![Norce logo](https://images.finncdn.no/dynamic/480w/2024/8/vertical-0/06/2/364/395/182_d2b9a2b0-62d9-4841-9e1d-9247b45a7d86.png)
![](https://images.finncdn.no/dynamic/1280w/2018/10/vertical-5/22/e/cda/4f4/f0-/d61/4-1/1e8/-ae/e7-/5fd/9f5/7b6/44e_1573771876.jpg)
Stasjonsleiar
Havforskningsinstituttet
- Frist 09.09.2024
- Ansettelsesform Fast
Ønskjer du ein spanande jobb som stasjonsleiar ved forskingsstasjonen i Matre?
Stasjonsleiar
Om stillinga
Ved Havforskingsinstituttets forskingsstasjon på Matre i Masfjorden kommune er det ledig fast stilling som stasjonsleiar. Du vil vere ansvarleg for at stasjonen har gode rutinar og at drifta er innanfor dei rammene som regelverket og budsjettet gir. Du vil ha det overordna ansvaret for drifta på stasjonen, og for at stasjonen følgjer opp dei myndigheitskrava som til ei kvar tid gjeld.
Stillinga vil ha personalansvar for om lag 24 fast tilsette samt lærlingar. I tillegg skal stillingsinnehavaren koordinere forskingsaktivitetane og jobbe langsiktig for å utvikle stasjonen. Vi ser etter ein person som kjenner havbruk, som trivst med å jobbe med menneske og som meistrar bruk av IT. Du bør vere fagleg interessert i biologi, og ha evna til å jobbe strukturert og målretta. Vi ønskjer at søkjar innehar ein akademisk bakgrunn på masternivå eller høgare. Det er viktig at søkjar meistrar norsk og engelsk både munnleg og skriftleg, då vi har eit internasjonalt kollegium.
Stasjonsleiars hovudoppgåver er
- å leie stasjonen ved å vere ein pådrivar for utvikling av samarbeid, infrastruktur og tenester på instituttet,
- styre utviklinga av stasjonen sine ansvars- og fagområde,
- styre utføring og utvikling av tenester i samsvar med organisasjonens behov,
- kunne setje seg inn i og leie arbeid med tverrfaglege problemstillingar,
- sikre ei kostnadseffektiv organisering og drift, utarbeide budsjettforslag og styre etter dette,
- sikre etterleving av relevante lover og forskrifter,
- delta i nasjonale og internasjonale initiativ og prosjekt som omhandlar infrastruktur og relevant formidling,
- samarbeide godt med lokalmiljøet og lokale myndigheiter,
- samarbeide aktivt med brukarar frå eksterne etatar/verksemder og sikre effektivitet og brukarvennlegheit,
- leie og delta i instituttet sine ulike tverrfaglege prosjekt og arbeidsgrupper,
- leie stasjonens arbeid med helse, miljø og sikkerheit.
Kvalifikasjonar
- Relevant utdanning på masternivå frå høgskule/universitet eller tilsvarande (lang og relevant praksis kan kompensere for manglande utdanning).
- Leiarerfaring er eit krav.
- Nokre års relevant arbeidserfaring frå offentleg forvaltning eller større verksemder er ønskjeleg.
- Kunnskap og/eller erfaring frå avanserte teknologiske anlegg og/eller akvakultur er ein fordel.
- Gode munnlege og skriftlege ferdigheiter på både norsk og engelsk er nødvendig.
- Sterke administrative evner er nødvendig.
- Gode kommunikasjons- og samarbeidsevner, med fokus på effektivitet og målorientering, er ønskjeleg.
- Må vere handlekraftig og sjølvstendig med god gjennomføringsevne.
- Personlege eigenskapar vil bli vektlagt.
Vi tilbyr
- utfordrande arbeidsoppgåver i eit kreativt arbeidsmiljø
- arbeid i eit nasjonalt institutt med mykje internasjonal kontakt
- leiaropplæring med mellom anna e-læringskurs innan statleg lov og avtaleverk
- gode pensjonsordningar og velferdstilbod
- stillinga blir løna i stillingskode 1211 seksjonssjef etter staten sitt lønsregulativ
Inkludering, mangfald og positiv særbehandling
Havforskingsinstituttet har fokus på mangfald, og vi oppmodar alle kvalifiserte kandidatar til å søkje jobb hos oss, uavhengig av alder, kjønn, funksjonsevne, nasjonalitet eller etnisk bakgrunn. Havforskingsinstituttet er ei IA-bedrift, og vi ønskjer å legge forholda til rette for søkjarar
med redusert funksjonsevne.
Dersom det finns kvalifiserte søkjarar med funksjonsnedsetting, hol i CV eller innvandrarbakgrunn, vil vi kalle inn minst éin søkjar i kvar av desse gruppene til intervju. For å bli vurdert som søkjar med rett til positiv særbehandling, må du oppfylle visse krav. Du kan lese meir om krava her (https://arbeidsgiver.difi.no/positivsaerbehandling).
For å synliggjere at du ønskjer å bli vurdert som søkjar med rett til positiv særbehandling ber vi deg krysse av for dette i jobbportalen når du søkjer.
Ytterlegare informasjon
Ønskjer du meir informasjon? Ta kontakt med avdelingsdirektør Øystein Brun via e-post: oystein.brun@hi.no eller på telefon: 990 92 821
Søknad sendast inn elektronisk via lenkje på denne sida.
Følgjande dokument skal leggjast ved søknaden:
- CV, relevante attestar og vitnemål
Om arbeidsgiveren
Havforskingsinstituttet skal vere ein leiande kunnskapsleverandør for å sikre ei bærekraftig forvalting av ressursane i dei marine økosystema, både nasjonalt og internasjonalt, og for heile kjeda frå hav til mat, inkludert det marine miljøet, fiskeernæring og trygg og sunn sjømat.
- Sektor: Offentlig
- Lederkategori: Leder
- Sted: Forskningsstasjonen Matre, 5984 Matredal
- Bransje: Forskning, utdanning og vitenskap, Maritim og offshore
- Stillingsfunksjon: Ledelse
- FINN-kode 366603451
- Sist endret
Lignende annonser
![Norce logo](https://images.finncdn.no/dynamic/480w/2024/8/vertical-0/06/2/364/395/182_d2b9a2b0-62d9-4841-9e1d-9247b45a7d86.png)
![Bergen og Omland Friluftsråd logo](https://images.finncdn.no/dynamic/480w/2024/8/vertical-0/09/7/364/871/417_5883b883-2ca7-44ee-a0e4-d53a15ec9314.png)
![Havforskningsinstituttet logo](https://images.finncdn.no/dynamic/480w/logo/result/19372876/iad_2056185847361461437hi-logo-farger-norsk-2018.png)
![Fish Control AS logo](https://images.finncdn.no/dynamic/480w/2024/8/vertical-0/09/4/364/895/144_b9189dee-36ac-46eb-a2aa-9d4b1c041ecf.jpg)