Overlege i Nevrologi
Helse Fonna HF
- Frist 15.09.2024
- Ansettelsesform Fast
Overlege i Nevrologi
Er du (eller blir du snart) spesialist i nevrologi og har stor interesse for faget?
Vi søkjer etter deg som vil bidra til å vidareutvikle avdelinga vår. Vi treng generell nevrolog, men vi har fordelt dei ulike fagfelta blant overlegegruppe.
Nevrologisk avdeling er organisert som ei eiga avdeling i medisinsk klinikk, saman med indremedisinske seksjonar, akuttmottak, habilitering og pediatri.
Avdelinga har poliklinikk, nevrofysiologisk laboratorium og ein sengepost med 8 senger til generell nevrologi og 6 senger til slagpost. På poliklinikken har vi generell poliklinikk og tverrfagleg spesialpoliklinikk for dei ulike pasientgruppene. I avdelinga har vi for tida 8 overlegestillingar og 8 LIS 3 stillingar og vi er i stadig utvikling. Vi har eit godt arbeidsmiljø og eit godt samarbeid med andre avdelingar på sjukehuset.
Sjukehuset har ei aktiv forskingsavdeling og ei radiologisk avdeling med mellom anna MR og DATscan.
Vi har godt samarbeid med dei andre nevrologiske avdelingane i Helse vest og deltek i fleire studiar.
Vi ser fram til søknaden din og vil intervjue kandidater fortløpande.
Arbeidsoppgåver
- Overlege jobbar saman med LIS på sengepost og har eigen poliklinikk
- Undervisning og rettleiing av LIS
- Det er for tida 6-delt vakt for overlegane, men det blir planlagt 7- eller 8-delt vakt etter nye tilsetjingar. Aktiv vakt fram til kl 20.00 for overlegar;
- Det er døgnkontinuerleg tillatevakt for LIS
- Dersom søkjaren har godkjenning som nevrofysiolog kan det bli aktuelt med kombinert nevrolog-/nevrofysiolog stilling
Kvalifikasjonar
- Norsk autorisasjon som nevrolog er eit krav
- Kandidater som snart er ferdig som spesialist og kan konstituerast, er også velkomne til å søkje
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
Personlege eigenskapar
Hos oss er det viktig at du:
- er ein entusiastisk og omgjengeleg nevrolog
- har god motivasjon og interesse for fagfeltet
- fokuserer på kvalitet
- har høg arbeidskapasitet
- bidreg positivt til eit fagleg og kollegialt godt miljø
- er punktleg og påliteleg
Vi tilbyr
- Arbeids- og lønnsvilkår blir avtalt på grunnlag av gjeldande overeinskomst
- Gode pensjons- og forsikringsordningar
- Sjukehuset kan hjelpe til med å skaffa personalbustad
- Aktivt og triveleg arbeidsmiljø
- Deltidsstilling kan drøftast om ønskjeleg
- Vi vil leggje tilrette for vidareutdanning om det er behov for det
Vitnemålsportalen
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.
Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar.
For å bli betre kjend med oss, kan du sjå www.helse-fonna.no. Følg oss også gjerne på Facebook.
- Sektor: Offentlig
- Sted: Karmsundgata 120, 5528 Haugesund
- Bransje: Helse og omsorg
- Stillingsfunksjon: Overlege
- Arbeidsspråk: Norsk
Nøkkelord
Haugesund, Nevrologi, Overlege
meta.heading
- FINN-kode 368415037
- Sist endret