![](https://images.finncdn.no/dynamic/1280w/2024/2/vertical-5/22/b/02c/e06/b0-/d16/6-1/1ee/-98/75-/f30/efc/15a/5bb_1908429985.jpg)
Rådgivar/seniorrådgivar - SNO Ålesund
9. Statens Naturoppsyn (SNO)
- Frist 29.9.2024
- Ansettelsesform Fast
Har du lyst til å bli ein del av Statens naturoppsyn og jobba i Møre og Romsdal?
Om stillinga
SNO er ei avdeling i Miljødirektoratet og er det operative feltorganet til direktoratet. Me fører tilsyn med at reglane i miljølovgivinga blir overhaldne gjennom kontroll, informasjon og rettleiing, og arbeider med registrering, dokumentasjon, skjøtsel og tilrettelegging i naturen. Avdelinga har cirka 100 tilsette fordelte over heile landet, og har leiinga og ein sentral stab lokalisert i Trondheim.
Me søkjer ein erfaren og sjølvstendig medarbeidar som blir motivert av å arbeide med Statens naturoppsyn (SNO) sin varierte oppgåveportefølje. Har du lyst til å arbeide med tilsyn og kontroll med verneområde, kulturminne, motorferdsel i utmark og lakseoppsyn for Statens naturoppsyn? Seksjon Tilsyn kyst har no ei ledig stilling med kontorstad i Ålesund. Seksjonen har hovudoppgåvene sine knytt til kystoppsyn, men jobbar tverrfagleg med oppgåver som følgjer av lov om statleg naturoppsyn og overordna føringar. Seksjonen har per i dag 17 medarbeidarar.
Det primære geografiske arbeidsområdet for stillinga er Sunnmøre. Du må også rekne med å bidra på oppdrag i og utanfor eiga seksjon og region.
Stillinga sine hovudansvarsområde
- fagansvar for Geiranger-Herdalen landskapsvernområde. Dette inneber å samarbeide med forvaltningsstyresmakta og koordinere SNO sitt arbeid i området
- naturoppsyn i verneområde på Sunnmøre. Dette inneber restaurering, skjøtsel, nedkjemping av framande artar og tilrettelegging
- regionalt fagansvar i Møre og Romsdal for bevaringsmål (overvaking) i verneområde. Dette inneber å koordinere og følgje opp arbeidet i fylket
- båtføraroppgåver i regionen
- lakseoppsyn i sjø og vassdrag
Alt feltpersonell i SNO er tillagt kontrolloppgåver etter naturoppsynlova. Det blir føresett at den som blir tilsett kan tildelast avgrensa politistyresmakt. Slik styresmakt blir tildelt av politiet. For å få tildelt avgrensa politistyresmakt må det leggjast fram uttømmande og utvida politiattest for politiet.
Kompetansekrav
Kvalifikasjonar
- relevant utdanning på masternivå, fortrinnsvis innan naturvitskaplege fag. Særleg relevant realkompetanse kan vega opp for kravet til utdanning.
- du er sjøvant og har bestått båtførarprøva. Maritimt VHF-sertifikat vil telle positivt. Teknisk innsikt i båtdrift er ein fordel. Helseerklæring frå sjømannslege må synast fram før tiltreding i stillinga.
- god kunnskap om ulike reiskapstypar som kan brukast i sjøen
- gode norskkunnskapar både munnlege og skriftlege. Engelsk er ein fordel.
- førarkort klasse S og BE (krav ved tiltredingsdato)
- relevant praktisk erfaring frå feltarbeid, særleg på kontroll- og oppsynsarbeid, vil bli vektlagt. Gjennomført naturoppsynkurs vil også telja positivt
- kjennskap til den geografiske regionen i stillinga er ønskjeleg
- kjennskap til andre offentlege kontrollinstansar tel positivt
Eigenskapar
- Du har god rolleforståing og evnar å stå i krevjande situasjonar over tid innanfor eit omdømmekritisk arbeidsområde.
