Seniorkonsulent gjeld
Vest politidistrikt
- Frist 22.09.2024
- Ansettelsesform Fast
Vil du jobbe med sakshandsaming innan gjeld?
I Vest politidistrikt er det ledig ein eller fleire faste stillingar som seniorkonsulent SKO 1363 ved Felles eining for sivil rettspleie (FSR), seksjon for gjeld.
Namsfogden i Bergen er ein utfordrande og spennande arbeidsplass for deg som vil vera med på å forma framtidas politi og innkrevjing. Felles eining for sivil rettspleie (FSR) har fagansvar for sivil rettspleie i Bergen og i Vest politidistrikt. Eininga består av fire seksjonar, og har om lag 60 tilsette. Seksjon for gjeld har for tida 11 fast tilsette og to mellombels tilsette i eit restansenedbyggingsprosjekt. Seksjonen har tilsette med stor spreiing i alder og erfaring, og er prega av eit godt arbeidsmiljø.
Det vil stillast høge krav til produksjon, og den rette kandidaten må vere heilskapsorientert og ha evne til å raskt tileigne seg kunnskap om aktuelt regelverk. Stillingane har stor kontaktflate internt og eksternt.
Vi søkjer deg som er motivert, sjøvstendig og kvalitetsbevisst. Som seniorkonsulent skal du kunne drive sjølvstendig saksbehandling med høg grad av skjønnsvurdering, og med avgjerdsmynde innan eigen portefølje.
Stillingane er stadsplassert i Bergen.
Arbeidsoppgåver
Seksjon for gjeld har følgjande oppgåver:
- Sakshandsaming av søknader om gjeldsordning
- Oppfølgjing og endring av gjeldsordningsavtalar
- Klager til tingretten
- Rettleiing av publikum
- Andre oppgåver pålagt av overordna
Kvalifikasjonar
Nødvendig:
- 3 års utdanning frå høgskole eller universitet innan juridiske, økonomiske eller samfunnsfag
- Relevant arbeidserfaring blir vektlagt og kan i særkilde høve (minimum 5 år) erstatte kravet til utdanning
- Gode skriftlege og munnlege framstillingsevner på norsk og engelsk
- Du må ha plettfri vandel og være skikket for tjeneste i politiet og politiattest (uttømmende og utvidet) må innhentes ved ev. ansettelse jfr. politiloven § 18 og politiregisterloven § 41.
Ønskeleg:
- Erfaring frå sivil rettspleie er ein fordel
- Ønskeleg med sertifikat klasse B
Personlege eigenskapar
- Evne til å arbeide sjølvstendig, systematisk og effektivt
- Gode samarbeidsevner og vere med å bidra til eit godt arbeidsmiljø
- Evne til å finna dei gode løysingane
- Samfunnsorientert med forståing for eininga si rolle i samfunnsoppdraget til politiet
Som medarbeider i politiet har du høy etisk bevissthet, du kjennetegnes av å være modig og helhetsorientert, du viser respekt og er tett på. Du kan lese mer om våre etiske retningslinjer og medarbeiderplattform her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vere med å forme politiet og innkrevninga for framtida
- Eit solid fagmiljø med gode utviklingsmoglegheiter, og eit arbeidsmiljø med engasjerte og dyktige kollegaer
- Stillinga blir lønna som seniorkonsulent (SKO 1363 ) frå ltr. 61/ kr 594 500,- til ltr 65/kr 635 400,- brutto per år
- Medlemskap i Statens pensjonskasse, med mellom anna gode pensjons- og forsikringsordningar (www.spk.no)
- Gode arbeidsvilkår (t.d. fleksibel arbeidstid, trening i arbeidstida o.l.)
Generelt
Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i
desse gruppene, det vil seia positivt særbehandla på denne måten, må søkjarane oppfylla visse krav.
For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.
Du kan lesa meir på arbeidsgivarportalen https://arbeidsgiver.difi.no/positivsaerbehandling.
Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.
Vi ber om elektronisk søknad via lenka.
Referansenr: 24/196371
Om arbeidsgiveren
Vest politidistrikt
dekker 38 kommunar i Vestland fylke, med til saman 600 600 innbyggjarar.
Distriktet følgjer ikkje fylkesgrensene helt - kommunane Fitjar, Bømlo, Stord,
Etne og Sveio høyrer til Sør-Vest politidistrikt. Politidistriktet har om lag
1300 tilsette med politimeister Kaare Songstad som øvste leiar. Politimeisteren
har sitt kontor i Bergen og der ligg også felles operasjonssentral.
- Sektor: Offentlig
- Sted: Vestre Strømkaien 7, 5008 Bergen
- Bransje: Konsulent og rådgivning, Politi og sikkerhet
- Stillingsfunksjon: Kontor og administrasjon, Saksbehandler
- Arbeidsspråk: Norsk
Nøkkelord
namsfogd, saksbehandling
meta.heading
- FINN-kode 369507899
- Sist endret