Seksjonsleiar Utbygging Sør
Vestland fylkeskommune
- Frist 19.08.2024
- Ansettelsesform Fast
Vil du leie viktige samferdselsprosjekt i Vestland ?
Avdeling Infrastruktur og veg (INV) utviklar kvardagsvegane i Vestland. Kvardagsvegane bind menneske og lokalsamfunn saman. Dei skaper felles identitet samstundes som dei bind oss saman med resten av landet og Europa. Vi er ein av landets største byggherrar innan samferdsle, og vi har mange spennande investerings- og vedlikehaldsprosjekt i åra som kjem.
Til seksjonen utbygging sør søkjer vi etter ein tydeleg og utviklingsorientert leiar (seksjonsleiar/utbyggingssjef )som skaper engasjement og set retning. Med deg på laget får du 25 dyktige medarbeidarar, og eit godt leiarfellesskap.
Om stillinga
Som seksjonsleiar får du ansvar for å levere i tråd med politiske føringar og vedtekne investeringsbudsjett for det geografiske området Voss og Hardanger. Seksjonen har også ansvar for tunneloppgraderingsprosjekt i Vestland fylke. Prosjektportefølja er på om lag kr 800 mill pr år.
Vi ønskjer oss ein leiar som kan utvikle oss vidare med å ta i bruk ny teknologi og nye kontrakts- og samarbeidsformer. Dette er prioriterte satsingsområde for avdelinga.
Du må også bidra til godt samarbeid både internt i organisasjonen og med eksterne aktørar. Arbeidsstaden din vil vere på Voss eventuelt Odda.
Hjå oss kan du forvente
Vi kan gje deg ein variert og meiningsfull arbeidskvardag med mykje ansvar. Vi er ein organisasjon med store moglegheiter for påverknad og utvikling.
Du får tre leiarkollegaer med same ansvar, men for andre geografiske område i fylket. Du blir og ein del av leiargruppa på avdelinga.
Kvalifikasjonskrav
Du har relevant høgare utdanning og erfaring frå leiing. Det er ein fordel med erfaring med vegbygging / samferdsel. Har du erfaring frå annan utbyggingsverksemd ønsker vi sjølvsagt også å høyre frå deg. Lang og relevant erfaring kan kompensere for krav om høgare utdanning.
- Du er engasjert, har gode relasjonelle eigenskapar og greier å skape eit godt arbeidsmiljø
- Du er tydeleg, står støtt i dine avgjersler
- Du etterlev verdiane våre; kompetent, open og modig
- Du har gode formidlingsevner, både munnleg og skriftleg
Har du spørsmål om stillinga, eller ønskjer å vite meir, er du velkommen til å ta kontakt med Gunhild Vangsnes eller Cathrine Botnevik.
Anna informasjon
- Alle nytilsetjingar vert gjort med ei prøvetid på 6 månader
- Administrasjonsmålet i fylkeskommunen er nynorsk
- Vi har gode pensjons- og forsikringsordningar
- Løn og oppstart etter avtale
- Vi gjer merksam på at i fylgje offentleglova §25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort
Om arbeidsgiveren
- Sektor: Offentlig
- Sted: Gurid Almenningens Plass 1, 5704 Voss
- Bransje: Bygg og anlegg, Offentlig administrasjon
- Stillingsfunksjon: Ingeniør, Ledelse, Samferdselsteknikk og arealplanlegging
- Arbeidsspråk: Norsk
Nøkkelord
Ledelse, Leiing, samferdsel, byggherre, statens vegvesen
meta.heading
- FINN-kode 359986785
- Sist endret