Spesialutdanna miljøterapeut / miljøterapeut
Bufetat
- Frist 28.7.2024
- Ansettelsesform Fast
Spesialutdanna miljøterapeut / miljøterapeut
Region Vest Senter for foreldre og barn avdeling Sudmannske i Bergen, har ledig 2 faste 100 % stillingar som spesialutdanna barnevernspedagog/ sosionom/ vernepleiar.
Senter for foreldre og barn har som kjerneoppgåve å bistå kommunale barneverntenester med spesialisert utgreiing i barneverntjenesta sin undersøking etter Lov om barneverntenester §2-2, med fokus på foreldre-barn samspel, foreldre sin omsorgskompetanse og barnet si fungering. Målgruppa er dei komplekse sakene der det er knytt stor usikkerhet til om foreldra kan gje tilstrekkeleg omsorg. Barna i målgruppa er 0-6 år, med prioritering av 0-3 år. Kompleksitet og stor grad av bekymring fordrar høg barnevernfagleg kompetanse og god vurderingsevne. Senteret kan også ved ledig kapasitet tilby hjelpetiltak etter lov om barneverntenester §3-1, med fokus på utvikling av foreldreferdigheter og å styrke tilknyting mellom foreldre og barn.
Senteret gjer utreingoppgåver som tilseier erfaring og kompetanse knytt til vurdering av samspel/tilknyting mellom foreldre og barn 0-6 år.
Senteret tilbyr utgreing og hjelpetiltak både hjemmebasert og som dagtilbud eller døgnopphold ved senteret. Tilsette går i turnus, for tida med inntil to seinvakter i veka og arbeid kvar 6. helg. Senteret er også bemanna med egne nattevakter og psykologspesialist.
Vi kan tilby eit godt arbeidsmiljø, samarbeid med dyktige fagpersonar og andre sentre, både i region og nasjonalt. Vi tilbyr også spennende arbeidsoppgåver knytt til ny barnevernlov og nasjonalt standardisert forløp for Senter for foreldre og barn.
Senter for foreldre og barn har tre døgnavdelingar i Region Vest, med 7 plasser i Bergen, 3 i Stavanger og 3 i Førde. Bistand er regulert i Lov om barneverntenester §2-2 og 3-1.
Bufetat region vest er gitt eit nasjonalt ansvar for spisskompetansemiljø for sped- og småbarn i risiko for omsorgssvikt (SKM), som er lagt til Senter for foreldre og barn.
Arbeidsoppgåver
- Utføre oppgåver etter standardisert forløp i team med andre dyktige og erfarne fagfolk.
- Benytte aktuelle kartleggingsverktøy og rettleiingsmetodar.
- Samarbeide med foreldre, barneverntjenester og andre aktuelle samarbeidspartar.
- Rapportskriving og ved behov vitne i Barnevern- og helsenemda / Tingretten.
- Praktiske oppgåver knytt til tiltaket.
Kvalifikasjonar
Det vert krevd:
- Minimun treårig høgskuleutdanning som barnevernspedagog, sosionom eller vernepleiar. Anna bachelorgrad av relevans kan vurderast.
- 30 studiepoeng relevant vidareutdanning og erfaring innan barnevernfagleg arbeid, eventuelt 60 studiepoeng relevant vidareutdanning eller mastergrad.
- Erfaring fra barnevernfagleg arbeid med vekt på senteret si målgruppe og oppgåver.
- Førarkort klasse B.
Det er ynskjeleg med:
- Erfaring frå kommunal barnevernteneste med vekt på utgreiing av omsorg for barn.
- Erfaring frå arbeid med spe- og småbarn.
- Erfaring frå sjølvstendig dokumentasjonsarbeid med foreldre og spe- og småbarn.
- Observasjonserfaring knytt til barn og samspel foreldre-barn.
- Rettleingskompetanse.
Personlege eigenskapar
- Evne til å bygge relasjonar og arbeidsalliansar også i krevjande kontekstar.
- Kan jobba målretta og systematisk.
- God på fagleg refleksjon og vurderingsevne.
- Fleksibilitet og evne til å jobba både sjølvstendig og i team.
- God munnleg og skriftleg framstillingsevne og norskkunnskapar.
- Har eit positivt engasjement.
Vi tilbyr
Stillingane er plassert i statleg lønsregulativ
- Stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut p.t. kr 502 300 - 604 900 pr. år (ltr. 50-62).
- Stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar eller 1534 spesialutdanna miljøterapeut, p.t. kr 584 500 - 667 700 pr. år (ltr. 60-68).
- Stillingskode 1496 klinisk barnevernspedagog eller 1173 klinisk sosionom, p.t. kr 584 500 - 667 700 pr. år (ltr. 60-68).
- Løn og stillingskode vert vurdert etter utdanning og erfaring.
- Medlemskap i Statens pensjonskasse jf. Lov om Statens pensjonskasse, som innebærer en god tjenestepensjonsordning, mulighet for tilbod om bustadlån til konkurransedyktige vilkår, og yrkesskade- og gruppelivsforsikring.
Informasjon til deg som søkjer:
- Inkludering og mangfald er ein styrke og gjer at vi kan løyse oppgåvane våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til Senter for Foreldre og Barn, Avdeling Sudmannske.
- Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
- Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
Søknad med CV sendast elektronisk via lenke på denne sida.
Vitnemål og attester med bekrefta stillingsstorleik og varigheit skal leggjast opp elektronisk som vedlegg i Webcruiter, samt takast med ved eit eventuelt intervju.
Om arbeidsgiveren
Barne-, ungdoms- og familieetaten sine fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat region vest femner om fylka Vestland og Rogaland. Regionkontoret ligg i Bergen
- Sektor: Offentlig
- Antall stillinger: 2
- Sted: Feråsvegen 13, 5251 Søreidgrend
- Bransje: Helse og omsorg
- Stillingsfunksjon: Barnevernspedagog, Helsepersonell / Vernepleier/miljøterapeut, Sosionom
- Arbeidsspråk: Norsk
Nøkkelord
Sosialfag, Sosialt arbeid
- FINN-kode 359998871
- Sist endret