Psykolog
Helse Fonna HF
- Frist 18.10.2024
- Ansettelsesform Fast
Psykologspesialist/psykolog
Er du psykologspesialist eller psykolog i spesialisering, og har lyst til å bli del av eit tverrfagleg team med stort engasjement?
På Allmennpsykiatrisk poliklinikk og i FACT-teamet ved Folgefonn DPS på Valen har vi ei fast stilling som ventar på deg!
Folgefonn DPS dekkjer dei allmennpsykiatriske spesialisthelsetenestene for Kvinnherad og Ullensvang, med eit befolkningsgrunnlag på omlag 20 000 vaksne.
Teamet vårt på Valen er tverrfagleg og godt lokalt forankra med psykologspesialist, psykiater, spesialsjukepleiar, ruskonsulent og fysioterapeut – alle jobbar saman for å tilby heilskapleg behandling.
Hos oss får du høve til å jobbe i treningspoliklinikk, TSB poliklinikk og døgnpost. I gruppepoliklinikken tilbyr vi moderne behandlingsmetodar som musikkterapi, medieyoga, hesteassistert terapi og mestringskurs.
Har du idéar til nye tilbod? Vi ønskjer gjerne at du bidreg til å vidareutvikle behandlinga vår!
Vi ser fram til å høyre frå deg!
Lurer du på om dette kan vere noko for deg? Les meir om stillinga på nettsida vår: https://www. helse-fonna.no/jobb-i-helse-fonna/psykolog
Arbeidsoppgåver
- Utgreiing, diagnostisering og behandling av allmennpsykiatriske- , psykose- eller rus lidingar
- Rettleiing av samarbeidande personell internt og i kommunehelsetenesta
- Deltaking i fagleg utviklingsarbeid og mogeleg med forskingsprosjekt.
- Mogeleg med deltaking i utvikling av gruppepolikliniske tilbod om ønskjeleg
Kvalifikasjonar
Psykologspesialist eller psykolog med norsk autorisasjon
- Relevant erfaring og praksis
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
Personlege eigenskapar vert vektlagd
Personlege eigenskapar
Hos oss er det viktig at du
- er god på å arbeide både sjølvstendig og i team
- har gode kommunikasjons- og samarbeidevner
Vi tilbyr
- Lønn etter gjeldande avtale mellom NPF og Helse Fonna HF.
- Gode løns- og arbeidsvilkår. Fleksibel arbeidstid om ønskjeleg.
- Vi kan hjelpe til med å skaffe overgangsbustad og evt. flytteutgifter kan dekkast etter gjeldande retningsliner.
- Gode moglegheiter for spesialisering og vidareutdanning, og moglegheit for å delta i forskningsprosjekt.
- Helse Fonna HF legg til rette for heile spesialiseringsløpet.
- Psykologspesialistar har avtalefesta fordjupningspermisjon 4 mnd. pr. 5 år.
Vitnemålsportalen
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du fullført utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.
Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar.
For å bli betre kjend med oss, kan du sjå www.helse-fonna.no. Følg oss også gjerne på Facebook.
- Sektor: Offentlig
- Sted: Sjukehusvegen 1, 5750 Odda
- Bransje: Helse og omsorg
- Stillingsfunksjon: Psykolog
- Arbeidsspråk: Norsk
Nøkkelord
psykolog, psykologspesialist
meta.heading
- FINN-kode 373705577
- Sist endret