PP-rådgjevar
Vestland fylkeskommune
- Frist 13.09.2024
- Ansettelsesform Fast
PP-rådgjevar
Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdom og vaksne fullfører vidaregåande opplæring. Vi har eit nært samarbeid med skulane, lærebedrifter, kommunar, NAV og andre aktuelle instansar. Vi skal bidra til lærelyst og fremje læring for elevar, lærlingar og lærekandidatar. Dette gjer vi gjennom å følgje opp lærlingar/lærekandidatar, støtte ungdom utanfor opplæring, rettleie vaksne og yte pedagogisk- psykologiske tenester.
Rettleiingstenesta Vestland indre har ei 100% ledig fast stilling som PP-rådgjevar med kontorplass i Sogndal frå 01.10.2024.
Arbeidsoppgåver
Bidra til at rettleiingstenestene leverer tenester med høg fagleg kvalitet i elevane og lærlingane sine læringsmiljø ved å:
- støtte skular på systemnivå ved å bidra med kompetanseheving og organisasjonsutvikling for å legge opplæringa til rette for elevar og lærlingar med særlege behov
- gi spesialpedagogiske- og pedagogiske råd til skule og lærebedrift
- gjennomføre rettleiing og kursverksemd
- gjennomføre observasjon og kartlegging innan ulike lærevanskar
- utarbeide sakkunnige vurderingar der lova krev det
- arbeide førebyggande for å sikre gjennomføring i vidaregåande opplæring
- samarbeide tverrfagleg internt i tenesta og eksternt med våre samarbeidspartnerar
- utføre andre arbeidsoppgåver som kan bli lagt til stillinga
Arbeidsoppgåver og arbeidsform i tenesta krev stor grad av sjølvstende.
Kvalifikasjonar
Vi søkjer deg som har:
- masternivå frå universitet eller høgskule i relevante fag som til dømes spesialpedagogikk, pedagogikk med relevant fordjuping, psykologi og logopedi.
- god kjennskap til spesialpedagogikk som fagområde
- god kjennskap til og erfaring frå vidaregåande opplæring
- god munnleg og skriftleg framstillingsevne i norsk
- kunnskap om lov, regelverk og offentleg forvalting
- førarkort kl.B
Det er ekstra kjekt om du har:
- erfaring frå PPT
- kartleggings- og utgreiingskompetanse
Særleg relevant erfaring kan kompensere for utdanningskravet. Ein vert då tilsett i annan stillingsnemning.
Personlege eigenskapar
l stillinga ser vi etter deg som:
- set elevane si læring og deira utvikling i sentrum for arbeidet
- er løysingsorientert, strukturert og har stor interesse for fagleg utvikling
- har evne til å samarbeide, men òg jobbe sjølvstendig
- er fleksibel, inkluderande og har evne til å byggje gode relasjonar
- engasjert og har evne til å motivere
- ansvarsfull og målretta
Personlege eigenskapar vert vektlagt
Vi tilbyr
Givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse.
Vi er opptekne av trivsel i arbeidet, og å ha eit godt arbeidsmiljø. Slik gjer vi kvarandre gode og skapar engasjement.
Løns- og arbeidsvilkår i samsvar med gjeldande avtalar for rettleiingstenesta i Vestland fylkeskommune.
Andre opplysningar
Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Den som skal tilsetjast må leggje fram godkjent politiattest.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.
- Sektor: Offentlig
- Sted: 6856 Sogndal
- Bransje: Barn, skole og undervisning
- Stillingsfunksjon: Rådgivning
- Arbeidsspråk: Norsk
meta.heading
- FINN-kode 365928647
- Sist endret