Panelovn

Her i heimen ligg me godt an i det grøne skiftet, men me hadde ambisiøse mål, og i motsetnad til dei siste norske regjeringar har me nådd målet, etter intens planlegging, store utlegg, og ikkje minst tunge offer med omsyn til komfort. Medan me før hadde ein eller fleire panelomnar i kvart rom, har me no bare ei varmepumpe i kvar etasje. Der panelomnen varma opp heile rommet, er det så vidt varmlufta frå den eine varmepumpa når fram til det innerste rommet i etasjen. Dette komfortkompromisset har ført til eit stort panelomnoverskot her i heimen.

Er du der, panelomnentusiast som kan forbarma deg over oss? Er du ein (av få?) som ikkje bryr deg om verken se-o-to-utslepp eller høge straumrekningar? Kor er du, straumsløsar?

Overtek du ein eller fleire av våre panelomnar vil du ikkje bare sørga for at straumselskapet Lyse går med solid overskot, men også vera ein ansvarleg bidragsytar til norske straumseljarar; dei er det like mange av som det er bekkar i Noreg, og utan kundar er dei ikkje liv laga. Utan deg kan bransjen gå ei hard tid i møte.

Sjå ditt samfunnsansvar og overta ein eller fleire av våre panelomnar.

Alle omnane er pensjonistkøyrde på 220 volt, og i sers god stand, utan kloremerke frå katt eller skrapemerke frå møbler eller anna utstyr i heimen.

Ein omn att å gje bort:

1000 W Beha panelomn med termostat og tidsbrytar: 128 x 20 cm