Bolig på Færøy til salgs - ny pris

Bustadhuset er i stor grad av eldre standard og er i taksten vurdert som rehabiliteringsobjekt som følgje av elde, slitasje og lekkasje i del av taktekkinga.

Utvendig: Enkelte betongskader i grunnmuren, betongplata- og betongsøylene til altanen med behov for rehabilitering. Flekkvis rote i trekledningen. Trekledningen har elles mangelfull ventilering og vil difor lettare verte utsett for fukt- og roteskader.Dei eldste vindauga i underetasjen og i 1.etasjen har nådd forventa brukstid, skifting må difor påreknast. Vindauget i eine soverommet mot nord i 1. etasjen kan ikkje stengast med espangolettlåsen.

Lekkasje i taktekkinga og skader på takrenner og nedløp. Taktekkinga og takrennene har elles nådd forventa brukstid, skifting må påreknast innan kort tid. Takvindauga har nådd forventa brukstid og må påreknast skifta.Skader på skorsteinen sine murpussa overflater over taket. Det vert tilrådd heildekkande pipeovertrekk.

Innvendig:
Flekkvise parti med saltutslag i grunnmuren mot bakken, med naturleg årsak i fuktgjennomgang i konstruksjonen. Innvendig påfora vegger av eldre grunnmurar mot bakken, der det ikkje har vore utført utvendig tiltak med fuktsikring/isolering og ny drenering,er generelt å rekne som risikokonstruksjon med fare for sopp- og roteskade. I soverommet i underetasjen er det tilfarargolv, tilfarargolv er generelt å
rekne som risikokonstruksjonar.
I underetasjen er det vassrør og avløpsrør som har nådd forventa brukstid, behov for skifting må difor påreknast. Under synfaringa vart det registrert skader på vassrøra til 1. etasjen av rør i rør system som tydar på frostskade. Ein generell kontroll og eventuell utskifting av rørsentralen og vassrøra av rør i rør system må difor påreknast. Det vart opplyst at varmtvassbehaldaren er defekt. Varmtvassbehaldaren er montert i rom uten sluk eller anna løysing for avløp frå sikkerhetsventilen. Under synfaringa var vatnet avstengt, funksjonen/tilstanden til vassrør, vasspumpe og trykktank er difor ukjend. Under synfaringa var strømmen avstengd. Med bakgrunn i registrerte
avvik og anlegget sin alder vert det tilrådd ein generell kontroll av det elektriske anlegget.

Merkbare retningsavvik i etasjeskilja med naturleg årsak i setningar og nedbøyningar i bjelkelaget. Innvendig er det synleg skade på himlingen i del av 1. etasjen med årsak i lekkasje i taktekkinga. Skader elles i konstruksjonen må også kunne påreknast som følgje av lekkasjen i taktekkinga. Trappene har ikkje forskriftsmessig rekkverk eller handtre på vegg etter dagens føreskrifter sine krav. Bygningen er elles av eldre standard med pårekneleg vedlikehald som føgje av elde, slitasje og skader frå lekkasje i taktekkinga. Ut over kommenterte avvik må det kunne påreknast vedlikehald som følgje av naturleg elde og slitasje.