2024/05 - Deltidsstilling for jusstudent
Statens helsetilsyn
- Frist 10.10.2024
- Ansettelsesform Fast
Deltidsstillingar for jusstudentar
I Statens helsetilsyn jobbar vi for at befolkninga skal ha gode og trygge helse-, sosial- og barnevernstenester når dei treng det. Vi skal styrkja tryggleiken og kvaliteten i tenestene, gjennom tilsyn, rådgiving og behandling av klager. Derfor er vi opptekne av at tilsynet endrar seg, i takt med utviklinga i samfunnet og i tenestene. Hos oss får du meiningsfulle oppgåver og dyktige og hyggelege kollegaer med bakgrunn frå helsefag, jus og samfunnsfag, og kjem tett på det viktige samfunnsoppdraget vårt.
Er du jusstudent og ønskjer ein relevant deltidsjobb? Vi ser etter to samfunnsengasjerte jusstudentar med interesse for forvaltningsrett. Stillingane er på 40 %. Vi er fleksible slik at arbeidet kan kombinerast med studia.
Stillingane er for tida plasserte i avdeling for tilsyns- og klagesaker i helse- og omsorgstenesta. Avdelinga har mellom anna ansvar for behandling av tilsynssaker med helsepersonell og verksemder. I tillegg er systematisering av saker, råd og rettleiing til helsepersonell og helsetenestene viktige oppgåver.
Hos oss vil du få høve til å bli kjend med faglege problemstillingar på tvers i organisasjonen og det viktige samfunnsansvaret vi har.
Arbeidsoppgåver
Arbeidsoppgåvene er å behandla krav om innsyn i saksdokument og klager som gjeld innsyn.
Det kan også bli knytt andre oppgåver til stillinga.
Arbeidet blir utført på dagtid, men vi er fleksible slik at arbeidet kan kombinerast med studia.
Kvalifikasjoner (overskrift)
Nødvendige kvalifikasjonskrav
- Du må vera masterstudent i rettsvitskap og helst ha gjennomført emnet i forvaltningsrett
- Søkjarar som har minst to år igjen av studiet vil bli prioritert
- Det vil bli lagd stor vekt på at dei som blir tilsett er personleg eigna.
Ønskte kvalifikasjonar
- Relevant arbeidserfaring
Personlege eigenskapar
- God skriftleg og munnleg framstillingsevne og svært god forståing av komplekse tekstar
- Gode samarbeidsevner
- Fleksibel
- Strukturert og nøyaktig
- Effektiv
- Gode IKT-/digitale ferdigheiter
Vi tilbyr
Stillinga er plassert i stillingskode som førstekonsulent (kode 1408) og blir lønna i lønnstrinn 45/kr 466 600 (100 %). Frå lønna blir det trekt 2 % lovfesta innskot til Statens pensjonskasse.Vi er ca. 140 medarbeidarar som held til midt i Oslo. Vi har kantine, sykkelgarasje og eige trimrom. Statens helsetilsyn har fleksibel arbeidstid (jf. særavtale om fleksibel arbeidstid i staten), og sommar- og vintertid.
Mangfald er viktig i Statens helsetilsyn. Vi ønskjer at kvalifiserte kandidatar søkjer jobb hos oss uavhengig av kjønn, alder, funksjonsevne, hol i CV-en, etnisk eller nasjonal bakgrunn. Vi oppmodar søkjarar til å kryssa av i jobbportalen dersom dei har funksjonsnedsetjing, hol i CV-en eller innvandrarbakgrunn. Du kan lesa meir om positiv særbehandling her: https://arbeidsgiver.difi.no/positivsaerbehandling.
Vitnemål og attestar skal leggjast ved søknaden. Tilgang til vitnemålsportalen vil bli etterspurt for kandidatar som er aktuelle for stillinga.
Opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista jf. offentleglova § 25.
Om arbeidsgiveren
- Sektor: Offentlig
- Antall stillinger: 2
- Sted: Møllergata 24, 0179 Oslo
- Bransje: Offentlig administrasjon
- Stillingsfunksjon: Annet
- Arbeidsspråk: Norsk, Norsk
Nøkkelord
Jusstudent, juridisk, innsyn, klagesaker
meta.heading
- FINN-kode 372445966
- Sist endret