Rådgivarar - karriererettleiing

Vil du vere ein av karriererettleiarane i Karriere Møre og Romsdal?

Karriererettleiing er ei viktig oppgåve for å motivere og rettleie unge og vaksne til å finne sin veg til utdanning og arbeid. Karriere Møre og Romsdal har medarbeidarar med høg kompetanse på eit felt som er i stadig utvikling. Kanskje du er nestemann på laget?

Vi skal tilsette to rådgivarar i fast stilling, ein i Molde og ein i Ålesund.

Arbeidsoppgåver

Du får jobbe med karriererettleiing av unge og vaksne i Møre og Romsdal. Rettleiing av innbyggarane handlar om gode val knytt til utdanning og arbeid i eit livslangt læringsperspektiv. Fylkeskommunen sine oppgåver på området er regulert i opplærings- og integreringslova.

Karriererettleiinga skjer både digitalt, fysisk, i grupper, som trekantsamtalar og individuelt.

Du får også bidra til utvikling av Karriere Møre og Romsdal sine tilbod og tverrfagleg samarbeid med interne og eksterne aktørar.

Andre oppgåver innafor kompetanseområdet kan også bli tillagt stillinga.

Kvalifikasjonar

• relevant høgare utdanning, helst på masternivå
• rettleiarkompetanse og erfaring med karriererettleiing
• god skriftleg og munnleg formidlingsevne
  

Vi søker etter deg som

• har evne til å arbeide sjølvstendig, systematisk og målretta
• har gode kommunikasjonsevner og er god på å bygge relasjonar og nettverk
• er ein lagspelar som liker å samarbeide, dele og inkludere, og som tenker på tvers av fagområde
• trivst med å vere representant og tenesteytar for fylkeskommunen og kommunane
• har evne til å vere i omstilling, takle nye oppgåver, vere innovativ og sjå moglegheiter

Personlege eigenskaper vil bli tillagt stor vekt.

Anna:
Stillingane inneber ein god del reiseverksemd. Dei som blir tilsett må ha førarkort og vi ønsker at dei disponerer eigen bil.

Kontorstad for stillingane blir Molde og Ålesund.

Dei som blir tilsett må levere politiattest fordi kontorstad kan bli på vidaregåande skole.

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale