Byggesakshandsamar
Voss herad
- Frist 19.09.2024
- Ansettelsesform Fast
Fast stilling som byggesakshandsamar
Voss herad ynskjer å styrke ressursane på byggesak og lyser ut ledig stilling frå oktober i år.
Me ser etter byggesakshandsamar som har fokus på god og effektiv sakshandsaming og god dialog med innbyggjarane.
Om avdelinga
Byggesak er i dag eit team på 5 personar og ein del av avdeling Byggesak og næring, organisert under kommunalavdeling for tekniske tenester.
Kommunen har stor aktivitet innanfor sentrumsutvikling, reiseliv, hyttebygging, fortetting, bustadbygging og næringsutvikling.
Me tilbyr
- Spanande arbeid i ei bygd i utvikling
- Varierte oppgåver i eit godt tverrfagleg og sosialt miljø
- Gode vilkår for fagleg utvikling
- Gode forsikrings- og pensjonsordningar
- Løn etter kommunalt avtaleverk og elles tilsetjing på vanlege, kommunale vilkår
- Fleksitid
Arbeidsoppgåver ved avdelinga
- Handsaming av byggje- og delesøknadar etter plan- og bygningslova
- Informasjon og rettleiing av kundar
- Matrikkelføring
- Seksjonering
- Handsaming av klagesaker
- Tilsyn, oppfølging av ulovlege tiltak mm
- Politisk sakshandsaming
Kvalifikasjonar
- Relevant utdanning frå universitet eller høgskule, innan byggfag, eigedom, juss eller arkitektur
- Erfaring innanfor plan- og bygningsrett og kjennskap til offentleg forvaltning er ein fordel
- God skriftleg og munnleg framstillingsevne, kommunen nyttar nynorsk som målform
Me ynskjer at du har
- Evna til å arbeide og trivast i ein hektisk kvardag
- Gode samarbeidsevner
- Relevant og lang arbeidserfaring kan kompensera for manglande formell utdanning
Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. Personlege eigensakpar vil bli vektlagt, og me ser etter ein medarbeidar som kan komplettera vårt eksisterande team.
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ber om at du lastar opp vitnemål og attestar i søknaden.
Om arbeidsgiveren
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.
Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.
Verdiane våre er profesjonell - påliteleg - skapande - inkluderande
- Sektor: Offentlig
- Sted: Uttrågata 9, 5700 Voss
- Hjemmekontor: Delvis hjemmekontor
- Bransje: Offentlig administrasjon
- Stillingsfunksjon: Arealplanlegger, Arkitekt, Ingeniør
Nøkkelord
byggesak, næring, saksbehandling
meta.heading
- FINN-kode 368875701
- Sist endret