![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![](https://images.finncdn.no/dynamic/1280w/2024/3/vertical-5/01/2/7d5/d2d/30-/d7c/d-1/1ee/-a4/d1-/9fc/019/5b1/b82_1839512683.jpg)
Plattformutviklar
Helse Vest IKT
- Frist 30.09.2024
- Ansettelsesform Fast
Plattformutviklar
Helse Vest IKT utviklar mange spennande løysingar for helsepersonell og pasientar ved sjukehusa på Vestlandet. Vi er stolte av å levere 100% samfunnsnyttige system med god kvalitet. Vi deltek i mange og varierte utviklingsaktivitetar, frå innovasjonsprosjekt til større løysingar for å automatisere og effektivisere i sjukehusa. I tillegg til utvikling av ei rekke webløysingar og integrasjonar, er vi involverte i prosjekt knytte til bruk av VR, IoT og maskinlæring/AI i sjukehusa. Vi tek i bruk nyaste teknologi der vi kan, og meiner at trivsel og kontinuerleg kompetanseutvikling er ein føremon for å drive god utvikling.
Seksjonen Utvikling består av omlag 50 høgt kvalifiserte systemutviklarar, arkitektar og UX-designarar fordelt på ni team. Vi utgjer eit sterkt og kompetent miljø som er opptekne av å utvikle løysingar for framtidas helsetenester.
Vi søkjer no etter to plattformutviklarar for å bygge opp og vidareutvikle utviklingsplattforma vår. For utvikling nyttar vi Microsoft.NET (C#, ASP.NET, Enity Framework, MVC, SQL) og Angular (TypeScript, JavaScript, CSS) og vi køyrer på ein hybrid plattform med tenester både i Azure og on premise. Dei to stillingane vil inngå i plattformteamet vårt, og ha ei viktig og sentral rolle i utviklingsmiljøet, med hovudmål om å legge til rette for at vegen frå kode til køyrande applikasjon i produksjon blir så kort som mogleg. Helse Vest IKT har eigne fagmiljø som handterer både sky- og Kubernetes-plattformane, og plattformutviklarane vil samarbeide tett med desse miljøa, samt med utviklarar og forvaltarar i avdelinga.
Arbeidsstad er Bergen.
Arbeidsoppgåver
- Utvikle automatiserte og sjølvbetente løysingar gjennom tett dialog med utviklarane/brukare av plattforma og andre interne fagmiljø.
- Legge til rette for effektiv bruk av utviklingsplattforma, inkludert oppsett av infrastruktur, auka grad av automatisering og sikker bruk av skytenester og eksisterande interne on-prem-tenester.
- Sette opp høveleg bruk av logging og monitorering, og gjere dette tilgjengeleg for utviklarane.
- Utforske nye teknologiar og måtar å levere verdi til brukarane av plattforma på.
Kvalifikasjonar
- Høgare relevant utdanning frå høgskule/universitet.
- Erfaring med og interesse for:
- Plattformutvikling.
- Infrastruktur som kode.
- Skyteknologi (Azure eller tilsvarande).
- Kubernetes eller tilsvarande teknologi.
- Smidig utvikling, CI/CD og hyppige leveransar i produksjon.
- Plattformutvikling.
- Forståing for at tryggleik, nettverk og infrastruktur er essensielt for eit trygt helsevesen.
- Erfaring med applikasjonsutvikling er ein føremon.
- Vi legg vekt på tett samarbeid med brukarane våre i utviklingsprosessen, difor er gode munnlege og skriftlege ferdigheiter på norsk viktig.
Personlege eigenskapar
- Du likar å nytte teknologi og kreativitet til å løyse oppgåver, og er alltid klar for nye utfordringar.
- Du likar å halde deg oppdatert på trendar og ny teknologi innanfor dette fagfeltet som er i rask utvikling.
- Du ser både det store biletet og detaljar, og likar å forstå korleis prosessar, system og menneske opererer saman.
- Du likar samarbeid, deler ansvar og hjelper teamet med å få jobben gjort.
- Du er oppteken av sikkerheit og integrerer dette bevisst i ditt daglege arbeid.
Vi tilbyr
Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du høve til å jobbe i eit unikt miljø i ein banebrytande bransje.
- Høve til å vere involverte i strategiske og teknologiske vegval som utviklingsmiljøet skal bygge vidare på i framtida.
- Høve til å påverke kva fagleg retning du vil utvikle deg vidare i innanfor plattformteknologi.
- Fagleg utvikling gjennom spennande oppgåver, fagdagar og kurs.
- Eit inkluderande og sosialt arbeidsmiljø med engasjerte kollegaer og høg grad av medarbeidartilfredsheit.
- Fleksible arbeidsordningar med fleksitid og arbeidsveke på 37,5 timar inkl. lunsj
- Løn etter avtale.
- Medlemskap i KLP som sikrar gode pensjonsordningar.
Søk jobb i ein bransje som står overfor store teknologiske løft, med høve til å forme IT-løysingar for framtidas helsevesen!
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Vil du verte betre kjent med oss og lese meir om kva vi driver med? Gå inn på helse-vest-ikt.no
Nøkkelord
plattformutvikler, infrastruktur, skyteknologi, kubernetes, smidig utvikling
- FINN-kode 369492050
- Sist endret
Lignende annonser
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Sopra Steria logo](https://images.finncdn.no/dynamic/480w/2024/9/vertical-0/04/1/369/213/631_60a2da75-6fc2-4c44-9529-49a8487e0dc5.jpg)
![Zrch logo](https://images.finncdn.no/dynamic/480w/2024/9/vertical-0/03/7/369/042/397_c9a287ed-6e73-4746-9135-096c2ecad07c.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![Sopra Steria logo](https://images.finncdn.no/dynamic/480w/2024/9/vertical-0/09/0/369/924/970_2c0bc806-ce3e-4052-a354-aa55af0718be.jpg)
Vil du bygge fremtiden med oss i Sopra Steria Bergen? Bli med på laget som Data Engineer!
Sopra Steria
![Helse Vest IKT logo](https://images.finncdn.no/dynamic/480w/logo/result/882959594/iad_518311772664066773helsevestikt.png)
![TIETOEVRY FINTECH NORWAY AS logo](https://images.finncdn.no/dynamic/480w/2024/8/vertical-0/28/5/368/120/945_b1e9d6cf-9643-49e1-a482-df8189606530.png)
![TIETOEVRY FINTECH NORWAY AS logo](https://images.finncdn.no/dynamic/480w/2024/8/vertical-0/28/4/368/005/404_3003c4ae-4c36-40e3-b391-f3474516deb2.png)