Verksbetjent reinhald
Bergen fengsel
- Frist 22.09.2024
- Ansettelsesform Vikariat
Vil du jobbe i ein etat med eit viktig samfunnsoppdrag?
Verksbetjent reinhald
Om stillinga
Bergen fengsel søkjer vikar til reinhaldsavdelinga i 100% stilling for perioden 01.10. 24 - 30.09.2025 .
Reinhaldsavdelinga «Rent og pent» har 3 tilsette og opptil 10 innsette i dagleg drift. Vi driv eit vaskeri og utfører dagleg reinhald i eininga. Tilboda skal gje dei innsette innhald og meistringskjensle i kvardagen.
Ein verksbetjent skal ha evne til å leie opplæring, sysselsetjing og oppfølgjing av innsette og ta sjølvstendige beslutningar innan eige arbeidsområde. Verksbetjent skal ha evne til tryggleikstenking, grensesetjing og konfliktløysing samt vere ein samtalepartnar og rettleiar for dei innsette, og delta i målretta fagleg kvalifiseringsarbeid med innsette.
Arbeidsoppgåver
- leie opplæring, sysselsetjing og oppfølging av innsette
- utføre reinhald saman med dei innsette
- motivere til aktivitet og deltaking
- planleggje reinhaldsrutinar, produksjonsmål og kvalitetskrav
- innkjøp av forbruksvarar, reinhaldsmidlar og utstyr
- utstede praksisattester
Den som blir tilsett, må rekne med endringar i ansvars- og arbeidsområde.
Utdanning og erfaring
Du må ha
- fagbrev som reinhaldar. Erfaring frå reinhaldsarbeid kan erstatte krav om fagbrev.
- god munnleg og skriftleg framstillingsevne
- må beherske norsk og engelsk munnleg
- god kunnskap og erfaring i bruk av IKT - system eller verktyg
- sertifikat klasse B
Personlege eigenskapar
- evne til tryggleikstenking, grensesetjing og konfliktløysing
- gode kommunikasjons- og samarbeidsevner
- inkluderande haldning
- evne til å jobbe sjølvstendig, målretta og systematisk
- løysingsorientert
- tålmodig, ansvarsfull og fleksibel og ha evne til å motivere menneske i vanskelege livssituasjonar
- lojal og evne til å bidra til eit godt arbeidsmiljø
ha verdiar og haldningar som samsvarar med kriminalomsorga sine verdiar
Personleg eignaheit vil bli vektlagt
Vi tilbyr
- meiningsfulle oppgåver i ein etat med eit viktig samfunnsoppdrag
- gode pensjons- og forsikringsordningar i Statens pensjonskasse
- arbeidsveke mandag til fredag på dagtid
- ein arbeidsplass med umiddelbar nærleik til natur-og fritidsaktivitetar såvel som nærleik til sentrum, skule og barnehagar
- gratis parkering, bedriftshelseteneste, kantine, velferdslag og treningstilbod
- Stillinga blir løna som 0275 verksbetjent fra kr 443 000 - 557 100 pr. år, avhengig av kvalifikasjoner.
Det blir trekt 2 % innskot til Statens pensjonskasse
Generell informasjon
Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.
Vi jobbar for å realisere regjeringa sin inkluderingsdugnad om at 5 % av nytilsetjingar i staten skal vere personar med nedsett funksjonsevne eller hol i CV-en.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. (https://arbeidsgiver.difi.no/positivsaerbehandling)
Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.
Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.
Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.
Nærare opplysningar om stillinga får du ved å vende deg til verksmeistar Anders Bjerke tlf. 55393720
For spørsmål om elektronisk utfylling av CV kan Jobbnorge kontaktast på 75 54 22 20.
Om arbeidsgiveren
Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.
Kriminalomsorgen region vest omfattar fem fengsel, tre friomsorgskontor, ein overgangsbustad og Senter for narkotikaprogram meddomstolskontroll. Region vest har ca. 500 tilsette i Vestland og Møre og Romsdal. Regionadministrasjonen ligg i Bergen. Bergen fengsel er eit av dei største fengsla i landet med om lag 200 plassar for både kvinner og menn. Fengselet legg til rette for utvikling for innsette og gjev moglegheit for ny kompetanse.
- Sektor: Offentlig
- Sted: Steinestøvegen 401, 5109 HYLKJE, 5109 Hylkje
- Bransje: Helse og omsorg, Offentlig administrasjon, Politi og sikkerhet
- Stillingsfunksjon: Renhold, Sikkerhet
meta.heading
- FINN-kode 369224358
- Sist endret