Seniorrådgivar ved direktørens kontor
Norad
- Frist 13.09.2024
- Ansettelsesform Fast
Seniorrådgivar ved Direktørens kontor
Stillinga som seniorrådgivar ved Direktørens kontor er ledig hausten 2024. Rådgivaren skal yte hjelp til Norads direktør i utføringa av oppgåver. Stillinga er utovervend, og vi søker ein organisator og fagperson som kan bidra til å støtte Norads leiing i gjennomføring av Norads samla strategi og samfunnsoppdrag.
Stillinga rapporterer til stabsleiar og jobbar tett med direktør Bård Vegar Solhjell. Direktørens stab består av 3 medarbeidarar, som gir fagleg og praktisk støtte til direktøren og Norads leiargruppe.
Arbeidsoppgåver
- Rådgiving til direktør og leiargruppe.
- Bidra med fagleg støtte til Norads direktør, gjennom å innhente og bearbeide bidrag.
- Utarbeide utkast til talar, tekstar og presentasjonar.
- Bidra i Norads interne og eksterne kommunikasjonsarbeid, i nært samarbeid med kommunikasjonsavdelinga
- Følgje opp nasjonale og internasjonale prosessar og møter som krev deltaking frå høgt nivå i organisasjonen.
- Førebu reiser og koordinere innhold og program for dei
- Saman med dei andre medarbeidarane ved Direktørens kontor, følgje opp leiargruppa og bidra til å sette i verk vedtak og strategiar.
- Andre oppgåver kan leggast til stillinga ved behov.
Kvalifikasjonar
- Relevant høgare utdanning og arbeidserfaring.
- Svært god evne til skriftleg og munnleg framstilling på norsk og engelsk er ein føresetnad. Vi søker ein med god penn som skriv raskt.
- God innsikt i utviklingsspørsmål og aktørlandskapet rundt. God samfunnsforståing og erfaring frå kontakt med eit bredt sett av samfunnsaktørar.
- Gode digitale kunnskapar med særs gode brukarferdigheiter i sentrale Office-program.
- Erfaring frå kontakt med presse er også ynskjeleg
Personlege eigenskapar
- Evne til å jobbe strukturert, målretta og sjølvstendig med mange ulike oppgåver.
- Initiativrik og analytisk.
- God evne til å bygge relasjonar.
- Må tåle høgt tempo.
Det blir vektlagt at søkjaren er personleg eigna/skikka.
Vi tilbyr
- Utfordrande og stimulerande oppgåver i direktørens stab.
- Svært godt arbeidsmiljø med engasjerte og dyktige medarbeidarar, samt fleksibel arbeidstid
- Gode høve til fagleg utvikling.
- Fleksibel arbeidstid.
- Moderne og flott kantine og godt utstyrt treningsrom.
Stilling som seniorrådgivar får lønn etter stillingskode 1364 i lønnsspenn 60–80 (kr 584 500– kr 870 900). For særleg godt kvalifiserte søkjarar kan høgare lønn vurderast. Plassering skjer på bakgrunn av kompetanse og erfaring.
Stillinga er fast.
Dersom det er kvalifiserte søkjarar med funksjonsnedsetting, hol i CV-en eller innvandrarbakgrunn, skal vi innkalle minst ein søkjar i kvar av desse gruppene til intervju. For å bli vurdert som søkjar i desse gruppene, det vil seie å bli positivt særbehandla på denne måten, må søkjarane oppfylle visse krav. Les meir om krava på DFØ/Arbeidsgivarportalen. Vi oppmodar søkjarar til å krysse av i jobbportalen dersom dei har funksjonsnedsetting, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine.
Elektronisk kopi av vitnemål og attestar skal leggast ved søknaden. Søkarar som blir innkalla til intervju må ta med originaldokument.
Om arbeidsgiveren
Norad er direktoratet for utviklingssamarbeid. Vi jobbar for at verda skal nå FNs berekraftsmål. Sammen med våre partnarar og på vegner av Noreg jobbar Norad for ei grønare framtid i ei verd utan fattigdom. Menneskerettane skal respekterast og ingen skal utelatast. Gjennom kunnskap og samarbeid sørgjer vi for at norske bistandsmidlar bidreg til global utvikling. Norad vil vere Noregs grønaste direktorat. Vi stiller miljøkrav til andre, og må gjere det til oss sjølve. Vi skal kutte klimautslepp frå drifta med 30 prosent innan 2030. Sjå for øvrig; Grønare bistand (norad.no).
Norad er under rask utvikling og har fått mange nye oppgåver dei siste åra. I 2023 blei ansvaret for å forvalte den sivile delen av Nansen-programmet for Ukraina overført til Norad. Frå august 2024 har vi ansvaret for ein endå større del av Noregs bistandsbudsjett, inkludert geografiske område og tema som er nye for Norad. Med nye oppgåver og ansvar følgjer behovet for å styrke bemanninga i Norad.
Vil du vere med?
- Nettverk: LinkedIn
- Sektor: Offentlig
- Sted: Bygdøy allé 2, 0257 Oslo
- Bransje: Offentlig administrasjon
- Stillingsfunksjon: Kontor og administrasjon, Koordinering, Personlig assistent
- Arbeidsspråk: Norsk, Engelsk
Nøkkelord
Bistand, Utviklingssamarbeid, Bærekraft, Klima, Internasjonal
meta.heading
- FINN-kode 368122814
- Sist endret