Kontrollingeniør for driftskontrakt
Statens vegvesen
- Frist 25.08.2024
- Ansettelsesform Fast
Vil du vere med å følge opp kanskje ei av dei mest spanande driftskontraktane i Noreg?
Kontrollingeniør for driftskontrakt
Om stillinga
Vi styrkjer kontraktsgruppa til driftskontrakt veg, DK9303 Hardanger & Sogn, og ser etter ein ryddig og nøyaktig kontrollingeniør. Stillinga har kontorplass på Voss, og er plassert i avdeling Drift og Vedlikehald vest, seksjon drift 1.
Som kontrollingeniør bistår du byggeleiar med å følgje opp vegkontrakten, som dekkjer Europa- og riksvegane E16 Voss-Tyinkrysset, RV5 Håbakken til Fodnes, RV7 Haugastøl til Bu, RV13 Kløvet (kryss E134) til Vangsnes og RV52 Borlaug til Storeskar. Kontrakten omfattar 4 fjellovergangar, Vikafjellet, Filefjell, Hardangervidda og Hemsedalsfjellet. I tillegg inkluderer den totalt 45 tunnelar, der 29 av desse er over 500 meter.
Kontrollingeniør har ansvar for å planleggje og gjennomføre kontroll av leveransar, medverke i byggjemøte og andre møte, ha dialog med entreprenør, samt bistå med å koordinere arbeid med andre faggrupper, seksjonar og etatar. Arbeidet har ein god balanse mellom oppfølging ute og administrativ oppfølging inne.
Du vil arbeide tett saman med seksjonsleiar, prosjektleiarar, byggeleiarar og kontrollingeniørar på kontrakten. Du vil og vere jamleg i kontakt med øvrige i Vegvesenet, entreprenørar, offentlege etatar, grunneigarar, media, og andre som blir påverka av driftsoppgåvene.
Dei mest sentrale arbeidsoppgåvene vil vere:
- Følgje opp og kontrollere entreprenørane sine arbeid inne og ute
- Medverke i byggjemøter
- Oppfølging av HMS/SHA ute på arbeidsstadene
- Handtering av avvik, tillegg og endringar, oppfølging av framdrift og kontrollplanar
- Bidra i overlevering av nye anlegg til drift
- Bidra med kunnskap og erfaring elles i etaten
- Delta i ordning for byggherrevakt
Det må påreknast noko reiseverksemd ut frå base Voss, og noko arbeid utover normal arbeidstid, avhengig av sesong og fokusområde på kontroll.
Kompetansekrav
Du må ha treårig relevant utdanning frå høgskule. For kandidatar med sterk og allsidig praksis, eventuell etterutdanning og gode personlege føresetnader for stillinga, kan utdanningskravet fråvikast. Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).
Du må ha førarkort klasse B.
Vi ønskjer oss ein ny medarbeidar som har kunnskap og erfaring frå drift av veg, og i tillegg er det ønskjeleg med erfaring frå byggeleiing/anleggsleiing.
Det vil bli lagt vekt på:
- Kunnskap om lover, forskrifter og regelverk innan fagområdet
- Kjennskap til vegnettet i kontraktsområdet
- Evne til å ta initiativ og vere resultatorientert
- Evne til god kommunikasjon både skriftleg og munnleg på norsk
I samband med planlegging og oppfølging av arbeida vert Statens vegvesen sine dataverktøy nytta. Du må vere komfortabel med å jobbe med data, og du må kunne beherske office-program.
Som kontrollingeniør er det viktig at du er ryddig, strukturert og sjølvstendig. God kontakt og godt samarbeid med entreprenørar og konsulentar er like viktig som fagkunnskap og teknisk innsikt. Det er derfor viktig at du har gode samarbeidsevner, og at du kan bidra til eit godt arbeidsmiljø. Vi ser etter deg som er omgjengeleg og har praktisk sans.
Kvifor skal du velja oss?
Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.
Vi tilbyr deg også desse goda:
- fleksitid og gode ordningar for å avspasere
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønn blir avtalt i samsvar med lønnspolitikken vår.
Krav til søknaden
Fyll ut felta "Utdanning" og "Arbeidserfaring" og last opp relevante vitnemål og eventuelle attestar.
Positiv særbehandling
Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.
Søkjarlista er offentleg
Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.
Har du spørsmål om stillinga?
Kontakt leiar Ole Endal Svåsand, tlf. 47701924.
Om arbeidsgiveren
Verksemda vår er organisert gjennom Vegdirektoratet og seks divisjonar.
Noko av det viktigaste vi gjer for samfunnet og miljøet er å ta vare på det vegnettet vi allereie har. I divisjon Drift og vedlikehold har vi ansvaret for heilårsdrift av riksvegane, inkludert ferjer. Vi vedlikeheld og utviklar vegnettet, og planlegg og gjennomfører utbetringsprosjekt. Drift og vedlikehald har rundt 880 medarbeidar over heile landet, og ein årleg omsetnad på om lag 16 milliardar kroner.
- Sektor: Offentlig
- Sted: Flyplassvegen, 5705 Voss
- Bransje: Offentlig administrasjon
- Stillingsfunksjon: Bygge- og anleggsteknikk, Ingeniør
meta.heading
- FINN-kode 363545776
- Sist endret