Ingeniør, Ny-Ålesund (3 år)
Norsk Polarinstitutt
- Frist 06.10.2024
- Ansettelsesform Engasjement
Ingeniør, Ny-Ålesund
Unik moglegheit på Svalbard!
Vi har ledig ei 80% åremålsstilling som ingeniør ved Sverdrup i tre år. Som ingeniør utgjer du ein nøkkelrolle for vår forskingsaktivitet. Du bidrar med tekniske ressursar og støttefunksjonar som ein ikkje kan vere forutan i våre forskingsprosjekt.
Arbeidet er organisert i turnus med tidleg-, normal- og kveldsvakt, pluss helgevakt. Du vil arbeide i fire-månaders syklus, med tre månader i Ny-Ålesund og ein månad fri.
Vil du arbeide saman med oss?
Ny-Ålesund forskingsstasjon er ein internasjonal møteplass for forskarar som mellom anna studerer klimaendringar. Arbeidet går føre seg i utfordrande arktiske forhold - eventyr den eine augneblinken, fullt alvor i neste.
Arbeidsoppgaver
Du vil, som ingeniør ved Sverdrup, bli ein del av teamet på sju tilsette som har ansvar for drift, vedlikehald og installasjon av teknisk og vitskapeleg utstyr til permanente overvakings- og forskingsprogram.
Du vil i hovudsak:
- delta i daglege og vekentlege datainnsamlingar og målingar
- delta i dagleg innhenting av meteorologiske verobservasjonar
- drifte, feilsøke og vedlikehalde vitskaplege instrument
- vere ein del av teamet som opererer og tar hand om sikkerheita for taubanen som går til observatoriet på Zeppelinfjellet
- følgje opp fast teknisk infrastruktur på Zeppelin, spesielt prosessrelaterte oppgåver og kjemikaliehandtering
- vere kjemikalieansvarleg for Norsk Polarinstitutt i Ny-Ålesund
- bistå feltbaserte forskingsprosjekt innanfor atmosfære, glasiologi, marin- og terrestrisk biologi ved behov
Kvalifikasjonar
For stillinga krevst:
- relevant ingeniørutdanning på minimum bachelornivå, fortrinnsvis innan prosessteknologi. Omfattande arbeidserfaring frå det aktuelle fagområdet kan i spesielle tilfelle vege opp for utdanningskravet
- erfaring frå målingar og instrumentering
- gyldig førarkort for bil
- at du består eksamen for drift av taubane i løpet av dei fyrste seks månadene i stillinga
- gode språkkunnskap i norsk/anna skandinavisk språk og engelsk
Vi ønskjer at du har røynsle med vitskaplege instrument og/eller data-/programmering. Det er ein fordel om du og har kjennskap til vedlikehald og reparasjon av elektroniske instrument. Vi verdset engasjement for og kunnskap om datainnsamling og kvalitetsutvikling. Ønskeleg med prosjekterfaring.
Vi legg stor vekt på personlege eigenskapar. Ny-Ålesund er eit lite, tett samfunn med mange ulike menneske. . Måten vi arbeider på krev at du blant anna må vere sjølvstendig, er god på å arbeide systematisk, ha gode samarbeidsevner og yte god sørvis. I Ny-Ålesund er du langt frå allfarveg, så du må vere allsidig og gjerne litt kreativ og initiativrik for å finne gode løysningar saman med kollegaene. Arbeidsforholda i Arktis kan vere utfordrande og krev god fysisk form og helse, du må difor også bestå helsesjekk etter våre retningslinjer.
Sidan du vil vere i kontakt med ulike typar menneske, er det viktig at du kommuniserar godt både skriftleg og munnleg på norsk eller anna skandinavisk språk, og på engelsk. Arbeidsspråket er norsk
Vi tilbyr
- Unik åremålsstilling i eit unikt samfunn.
- Interessante og spanande arbeidsoppgåver i eit internasjonalt miljø.
- Lønn etter statens regulativ i kode 1085 avdelingsingeniør. For spesielt godt kvalifiserte søkarar kan kode 1087 overingeniør vurderast. Det blir trekt 2% til Statens pensjonskasse.
- Polartillegg, p.t. kr 5.070,00 per månad.
- Fast godtgjering for uhøveleg arbeidstid, p.t. kr 4.900,00 per månad.
- Svalbardskatt, p.t. 15,8%.
- Dekt losji og kost med mat i messe (fordelsskatting).
- Dekt reiser til/frå det norske fastlandet i samband med arbeidsperiodane, i tråd med gjeldande vilkår (fordelsskatting).
- Gode pensjons- og forsikringsordningar gjennom Statens Pensjonskasse (SPK.no)
Mangfald er viktig for oss. Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi oppfordrar kvinner til å søke.
Det er spesielle helsekrav til denne stillinga, blant anna fordi jobben skal utførast under litt unormale forhold. Det gjer at moglegheitene våre for tilrettelegging av arbeidsplassen kan vera vanskeleg, men vi vurderer det alltid.
Ver merksam på at det er ikkje er høve til å ha familie busett i Ny-Ålesund.
Søk innan 6. oktober 2024
Søknad med relevante kvalifikasjonar og erfaring, CV, kopi av sertifikat, vitnemål og attestar, namn på minst tre referansar og vedlegg må registrerast i Jobbnorge.
For å sikre ein god rekrutteringsprosess samarbeider vi med Semac (www.semac.no) om elektronisk referansesjekk og bakgrunnssjekk. Det er med på å sikra at vi rekrutterer rett kompetanse og bidrar til ei rettvis evaluering av søkjarane. Bakgrunnssjekken består ofte av verifisering av oppgitte opplysningar i søknad, CV, vitnemål, osv.
All informasjon blir behandla konfidensielt fram til søknadsfristen går ut. Instituttet utarbeidar så ei offentleg søkjarliste. Søkjarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkjaren gjerast offentlege sjølv om ein har bedt om å ikkje bli ført opp på søkjarlista, jf. Offentleglova § 25, andre ledd.
Vi ønskjer ikkje kontakt med annonseseljarar.
Om arbeidsgiveren
Norsk Polarinstitutt er eit direktorat under Klima- og miljødepartementet og har ca. 160 tilsette i Tromsø, på Svalbard og i Antarktis. Polarinstituttet driv naturvitskapleg forsking, kartlegging og miljøovervaking i Arktis og Antarktis.Instituttet er fagleg og strategisk rådgivar for staten i polare spørsmål, representerer Noreg i fleire samanhengar og er den norske miljøstyresmakta i Antarktis. Les meir på www.npolar.no.
meta.heading
- FINN-kode 371557737
- Sist endret