Apotektekniker
Sjukehusapoteka Vest
- Frist 02.10.2024
- Ansettelsesform Fast
Apotektekniker
Sjukehusapoteka Vest HF er eit av fem sjølvstendige helseføretak eigd av Helse Vest RHF. Sjukehusapoteka er del av spesialisthelsetenesta og skal sørgje for at sjukehus og pasientar i Rogaland og Vestland vert sikra legemiddel og høg farmasøytisk kompetanse og tenester. Sjukehusapoteket i Stavanger leverer legemiddel og farmasifaglege tenester til Helse Stavanger, og er eit av landets største apotek med omlag 90 tilsette.
Sjukehusapoteket har fire avdelingar: Produksjonsavdeling, publikumsapotek, sjukehusekspedisjon og avdeling for farmasøytiske tenester. Avdelingane ved sjukehusapoteket samarbeider tett og har eit godt og spennande fagmiljø. Å jobbe som apotektekniker hjå Sjukehusapoteka er fagleg utfordrande og vi kan tilby varierte arbeidsoppgåver.
Vi er i stadig vekst, og søker denne gong etter nye engasjerte tilsette til produksjonsavdelinga. Produksjonsavdelinga har per i dag 34 tilsette, der 20 er apotekteknikarar. Etter Helse Stavanger opnar nytt sjukehus på Ullandhaug flytter produksjonsavdelinga inn i større lokaler med høgare kapasitet og vår nye apotektekniker får moglegheit til å bli med på ein spanande fase for apoteket. Produksjonsavdelinga framstiller legemiddel som ikkje er tilgjengeleg frå andre leverandørar, eller som må tilberedast kort tid før bruk. Ein stor del av legemidla som vert produsert er tilpassa den enkelte pasient, dette gjeld spesielt born og kreftpasientar. Produksjon av legemiddel blir gjort av apotekteknikarar i reinrom etter prosedyrer som er utarbeida i samsvar med gjeldande regelverk for produksjon av legemiddel. Arbeidstida er i tidsrommet 7-16 på kvardagar.
Vi forventar ikkje at du har erfaring med oppgåvene frå før, men at du har pågongsmot og interesse for å lære. Våre nye medarbeidarar må førebu seg på at stillinga kan bli delt mellom fleire av våre avdelingar, basert på kompetanse, tidlegare erfaring og ei heilskapleg vurdering av behovet i apoteket.
Arbeidsoppgåver
Oppgåver kjem an på avdelinga stillinga er plassert i:
- Produksjonsavdelinga: Klargjering og aseptisk framstilling av legemiddel til intravenøs bruk.
- Delta i apotekets vaktordning
- Andre oppgåver kan tilfalle ved behov
Kvalifikasjonar
- Det er ynskjeleg med norsk autorisasjon som apotekteknikar eller anna relevant helsefagleg utdanningsbakgrunn
- Bestått 3-årig vidaregåande skule
- Vi ser både etter nyutdanna apotekteknikarar, du som har jobba i apotek og ynskjer å prøve noko nytt, eller du som har jobba i andre sektorar og no ynskjer nye utfordringar i eit sjukehusapotek
- Gode norskkunnskapar, skriftleg og munnleg
- Gode IKT-kunnskapar
Personlege eigenskapar
- Du ynskjer å bidra til gode tenester for sjukehusa
- Du bidrar til eit godt arbeidsmiljø ved å vere positiv, fleksibel og samarbeide godt med andre
- Du er nøyaktig og er oppteken av kvalitet i arbeidet
- Du kan jobbe sjølvstendig og tek ansvar
- Du trivst med nye arbeidsoppgåver og ein variert arbeidsdag
- Det vil bli lagt vekt på å vera personleg eigna for stillinga
Vi tilbyr
- Stilling i eit stort og inspirerande farmasifagleg miljø med fokus på kvalitet og kompetanse
- Høve til fagleg og personleg utvikling
- Naudsynt opplæring
- Løn i samsvar med gjeldande overeinstkomst
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Sjukehusapoteka Vest (SAV) er eit helseføretak i Helse Vest med om lag 350 tilsette som leverer legemiddel, apotekvarer og farmasifaglege tenester til spesialisthelsetenesta på Vestlandet. Omsetning er på vel 1,5 milliardar kroner. Føretaket har administrasjon i Bergen, og driv fem sjukehusapotek i Førde, Bergen, Haugesund og Stavanger. Sjukehusapoteka Vest satsar på nye teknologiske løysingar og på tenester som bidreg til auka pasienttryggleik, betra kvalitet og meir effektive tenester i sjukehusa.
Sjukehusapoteka Vest HF skal så langt råd er avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Sjå nettsida vår for meir informasjon www.sjukehusapoteka-vest.no
- Sektor: Offentlig
- Sted: Gerd-Ragna Bloch Thorsens gate, 4011 Stavanger
- Bransje: Farmasi og legemiddel
- Stillingsfunksjon: Farmasøyt
- Arbeidsspråk: Norsk
Nøkkelord
apotek, sykehus, produksjon
meta.heading
- FINN-kode 371258687
- Sist endret