Prosjektleiar for grøn skipsfart

Brenn du for det grøne skiftet og liker å skape, utvikle og leie prosjekt?

I Maritime CleanTech får du sjansen til å realisere ambisjonane!

Maritime CleanTech er i vekst og treng fleire medarbeidarar. Me brenn for grøn maritim innovasjon og utviklar nye, klimavenlege løysingar for fartøy og infrastruktur i tett samarbeid med våre partnarar. Me søkjer deg som deler dette engasjementet, og som har nokre års erfaring etter relevant utdanning. Den me ser etter har kapasitet til å drive frem prosjekt og evner å samarbeide på tvers av forskjellige fagfelt både i industri og i akademia. Hos oss blir du involvert i teamarbeid, prosjektutvikling, forretningsutvikling og innovasjon. Du må jobbe strategisk for å sikre ønska framdrift og skape sterke samarbeidsalliansar. Gjennom tett samarbeid med dei om lag 140 medlemsbedriftene våre vil du jobbe i eit unikt nettverk av dyktige partnarar frå heile den grøne maritime næringa. 

Arbeidsdagen hjå oss er variert og dynamisk. Me har eit godt og inkluderande arbeidsmiljø, og mange spennande utfordringar i ei av Noregs viktigaste framtidsnæringar.

Oppgåver knytt til stillinga:  

• Leie teknologiutviklingsprosjekt beståande av partnarar i internasjonale konsortium
• Leie prosjekt og rapportere teknisk og finansiell prosjektstatus til tilskotsgivar, typisk med EU som oppdragsgivar
• Gjennomføre prosjektmøter, etablere- og oppretthalde planer og budsjett i prosjekter
• Opptre som Maritime CleanTech sin representant utad, både i prosjekt, møte med medlemsbedrifter og i dialog med eksterne partnarar
• Oppfølging av Maritime CleanTech sine medlemsbedrifter
• Presentere Maritime CleanTech og våre prosjekt på messer, konferansar og ved delegasjonsbesøk
• Identifisere aktuelle støtteordningar og bidra til søknadsutvikling saman med kollegaer og samarbeidspartnarar

Dei me ser etter har: 

• Teknisk, økonomisk eller annan relevant utdanning på masternivå
• Erfaring med prosjektarbeid knytt til innovasjon og/eller teknologiutvikling
• Kunnskap og interesse for maritim bransje, fornybar energi, og arbeid med omstilling til eit berekraftig samfunn
• Evne til å drive prosessar og prosjekt framover
• Gode munnlege og skriftlege formuleringsevner på norsk og engelsk 
• Evne til strategisk og analytisk tenking 
• Fleksibilitet, høg arbeidskapasitet, og er nytenkande, positiv og motivert 
• Eigenskapar som lagspelar og likar å oppnå resultat i dagleg tett dialog med kollegaer og eksterne
• Evne til å skape relasjonar og bygge nettverk 

I tillegg er det ein fordel om du har relevant jobberfaring, gjerne frå verft, maritime bedrifter eller prosjektarbeid.

Maritime CleanTech er ei nasjonal klynge med kontor i Bergen, på Stord og i Stavanger. Noko reising må påreknast.  

Me tilbyr konkurransedyktige vilkår i eit av dei mest innovative og framoverlente næringsmiljøa i verda.