![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![](https://images.finncdn.no/dynamic/1280w/2024/3/vertical-5/01/2/7d5/d2d/30-/d7c/d-1/1ee/-a4/d1-/9fc/019/5b1/b82_1839512683.jpg)
Datasenter nettverksspesialist
Helse Vest IKT
- Frist 30.9.2024
- Ansettelsesform Fast
Bli med å utvikle datasenter-nettverket til Helse Vest IKT!
Helse Vest IKT sit med eit av dei mest komplekse IT-puslespela i Noreg, og har ansvar for å sikre helsedata for spesialitshelsetenesta i Helse Vest.
Eit robust nettverk er ein føremon for all produksjon av tenester i den private skya vår, og vi treng no endå ein entusiastisk og dyktig kollega i vårt datasenterteam.
Teamet set kunnskapsdeling høgt, og ønsker at alle skal bidra med kunnskap og drift av løysingar. Vi ser etter deg som har god kunnskap om nettverk. Teamet ligg i tenesteområdet Privat sky. Tenesteområdet har ansvar for alt av on-prem-løysingar og består av fleire ulike plattform-team, som jobbar med alt frå innhald i datahallar til Kubernetes.
Arbeidet vil delvis bli utført i datasentera, og arbeidsstad er Bergen eller Stavanger. Noko reising må påreknast.
Arbeidsoppgåver
- Du vil vere involvert i både drift og feilsøking av datasenter-nettet til Helse Vest IKT.
- Automasjon av konfigurasjon og endringar.
- Feilsøking og 3. linjesupport nettverksdrift.
- Påverke vidare retning for utvikling av nettet i Helse Vest, og samarbeide tett med andre fagområde.
- Endringshandtering, oppgradering og vedlikehald.
- Prosjektdeltaking i interne prosjekt.
- Andre forefallande oppgåver.
Kvalifikasjonar
I denne stillinga er det ein føremon om du har erfaring med:
- Generell drift av nettverk og IT-infrastruktur
- Drift av datasenter-nettverk
- Ansible, Terraform, Python eller tilsvarande løysingar
- Cisco Nexus-plattformen vil vere ein stor føremon
- Relevante sertifiseringar tel positivt
- Erfaring kan vege opp for manglande formelle kvalifikasjonar
- Gode norskkunnskapar, både skriftleg og munnleg, er ein føremon
- Søkjaren må kunne tilgangsklarerast.
Personlege eigenskapar
- Evne til å jobbe i tverrfaglege team.
- Strukturert, systematisk og med fokus på kvalitet.
- Vi ser etter ein som er positiv, engasjert og sjølvstendig.
- Nysgjerrig på ny kunnskap og teknologi.
- I arbeidet er det viktig å ha fokus på gode løysningar.
- Gode samarbeids- og kommunikasjonsevner.
Vi tilbyr
- Ein variert infrastruktur som støttar opp under behova i sjukehusa, og gir varierte arbeidsdagar.
- Moglegheiter for kursing og sertifisering.
- Eit kompetent fagleg miljø hos ei av Noregs største IKT-bedrifter.
- Meiningsfullt og samfunnsnyttig arbeid som indirekte bidreg til å forenkle pasientbehandlinga på Vestlandet.
- Gode moglegheiter for personleg initiativ og styring av det faglege, i tillegg til interessante utfordringar.
- Trygg arbeidsplass med føreseielege rammer.
- Fleksitid.
- Lunsjpause er inkludert i arbeidstida.
- Løn etter avtale med overtidskompensasjon.
- Stillinga gir medlemskap i KLP som sikrar gode pensjonsrettar.
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Vil du verte betre kjent med oss og lese meir om kva vi driver med? Gå inn på helse-vest-ikt.no
Nøkkelord
Nettverk, Ingeniør, Datasenter, Cisco
- FINN-kode 369228441
- Sist endret
Lignende annonser
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Veni AS logo](https://images.finncdn.no/dynamic/480w/2024/8/vertical-0/12/6/365/443/666_431043e8-de1d-4491-8d65-9566b9f3b655.jpg)
![NC-Spectrum AS logo](https://images.finncdn.no/dynamic/480w/2024/8/vertical-0/13/6/365/584/986_7bbc679b-4d73-4cd2-8ed5-06cedef340a5.png)