Kontrollingeniør Byvekstavtale Bergen
Statens vegvesen
- Frist 14.10.2024
- Ansettelsesform Fast
Kontrollingeniør Byvekstavtale Bergen
Statens vegvesen har ledig stilling som kontrollingeniør og søkjer etter ein person med kompetanse innan vegbygging, som vil jobbe med gjennomføring av utføringsentreprisekontraktar og totalentreprisekontraktar.
Stillinga er knytt til Utbyggingsdivisjonen, Prosjekt Byvekstavtale Bergen, som omfattar fleire prosjekt i Bergen. I første omgang er stillinga knytt til bygging av ny E39 Sykkelstamveg frå Nesttun til Skjold på eksisterande gang/sykkelveg langs Fanavegen i Bergen kommune.
Kontorstad blir på prosjektkontor til Byvekstavtale Bergen pr. i dag i Nygårdsporten.
Som kontrollingeniør har du ansvar for utarbeiding av kontrollplanar, oppfølging av entreprisar og kontraktar, og følgje opp krav til dokumentasjon og informasjon.
Dine arbeidsoppgåver vil mellom anna vere
- utføre kontroll og oppfølging av kontraktsarbeidar med fokus på funksjonskrav, teknisk kvalitet, SHA, mengder og målebrev
- deltaking i utarbeiding av konkurransegrunnlag
- deltaking i byggemøtar
- medverke i utarbeiding av K-HMS planer
- modellbasert oppfølging
- oppfølging av klimatiltak
- rapportering/føre dagbok
- legge kontrollresultat inn i vårt kvalitetssystem
- rapportere til byggeleiar
Kompetansekrav
Du må ha utdanning frå universitet eller høgskule minimum 3 år med relevant fagkrins, jfr. beskriving over. Stillinga krev også god kjennskap til bruk av IKT-verktøy og førarkort klasse B.
For kandidatar med 2-årig teknisk fagskule, samt sterk og allsidig praksis frå dei aktuelle fagområda, og gode personlege føresetnader for stillinga, kan kravet til utdanning fråvikast.
Personlege eigenskapar som vektleggast
- gode evner til å samarbeide og kunne bidra til eit godt tverrfagleg fellesskap og arbeidsmiljø
- god skriftleg og munnleg framstillingsevne på norsk
- strukturert og sjølvstendig
- nøyaktig og kvalitetsbevisst
- god gjennomføringsevne
Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).
Kvifor skal du velja oss?
Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.
Vi tilbyr deg også desse goda:
- fleksitid og gode ordningar for å avspasere
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønn blir avtalt i samsvar med lønnspolitikken vår.
Krav til søknaden
Fyll ut felta "Utdanning" og "Arbeidserfaring" og last opp relevante vitnemål og eventuelle attestar.
Positiv særbehandling
Statens vegvesen verdset mangfald og ønskjer ein inkluderande arbeidsplass. Me oppmodar alle kvalifiserte kandidatar til å søkja. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på arbeidsgivarportalen.
Søkjarlista er offentleg
Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.
Har du spørsmål om stillinga?
Fleire opplysningar om stillinga kan du få hjå prosjektleiar Beate Riisnæs, tlf. 962 36 913, eller e-post: beate.riisnas@vegvesen.no.
Om arbeidsgiveren
Statens vegvesen vil leie an i utviklinga av eit effektivt, sikkert og heilskapleg transportsystem tilpassa morgondagen sine behov og teknologi. Vi bygger, driftar og vedlikeheld riksvegane, og vi tek vare på heilskapen gjennom vårt nasjonale ansvar for beredskap på veg og ved utvikling av tydeleg regelverk og standardar for alle. Gjennom arbeid og tilsyn med trafikantar og køyretøy, ny teknologi og utviklinga av digitale tenester sikrar vi trafikantane smarte, trygge og miljøriktige transportval.
Verksemda våre er organisert gjennom Vegdirektoratet og seks nyetablerte divisjonar.
- Sektor: Offentlig
- Sted: Nygårdsgaten 112, 5008 Bergen
- Bransje: Bygg og anlegg, Offentlig administrasjon
- Stillingsfunksjon: Bygg/Anleggsleder, Ingeniør, Samferdselsteknikk og arealplanlegging
- Arbeidsspråk: Norsk
(1/3)
- FINN-kode 372018059
- Sist endret