Nydeleg vintagekjole med skjørt som flyg!

Nydeleg vintagekjole som vil ta seg godt ut på eit dansegolv. Fin tyngd i stoffet som gjev mjuke bølgjer i skjørtet når ein svingar seg. Stilig smått mønster i rosa og gult. Ein ser fargen best på biletet som viser trykknappane i sida, men kjolen har òg ein fin bronsegyllen glans. Avtagbart belte, søte lisser som kan knytast i sløyfe i halsen. Stoffkledde knappar i ryggen og trykknappar og ei hempe i opning i midja. Størrelse M, men litt smal midje. Eg er vanleg M/38 og det er så vidt at livet ikkje er for trongt for meg. Eg ville ikkje hatt kjolen på meg på årets største etegilde. Brukt eit par gonger. Heilt fin, med alle knappar og hemper og ingen flekkar eller misfarging.