Rådgiver/Seniorrådgiver internkommunikasjon

Vi søker etter ein ryddig og engasjert person med formell kompetanse og brei erfaring, gjerne frå offentleg sektor.

Nyoppretta stilling i Havtil
Havtil har vedteke å styrka arbeidet med internkommunikasjon og lyser i samband med dette ut ei nyoppretta stilling. Den som blir tilsett, skal koordinera eit internt team samansett av tre til fem medarbeidarar. Denne gruppa får ansvar for å etablera prosessar og verktøy som kan betra den interne informasjonsflyten – og for å gjennomføra aktivitetar basert på planar og meir akutte behov. Havtil er samansett av sterke fagmiljø, og det er viktig at informasjon om sentrale saker og prosessar blir presenterte for organisasjonen på ein strukturert og interessant måte gjennom arbeidsåret.

Arbeidsoppgåver

• Etablera og koordinera eit team av tre til fem medarbeidarar som får ansvar for å legga til rette for god internkommunikasjon i Havtil
• Legga strategi og bygga grunnlag for god og relevant informasjonsflyt i organisasjonen
• Hjelpa Hovudleiinga med å informera kollegiet om aktuelle saker
• Hjelpa tilsyns- og fagleiinga med å formidla relevant stoff i organisasjonen
  
• Ansvar for å utvikla interne kanalar og digitale verktøy for å styrka informasjonsflyten
  
• Ansvar for relevante prosedyrar innan internkommunikasjon
  
• Kontaktpunkt for leiinga i samband med intern krise- og beredskapskommunikasjon

Kvalifikasjonar

• Høgare relevant utdanning innan organisasjon, leiing og kommunikasjon
  
• Solid og relevant erfaring med internkommunikasjon, helst frå offentleg sektor
  
• Erfaring med arbeid i team eller prosjekt
  
• Evne til samarbeid og samhandling
  
• Tydeleg språkbruk, både munnleg og skriftleg
  
• Flytande i norsk, flink i engelsk
  
• God innsikt i relevante, digitale verktøy
  
• Samfunnsinnsikt og -engasjement

Havtil er underlagt sikkerhetslova. Søkarar må vera kvalifiserte for autorisasjon under denne loven og kunna autoriserast for nivå “Begrenset”.

Personlege eigenskapar

• Du må lika å arbeida både sjølvstendig og i team
  
• Du må vera initiativrik og sjølvgåande
  
• Du må vera trygg og tydeleg i dialog og formidling

Me tilbyr

• Godt arbeidsmiljø og trivelege kollegaer med høg fagkompetanse
  
• Interessante og utfordrande arbeidsoppgåver i ein etat med eit viktig samfunnsoppdrag
  
• Høve til vidare kompetansebygging og fagleg utvikling
  
• Lønn etter avtale
  
• Medlemskap i Statens pensjonskasse med gode pensjons- og forsikringsordningar
  
• Fleksibel arbeidstid
  
• Høve til heimekontor inntil to dagar i veka
  
• Fadderordning
  
• Moderne og innbydande byggfasilitetar, eige kontor og god kantine
  
• Romsleg parkeringsplass og lett tilgang til bussar
  
• Aktivt bedriftsidrettslag og gode treningsfasilitetar i og like utanfor kontorbygget
  
• Ordning med trim i arbeidstida
  
• Tilgang til bedriftshytte