![Arkitektur- og designhøgskolen i Oslo (AHO) logo](https://images.finncdn.no/dynamic/480w/logo/result/756926144/iad_148544142813102674aho_logo_reg_2000pixler.png)
![Høgskulen på Vestlandet logo](https://images.finncdn.no/mmo/logo/object/1568786838/iad_3085566278042315192h_gskulen_p__vestlandet.png)
Hovudbibliotekar / Universitetsbibliotekar
Høgskulen på Vestlandet
- Frist 29.09.2024
- Ansettelsesform Fast
Hovudbibliotekar / Universitetsbibliotekar ved campus Førde
Høgskulen på Vestlandet, har ledig ei 100 % stilling som hovudbibliotekar/universitetsbibliotekar ved campus Førde
Stillinga har rolla som koordinator for campusbiblioteket i Førde, og har ansvar for dagleg drift og koordinering av det fysiske campusbiblioteket. Stillinga er knytt til biblioteket si eining for publikumstenester og rapporterer direkte til leiar for eininga.
Arbeidsstad er campus Førde, stillinga har likevel eit medansvar for samkøyring og utvikling av bibliotektenester på tvers av HVL sine fem campusar. Stillinga medfører utstrekt samarbeid med fagmiljø i HVL i tillegg til innad i høgskulebiblioteket.
Ansvars- og arbeidsoppgåver:
- Ansvar for dagleg drift og koordinering av det fysiske campusbiblioteket i Førde, inkludert å utarbeide vaktplanar
- Ansvar for det fysiske læringsmiljøet i biblioteket, med fokus på brukarbehov
- Rettleiing av studentar og tilsette i litteratursøk, kjeldebruk og referansehandtering
- Opplæring og oppfølging av biblioteket sine ettermiddagsvakter
- Skranketeneste, innlån og fjernlån
- Overordna ansvar for dei fysiske samlingane i campusbiblioteket, inkludert samlingspleie, katalogisering og klassifikasjon
- Ansvar for utvikling og profilering av biblioteket som ein attraktiv formidlingsarena, inkludert planlegging og gjennomføring av arrangement
- Andre oppgåver kan bli lagt til stillinga
Kvalifikasjonskrav:
Formell utdanning og kompetanse:
- For tilsetting som hovudbibliotekar: Minimum bachelor i bibliotek- og informasjonsvitskap, eller tilsvarande bibliotekfagleg utdanning.
- For tilsetting som universitetsbibliotekar: Utdanning på masternivå fortrinnsvis med bibliotekfag i fagkretsen.
- Gode kommunikasjons- og samarbeidsevner
- God digital kompetanse
- Kjennskap til biblioteksystemet ALMA/Oria er ein føremon
- Relevant arbeidserfaring og personleg eignaheit vert vektlagt
Personlege eigenskapar:
Vi søkjer etter ein fagleg engasjert medarbeidar som er utviklings- og resultatorientert, og som er fleksibel og omgjengeleg. Du må ha gode samarbeids- og formidlingsevner, vere systematisk og serviceinnstilt, oppsøkjande og initiativrik.
Stillinga krev evne til å arbeide sjølvstendig og i team, og føreset god skriftleg og munnleg framstillingsevne på norsk og engelsk.
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheit for kompetanseheving - og utvikling
- Høve for trening i arbeidstida
Stillinga som hovudbibliotekar / universitetsbibliotekar er løna etter Statens lønsregulativ, i stillingskode hovudbibliotekar 1077 / universitetsbibliotekar 1199
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka "Søk stilling" på denne sida.
Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.
Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d)
HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ)
Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.
Søknadar kan ikkje sendast på e-post til enkeltpersonar ved høgskulen.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.
Arbeids- og opphaldsløyve i Norge er ein føresetnad for å tiltre stillinga.
Høgskulen på Vestlandet er underlagt forskrift for eksportkontrollsystem. Forskriften kan komme til bruk i handsaming av søknadane.
Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.
Kontaktpersonar ved Høgskulen på Vestlandet er:
1) Einingsleiar Camilla Wang Pedersen
tlf 52 70 26 06
2) Avdelingsleiar Turid Bogetvedt Hitland
tlf 55 58 55 44
Inkludere, utfordre og samhandle
Les meir på våre heimesider. (https://www.hvl.no/)
Om arbeidsgiveren
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Biblioteket er organisert som ein del av HVLs fellesadministrasjon, og er i dag organisert med fire eningar; eining for publikumstenester, eining for studiestøtte, eining for forskingsstøtte og eining for informasjonsressursar. Bibliotektenesta omfattar fem fysiske bibliotek fordelt på fem campus. Biblioteket har eit bredt tenestetilbod for studentar og tilsette, og skal vidareutviklast som eit tidsaktuelt utdannings- og forskingsbibliotek som aktivt støttar opp under høgskulens faglege profil og ambisjonar.
- Sektor: Offentlig
- Sted: Svanehaugvegen 1, 6803 Førde
- Bransje: Forskning, utdanning og vitenskap, Offentlig administrasjon
- Stillingsfunksjon: Arkivar og bibliotekar
- FINN-kode 369449020
- Sist endret
Lignende annonser
![Arkitektur- og designhøgskolen i Oslo (AHO) logo](https://images.finncdn.no/dynamic/480w/logo/result/756926144/iad_148544142813102674aho_logo_reg_2000pixler.png)
![Lotteri- og stiftelsestilsynet logo](https://images.finncdn.no/dynamic/480w/2024/9/vertical-0/06/2/369/452/592_a0b0f94b-872c-46f9-8c4e-f87690833d80.jpg)
![ENIVEST AS logo](https://images.finncdn.no/dynamic/480w/2024/9/vertical-0/10/5/369/509/925_1133c745-0666-45e9-83d4-fd16b3402f82.jpg)
![Nasjonalbiblioteket logo](https://images.finncdn.no/dynamic/480w/logo/result/1321607893/iad_6359513860679443787logo.png)
![Tromsø kommune logo](https://images.finncdn.no/dynamic/480w/2024/9/vertical-0/11/4/370/063/704_011707a4-e5e4-4dcc-8b11-87d66c98093f.jpg)
![ENIVEST AS logo](https://images.finncdn.no/dynamic/480w/2024/9/vertical-0/03/5/365/742/545_e3bb77da-1ff3-43df-8287-a2af940994a7.jpg)
![Centric Finance Professionals AS logo](https://images.finncdn.no/dynamic/480w/2024/8/vertical-0/23/8/367/279/418_b6c46365-ce26-47be-ba14-d1cac7c19200.png)