- Du er praktisk innretta og liker å arbeida ute i felt og om bord i båt.
- Du trivst med å arbeida sjølvstendig, tek ansvar for framdrift og kvalitet i leveransane dine i tråd med gjeldande instruksar.
- Du har gode samarbeidsevner og handterer vanskelege situasjonar på ein diplomatisk måte.
- Du har gode kommunikasjons- og formidlingsevner.
- Du rapporterer raskt og presis på dei oppgåvene som blir utførte.
Vi tilbyr
- fast stilling som rådgivar/seniorrådgivar
- ein spennande og utfordrande jobb der du bruker mykje tid i felt både på sjøen og fastlandet
- gode moglegheiter for fagleg og personleg utvikling
- eit godt og breitt nettverk av kollegaer i Miljødirektoratet
- fleksible arbeidstidsordningar og pensjons- og bustadlånsordningar i Statens pensjonskasse
- lønn som rådgivar/seniorrådgivar i lønnsspennet frå kr. 584 500 (ltr. 60) til kr. 720 100 (ltr. 72) etter erfaring og kvalifikasjonar. Særleg kvalifiserte søkjarar kan vurderast høgare.
Har du spørsmål?
Kontaktperson for stillinga er seksjonsleiar Knut M. Thomassen, tlf. 414 10 383/ knut.magne.thomassen@miljodir.no. Oppgi referansenummer 84-2024 SAK når du tek kontakt.
Generelle opplysningar
Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.
Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din.
Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Avkryssinga blir også brukt i ein anonymisert statistikk som alle statlege verksemder har med i årsrapportane sine.
Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.
Om arbeidsgiveren
For å løyse samfunnsoppdraget vårt på best mogleg vis, treng vi medarbeidarar i alle aldrar med ulike fagkombinasjonar, kompetanse, livserfaringar og perspektiv. Er du kvalifisert til ei ledig stilling, oppfordrar vi deg til å søkje.Vi er eit statleg forvaltningsorgan underlagt Klima- og miljødepartementet, og har om lag 730 fast tilsette ved kontora våre i Trondheim og Oslo, og i Statens naturoppsyn (SNO) som er lokalisert 56 stader i landet. Se alle ledige stillingar i Miljødirektoratet.
- Sektor: Offentlig
- Sted: SNOs lokaler i Ålesund, 6005 Ålesund
- Bransje: Offentlig administrasjon
- Stillingsfunksjon: Biolog
Nøkkelord
naturoppsyn, verneområde, Geiranger-Herdalen, lakseoppsyn
(1/2)
- FINN-kode 368908580
- Sist endret
Lignende annonser
![Sysselmesteren på Svalbard logo](https://images.finncdn.no/dynamic/480w/2024/8/vertical-0/20/1/366/821/671_8c5abb3a-ac08-44cf-87cb-a0e0ea4f24ff.jpg)
![Norsk institutt for bioøkonomi (NIBIO) logo](https://images.finncdn.no/dynamic/480w/logo/result/607870754/iad_92647448194960023nibio_logo__pos.png)
![GLOMMEN SKOG AS logo](https://images.finncdn.no/dynamic/480w/2024/3/vertical-0/11/5/343/163/075_208977661.png)
![UNIS logo](https://images.finncdn.no/dynamic/480w/2024/8/vertical-0/05/5/363/960/725_e794c981-3824-43e3-b19d-91352acd470f.png)
![Norsk institutt for bioøkonomi (NIBIO) logo](https://images.finncdn.no/dynamic/480w/logo/result/607870754/iad_92647448194960023nibio_logo__pos.png)
![Norsk institutt for bioøkonomi (NIBIO) logo](https://images.finncdn.no/dynamic/480w/logo/result/607870754/iad_92647448194960023nibio_logo__pos.png)
![AS Selvik Bruk logo](https://images.finncdn.no/dynamic/480w/2024/8/vertical-0/25/6/367/759/876_4bbbafa0-96fc-4343-96d8-a052aa71ba65.jpg)