbyr også eit ph.d.-program med spesialisering i psykologi. Forskarane til instituttet representerer heile breidda av psykologifaget, og har dei siste åra hatt ein stor auke i bidrags- og oppdragsfinansierte aktivitetar.
Som kontorsjef må du ha god oversikt over verksemda til instituttet og fakultetet, med eit spesielt ansvar for HR, økonomi, studiar, forsking, arealforvaltning, IT og kommunikasjon. Nokre av dei administrative ressursane ligg i administrasjonen på fakultetet.
Kontorsjef inngår i leiargruppa til instituttet. Du rapporterer direkte til instituttleiar og har ei viktig rolle som leiarstøtte. Du får ansvar for å leia og koordinera alle administrative prosessar ved instituttet, og deltek i nettverk med andre administrative leiarar ved fakultetet og på tvers av heile NTNU.
Arbeidsoppgåver
- Leie og vidareutvikle administrasjonen ved instituttet
- Personalleiing for dei teknisk-administrativt tilsette ved instituttet
- Ha ansvar for grunnlag for avgjerder for leiing, råd og utval og setje i verk avgjerder tatt av instituttleiinga
- Drive arbeidet til instituttet med økonomi, årsplan, budsjett og oppfølging i samband med desse oppgåvene
- Utvikle gode og effektive teknisk-administrative støttefunksjonar og rutinar
- Rapportere på verksemdsområda forsking og utdanning
- Representere instituttet i ulike forum og nettverk og delta i prosjektarbeid utanfor instituttet
- Samarbeide med fakultetet om bruk av fellesressursar og fagleg og organisatorisk utvikling
- Ivareta og vidareutvikle det gode arbeidsmiljøet vårt, og bidra til fagleg utvikling.
Det må påreknast endringar i arbeidsoppgåver
Kvalifikasjonskrav
- Relevant utdanning på minimum bachelornivå.
- Erfaring med økonomi- og verksemdsstyring.
- Erfaring med personalleiing og HR.
- God munnleg og skriftleg framstillingsevne i norsk og engelsk.
Ønska kvalifikasjonar
Det vil vera ein fordel om du i tillegg har noko av dette
- Relevant utdanning på masternivå.
- Erfaring frå universitets- og høgskulesektoren.
- Relevant praksis frå administrativt arbeid som saksbehandlar- og utgreiingsoppgåver.
- Erfaring med leiarstøtte.
- Erfaring med endringsprosessar.
- Kjennskap til offentleg forvaltning og regelverk.
- God IT kompetanse.
Personlege eigenskapar
I stilling som kontorsjef hos oss ser vi etter deg som er
- trygg, inkluderande og tydeleg i din kommunikasjon
- god til å skape positivt engasjement og som motiverer til samarbeid
- sjølvstendig i ditt arbeid, og er god til å prioritere, koordinere og delegere
- fleksibel, løysingsorientert og som taklar høgt arbeidspress i periodar
Ved vurdering av den best kvalifiserte, legg me vekt på utdanning, erfaring og personlege eigenskapar, og dessutan motivasjonen din for stillinga.
Vi tilbyr
- spennande og utviklande oppgåver i eit sterkt og internasjonalt fagmiljø
- leiar- og kompetanseutvikling
- opent og inkluderande arbeidsmiljø (https://innsida.ntnu.no/wiki/-/wiki/Norsk/Inkluderende+arbeidsliv) med engasjerte kollegaer
- gunstige vilkår i Statens pensjonskasse (https://www.spk.no/Medlemskap-i-SPK/)
- tilsettegoder og fordelar (https://innsida.ntnu.no/wiki/-/wiki/Norsk/Ansattgoder+og+fordeler)
Lønn og vilkår
I stilling som kontorsjef, kode 1054 vil du normalt lønnast frå brutto kr 850.000,- pr år avhengig av kvalifikasjonar og ansiennitet. Frå lønna blir trekt 2 % lovfesta innskot til Statens pensjonskasse.
