Økonomi- og administrasjonsleiar, Stord folkehøgskule

Stord Folkehøgskule søkjer ein dyktig og engasjert medarbeidar til ei variert og spanande stilling som Økonomi- og administrasjonsleiar. Du må vere villig til å arbeide i folkehøgskulen si ånd; vere fleksibel og løysingsorientert, og møte elevar og kollegaer på ein likeverdig måte. Me forventar at du har interesse for skulen sine fagområde og folkehøgskulen sin ideologi og verdisyn. Har du erfaring innan økonomi, administrasjon og service, og ønskjer å vere ein del av ein inkluderande skule som rustar unge menneske for livet? Då kan dette vere stillinga for deg!

Arbeidsoppgåver

Som Økonomi- og administrasjonsleiar vil du ha eit breitt spekter av oppgåver, mellom anna:

• Ansvar for økonomistyring, budsjettarbeid, rekneskapsføring, kontering og fakturering
• Økonomisk oppfølging, internt og mot rekneskapsførar
• Rapportering til relevante instansar
• Ansvar for resepsjon- og sentralbordteneste
• HMSK-dokument
• Turnus for driftspersonale
• Bidra til å vidareutvikle digitale system og effektivisere arbeidsprosessar
• Legge til rette for utleige, herunder sommardrift
• Opptak, oppfølging og registrering av søkjarar
• Service- og informasjonsarbeid retta mot elevar, tilsette og samarbeidspartnarar
• Stedfortreder rektor
• Oppdateringar heimeside og folkehøgskule.no
• Personaladministrasjon
• Referent/protokollførar i ulike møte

Kvalifikasjonar

Me ser etter ein kandidat som har:

• Høgare utdanning, fortrinnsvis mastergrad i økonomi og administrasjon
• Minimum 7 års yrkeserfaring innan økonomisk og administrativt arbeid
• Høg IKT-kompetanse
• Meget gode munnlege og skriftlege norskferdigheiter
• Kjennskap til gjeldande lover, forskrifter og retningsliner innan administrasjon og økonomi

Personlege eigenskapar

Me søkjer ein person som:

• Er serviceinnstilt, nøyaktig og har god oversikt
• Har godt humør og evne til å skape gode relasjonar
• Har evne til å ta initiativ, ansvar og arbeide sjølvstendig
• Er omstillingsdyktig og taklar periodar med høgt arbeidspress
• Har stor takhøgd og ei raus tilnærming til både kollegaer og elevar

Me tilbyr

• Eit godt arbeidsmiljø med engasjerte og dyktige kollegaer
• Høve til fagleg og personleg utvikling
• Eit kreativt miljø som verdset initiativ og samarbeid
• Gode pensjons- og forsikringsordningar
• Løns- og arbeidsvilkår etter gjeldande lov- og avtaleverk

Har du lyst til å bidra til vidare vekst og utvikling ved Stord Folkehøgskule? Send oss din søknad med CV og relevante vedlegg innan 18.10.2024

Tilsetjingsvilkår: For tilsetjing ved Stord Folkehøgskule krevst det politiattest av kandidatar som får tilbod om stilling.