Fast stilling som HMS-Rådgjevar i Austevoll kommune
Austevoll kommune
- Frist 18.10.2024
- Ansettelsesform Fast
Fast stilling som HMS-Rådgjevar i Austevoll kommune
Om arbeidsstaden
Personal - og organisasjonsavdelinga har ansvar for personaladministrasjon, kompetanseutvikling, organisasjonsutvikling, leiarutvikling, rekruttering, HMS og sjukefråvær, arbeidsrettslege tema, arbeidsgjevarpolitikk, drøftingar og forhandlingar med arbeidstakarorganisasjonar. Austevoll kommune har fokus på vidareutvikling og forbetring av rutinar og stillinga skal bidra til at vi driftar kommunen effektivt og utviklar kommunen som arbeidsgjevar til beste for både tilsette og innbyggjarane.
Om stillinga
Austevoll kommune har ledig stilling som HMS-rådgjevar.
Stillinga høyrer til avdeling for Personal- og organisasjonsutvikling og rapporterer til personalsjef.
Arbeids- og ansvarsområde
- Støtte og rådgje leiarar og medarbeidarar i personaladministrative saker med særleg vekt på HMS, oppfølging av sjukefråvær og internkontroll
- Medarbeidarundersøkingar, førebu og legge fram saker i AMU
- Bistå i ulike delar av rekrutteringsprosessar
- Rutineutvikling av ulike arbeidsprosessar innan HR/HMS-feltet
- Vidareutvikla personal- og leiarhandbøker og kvalitetssystem
- Sekretariatsfunksjonar for ulike råd og utval
- Sakshandsaming innanfor feltet
Kvalifikasjonskrav
Formelle kvalifikasjonskrav
- Relevant høgare utdanning på minimum bachelornivå , ønskeleg med masternivå
- Minimum 3-års erfaring og kompetanse innan HR/HMS
- Kjennskap til bruk av administrative datasystem og generelt god IKT-kompetanse
- Kunnskap om arbeidsrett og kollektive avtalar er ein fordel
Erfaring frå offentleg forvaltning er ein fordel
Internasjonale gradar må vere godkjent av Direktoratet for høyere utdanning og kompetanse.
Dersom det ikkje melder seg søkjarar som er kvalifisert som rådgjevar kan det vere aktuelt å tilsette i konsulentstilling.
Personlege eigenskapar
Søkjar må vere personleg eigna for stillinga. For oss er det svært viktig at du har gode kommunikasjons - og samarbeidsevner. Vi søkjer deg som er imøtekommande, tillitsvekkande og profesjonell. Du evner å ta initiativ, arbeider sjølvstendig og likar å arbeide i team. Vidare søkjer vi deg som:
- er fleksibel
- har fagleg engasjement for HMS/HR-feltet
- har stor arbeidskapasitet og fokus på kvalitet
- arbeidar systematisk og strukturert
- er positiv med godt humør og bidrar til eit godt arbeidsmiljø
- God skriftleg og munnleg framstillingsevne
Vi tilbyr
- Moglegheit for fagleg utvikling i eit godt og positivt arbeidsmiljø
- Spanande utfordringar
- Løn etter kvalifikasjonar
- Gode pensjons - og forsikringsordningar
Slik søkjer du
Send søknad og CV ved å klikke på knappen merka "Søk stilling" på denne sida.
Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.
Søknader kan ikkje sendast på e-post til enkeltpersonar i kommunen.
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
Om arbeidsgiveren
Austevoll er ei øygruppe og ein kommune Sør-Vest i Vestland fylke.
Austevoll er landets største fiskerikommune med svært høg næringsaktivitet og byr på eit mangfald av spennande jobbar.
Kommunen sitt administrasjonskontor held til i nye lokalar i kommunehuset på Storebø som ligg 5 minuttars køyring frå ferje- og snøggbåtkai. Alle sambanda mellom Austevoll og fastlandet er gratis for alle reisande!
Kommunen har eit folketal på 5.300 innbyggjarar og dagleg pendlar om lag 700 til Austevoll frå nabokommunar.
Vi er om lag 450 fast tilsette som er opptatt av å gje innbyggjarane våre gode kommunale tenester. Vi kan tilby meiningsfylte og utfordrande oppgåver og gode, offentlege pensjons- og forsikringsordningar.
Administrasjonsmålet i kommunen er nynorsk.
Vi ønskjer deg velkommen som søkjar til stilling i Austevoll kommune!
- Sektor: Offentlig
- Sted: Birkelandsvegen 2, 5392 Storebø
- Bransje: Offentlig administrasjon
- Stillingsfunksjon: Rådgivning
- FINN-kode 371264599
- Sist endret