Tilsetjinga blir gjennomført etter prinsippa i statsansatteloven (https://lovdata.no/dokument/NL/lov/2017-06-16-67), og lovverk som regulerer eksport av kunnskap, teknologi og tenester. Etter tilsetjinga må du påregne at det kan skje endringar i arbeidsområdet.
Det er ein føresetnad at du kan vera til stades ved og tilgjengeleg for institusjonen på dagleg basis.
Om søknaden
Vi gjer merksam på at søknaden berre blir vurdert ut frå informasjonen som ligg føre ved utløpet av søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over.
Søknaden må innehalda:
- CV, attestar og vitnemål
- namn og adresse til tre relevante referansar
Dersom heile eller delar av utdanninga di er tatt i utlandet, ber vi deg i tillegg legga ved dokumentasjon på omfang og kvalitet for heile ditt utdanningsløp, både bachelor- og masterutdanning, i tillegg til anna høgare utdanning. Skildring av kva dokumentasjon som er nødvendig finn du her (https://www.ntnu.no/stillinger/dokumentasjon-av-utenlandsk-utdanning). Dersom du allereie har ei utsegn frå Direktoratet for høyere utdanning og kompetanse (https://hkdir.no/utdanning-fra-utlandet) (tidlegare NOKUT), er det fint om du legg ved ho òg.
Generell informasjon
Inkludering og mangfald er ein styrke. Me ønskjer at våre tilsette skal spegla befolkninga, og søkjer til kvar tid dei beste hovuda. Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet me treng for å gjennomføra samfunnsoppdraget vårt innan forsking og utdanning.
NTNU legg vekt på tilrettelegging og oppmodar deg som kvalifisert kandidat til å søkja uavhengig av kjønn, funksjonsevne, hol i CV eller kulturell bakgrunn. Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtekne.
Offentleg søkarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønsker å reservera deg frå oppføring på offentleg søkarliste må dette grunngivast. Vurdering vil bli gjort i samsvar med gjeldande lovverk (https://lovdata.no/dokument/NL/lov/2006-05-19-16/KAPITTEL_3#%C2%A725). Du vil bli varsla om reservasjon ikkje blir tatt til følgje.
Viss du har spørsmål om stillinga kan du ta kontakt med instituttleiar Magne Arve Flaten (https://www.ntnu.no/ansatte/magne.a.flaten), tlf. 41047378, e-post: magne.a.flaten@ntnu.no. Viss du har spørsmål om tilsetjingsprosessen kan du ta kontakt med HR-konsulent Kristin Skogen, epost: kristin.skogen@ntnu.no.
Synes du dette ser interessant ut, og i samsvar med kvalifikasjonane dine, sender du oss søknaden din elektronisk via jobbnorge.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.
Søknadsfrist: 15.08.2024
Om arbeidsgiveren
Ved NTNU, Noregs teknisk-naturvitskaplege universitet, skaper vi kunnskap for ei betre verd og løysingar som kan endre kvardagen.
- Sektor: Offentlig
- Lederkategori: Leder
- Sted: Dragvoll, 7491 Trondheim
- Bransje: Forskning, utdanning og vitenskap, Offentlig administrasjon
- Stillingsfunksjon: Kontor og administrasjon, Ledelse, Økonomi og regnskap / Økonomistyring og budsjettering
- FINN-kode 359819870
- Sist endret
Lignende annonser
![Studentersamfundet AS logo](https://images.finncdn.no/dynamic/480w/2024/7/vertical-0/01/6/359/429/236_9bd10f73-25c3-45a0-a03e-113f78560c04.png)
![Boligbyggelaget TOBB logo](https://images.finncdn.no/dynamic/480w/logo/result/961046834/iad_7442580685950554662tobb.png)
![Røde Kors logo](https://images.finncdn.no/dynamic/480w/2024/7/vertical-0/01/5/359/460/775_dafce98c-3c23-4804-8371-f3e09e1bfbc9.jpg)
![ELTRIC AS logo](https://images.finncdn.no/dynamic/480w/2024/6/vertical-1/26/3/358/821/543_6ff9cea7-0b98-469e-9af9-2ef86580e549.png)