![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Voss DPS NKS Bjørkeli logo](https://images.finncdn.no/dynamic/default/2024/9/vertical-0/05/6/369/358/826_0dd3b04a-2a8d-46e7-b784-5e6bde1bcbc9.png)
Psykolog
Voss DPS NKS Bjørkeli
- Frist 20.9.2024
- Ansettelsesform Fast
Psykologspesialist/psykolog
Vi har ledig 100% fast stilling ved poliklinikkane, Voss DPS NKS Bjørkeli.
Som medlem av teamet vårt får du jobba tett med andre fagpersonar for å utvikla fag og godt arbeidsmiljø. Gjennom faste fagmøte, internundervisningar og felles kompetanseheving innan ulike tema, sørgjer me for å alltid halda oss oppdatert med fagleg påfyll. Me har også faste psykologmøte, der me diskuterer pasientsaker, og har tillitsbaserte øvingar som “leirbål”, der me luftar våre eigne reaksjonar og opplevingar.
Me har eit svært godt arbeidsmiljø og fagmiljø – den siste HMS-undersøkinga vår viste høgare tilfredsheit enn nokosinne! Som tilsett i eit lite, lokalt forankra senter blir du godt kjend med den vakre bygda Voss, og som eit mindre team lærer me kvarandre å kjenna. Alt frå faglitteratur til fjellsport blir diskutert over ein utsøkt lunsj laga av dei dyktige kokkane våre. Når vêret tillèt det nyt me gjerne lunsjen ute i sola!
Det er moglegheit for å få reisetid inkludert i arbeidstida ved pendling og gode pensjons- og forsikringsordningar i KLP. Bygda Voss ligg midt i smørauget av dei beste naturopplevingane Vestlandet har å by på, og har i tillegg eit rikt og spanande kulturtilbod, med fleire festivalar og faste arrangement. Med toget kjem du deg enkelt og miljøvennleg til både Oslo og Bergen.
Du - fagleg engasjert, varm og trygg i møte med andre menneske!
Har du norsk autorisasjon som psykolog, trivst med ein sosial gjeng og er glad i travle dagar, kan du vera akkurat den me ser etter. Då du i stor grad styrer din eigen kvardag er det viktig at du er strukturert, kan planleggja godt og toler å stå i krevjande situasjonar. For å trivast hjå oss er det viktig at du liker tverrfagleg arbeid, og det er eit pluss om du er spesialist i klinisk vaksenpsykologi. Personlege eigenskapar vert vektlagt.
Blir du lokka av ein variert kvardag med gode utviklingsmoglegheiter, og kjenner deg klar for å ta steget vidare i karrieren din? Då vil me gjerne høyra frå deg!
Er det noko som er uklart? Ta gjerne kontakt.
Arbeidsoppgåver
- Vurdering, utgreiing og behandling av pasientar med eit vidt spekter av psykiske lidingar.
- Tverrfagleg samarbeid internt og samarbeid med fyrstelinja.
- Dokumentere iht. interne retningslinjer og krav.
- Bidra til fagutvikling og eit godt arbeidsmiljø.
- Rettleie fyrstelinja.
Kvalifikasjonar
- Norsk autorisasjon som psykolog er eit krav
- Ynskjeleg med spesialist i klinisk vaksenpsykologi
- Relevant klinisk erfaring
- Utgreiings- og behandlingskompetanse vert vektlagt
- Må beherske norsk skriftleg og munnleg
- Gode samarbeidsevner
Me tilbyr
- Stillingsbrøk 100%
- Varierte og utfordrande arbeidsoppgåver i eit aktivt fagmiljø
- Kurs og rettleiing etter avtale
- Internundervisning og lokale rettleiingsgrupper
- Nye lokaler
- Løn etter avtale
- Gode pensjons- og forsikringsordningar i KLP
- Moglegheit for reisetid i arbeidstid ved pendling
- Dokumentasjon skjer på valgfri målform (nynorsk/bokmål/riksmål)
- Eit godt arbeidsmiljø (dokumentert)
Me jobbar med eller utviklar oss innan blant anna
- Kunnskapsbasert praksis
- Arbeidsretta behandling
- Integrasjon rus/psykisk helse
- EMDR og CT-PTSD for traumer
Tiltredingsdato: etter avtale
Om arbeidsgiveren
Voss DPS NKS Bjørkeli - Varierte dagar med fagleg tyngde
Voss DPS NKS Bjørkeli (Voss DPS) er eit distriktspsykiatrisk senter for kommunane i Voss lokalsjukehusområde: Voss, Vaksdal, Kvam, Eidfjord og Ulvik. Me gir eit allmennpsykiatrisk behandlingstilbod til vaksne med psykiske lidingar, og har no ei ledig fast stilling.
Det er lett å vera ny hjå oss. Me er stolte av det gode arbeidsmiljøet vårt og dei opne dørene – det skal alltid vera lett å spørja om råd. Du er velkommen inn i ein vennleg atmosfære og eit dynamisk miljø med engasjerte kollegaer.
I løpet av ein vanleg dag kjem du til å møta ei rekkje pasientar med ulike utfordringar og behov, noko som gjer jobben variert og utfordrande. Gjennom jamlege møte på tvers av fagfelt er me i kontinuerleg utvikling, og lærer av kvarandre. Hjå oss vil du bli ein del av eit breitt tverrfagleg miljø!
- Sektor: Privat
- Sted: Bjørkelivegen 27, 5705 Voss
- Bransje: Helse og omsorg
- Stillingsfunksjon: Helsepersonell / Psykolog
- Arbeidsspråk: Norsk
Nøkkelord
ekstremsport, terapi, natur, ski, fjell
(1/5)
- FINN-kode 369358826
- Sist endret
Lignende annonser
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Helse Bergen logo](https://images.finncdn.no/dynamic/480w/2024/8/vertical-0/29/0/368/314/090_0b000c4d-6234-4c02-b190-51157da95c37.jpg)
![Osterøy kommune logo](https://images.finncdn.no/dynamic/480w/2024/8/vertical-0/21/4/366/761/314_86ddc594-8069-4a14-aeb5-0a84f49a1c78.png)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Akershus universitetssykehus HF logo](https://images.finncdn.no/dynamic/480w/logo/result/1035363383/iad_3114434523749424445ny_logo_april_2016.png)
![Falck Norge AS logo](https://images.finncdn.no/dynamic/480w/2024/8/vertical-0/27/0/368/026/990_0190bef9-50f9-4287-872f-76c26a41c63e.jpg)
![Voss DPS NKS Bjørkeli logo](https://images.finncdn.no/dynamic/480w/2024/8/vertical-0/29/8/368/285/128_ec89ba8d-5d5d-4615-b6cb-0ff79dd367cd.png)
![Sebbelows Stiftelse logo](https://images.finncdn.no/dynamic/480w/2024/8/vertical-0/30/1/368/440/051_4e124632-2657-49a4-afe3-5d5727d3581e.jpg)
![Akershus universitetssykehus HF logo](https://images.finncdn.no/dynamic/480w/logo/result/1035363383/iad_3114434523749424445ny_logo_april_2016.png)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Modum Bad Traumepoliklinikken i Oslo logo](https://images.finncdn.no/dynamic/480w/2024/9/vertical-0/02/6/368/863/206_7f581e53-4948-4cde-8a2d-25f2891f3843.jpg)