«Da der har eg vore med å bygd!»

Vil du i framtida kunne sei dette om viktige byggverk som formar regionen?
Ha den givande kjensla av å sjå folk bruka og samfunnet dra nytte av byggverket ? Men og vita om all planlegginga og detaljane som ligg bak. Gleda av å ha gått frå idè til ferdig byggverk. Hos Engelsen Entreprenør får du skapa noko som varer. Me bind regionen til verda gjennom infrastrukturprosjekt som kaier og bruer. Me bygger saman med hjørnesteinsaktørar innan industri og havbruk. Men òg bygg-, kraft- og damprosjekt som er med å skapa fundament og energi me treng for nye generasjonar.

Me er i eit taktskifte med ei spennande utvikling i både geografisk marknad og breidda på prosjekta me tek på oss. Me har ny påtroppande dagleg leiar og skal vera den leiande betongentreprenøren for framtida. Derfor ser me etter ein engasjert prosjektleiar til å leia hovudentreprisar innan betong. Du vil ha ansvar for god framdrift, økonomistyring og sikkerheit, og du vil vere ein viktig del av veksten vår framover. For me skal sjå moglegheiter.

DIN KOMPETANSE

• Erfaring med gjennomføring av prosjekt
• Fordel med høgare utdanning, men erfaring kan kompensera
• Me er nysgjerrig på om du har vore borti kalkulasjon, prosjektutvikling og marknadsarbeid, men det er ikkje noko krav
• Me ser etter deg som er sjølvstendig, ansvarsfull, effektiv og snarrådig
• Norsk skriftleg og munnleg

• Konkurransedyktig løn og vilkår, inkludert bil eller bilordning
• Moglegheit til å vere med å byggje og utvikle selskapet
• Eit solid selskap som satsar på deg og vil bygga folk og gje karrieremoglegheitar
• Å bli med i et energisk og engasjert arbeidsmiljø