Fengselsinspektør
Åna fengsel
- Frist 27.10.2024
- Ansettelsesform Fast
Fengselsinspektør
Om stillinga
Åna fengsel har ledig fast, full stilling som fengselsinspektør.
Ein fengselsinspektør skal ha evne til å leie fengselsavdeling, planleggje, prioritere, føreslå løysingar og utvikle retningslinjer, og å initiere utvikling innanfor ansvarsområdet.
Fengselsinspektøren har ansvar for avdeling for høg sikkerheit med omlag 100 tilsette, og har personalansvar for fem fengelsførstebetjentar.
Fengselsinspektøren skal forvalte personalressursane med tanke på sikkerheit og økonomi.
Fengselsinspektøren skal stimulera dei tilsette til fagleg vidareutvikling, auka trivsel og samhald, ha oppfølging av dei tilsette i samarbeid med fengselsførstebetjentane.
Assisterande fengselsleiar er næraste overordna.
Fengselsinspektøren inngår i leiarstaben.
Arbeidsoppgåver
- leie dagleg drift av avdeling høy sikkerhet i samarbeid med sikkerheitsinspektør og avdelingsleiarane
- oppfølgingsansvar for hms-arbeidet for avdeling høg sikkerheit
- hovudansvar for behandlinga av alle innsette på avdeling høg sikkerheit
- leggje forholda best mogleg til rette for å fremje dei innsette si tilpassing til samfunnet
- vidareutvikle innhaldsarbeidet
- ansvar for sikkerheita i fengselet i samarbeid med inspektøren for sikkerheit
- sjå til at gjeldande reglar og lover vert følgd
delegert myndigheit til å avgjera disiplinærsaker
Den som blir tilsett, må rekne med endringar i arbeids- og ansvarsområde.
Utdanning og erfaring
Du må ha
- bestått fengselsbetjentutdanning frå Høgskolen og utdanningssenteret for kriminalomsorga KRUS, eller relevant utdanning frå universitet eller høgskule på bachelornivå
- god kunnskap og erfaring i bruk av IKT - system eller verktøy
- god munnleg og skriftleg framstillingsevne
- evne til å tenkje heilskap
Det er ønskjeleg at du har
- relevant vidareutdanning
- leiarerfaring.
Personlege eigenskapar
- gode samarbeids- og leiareigenskapar
- god rolle- og systemforståing, og evne til å tenkje heilskapleg
- evne til å planleggje, avgjere og gjennomføre innanfor gjeldande rammer
- initiativrik og kreativ
- evne til å motivera medarbeidarar
Vi tilbyr
- meiningsfulle oppgåver i ein etat med eit viktig samfunnsoppdrag
- gode pensjons-, forsikrings- og låneordningar i Statens pensjonskasse
- gratis parkering
- lademoglegheiter for el-bil
- stillinga blir løna som fengselsinspektør i trinn 65, kr 635400 til trinn 75 kr 759100, avhengig av kvalifikasjonar. Det blir trekt 2 % innskot til Statens pensjonskasse.
Generell informasjon
Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. (https://arbeidsgiver.difi.no/positivsaerbehandling)
Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.
Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.
Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.
Nærare opplysningar om stillinga får du ved å vende deg til assisterande fengselsleiar Morten Røer 51799011
For spørsmål om elektronisk utfylling av CV kan Jobbnorge kontaktast på 75 54 22 20.
Om arbeidsgiveren
Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.
Region sørvest omfattar fengsel og friomsorgskontor i Rogaland og Agder. Regionadministrasjonen ligg i Sandnes.
Åna fengsel har rundt 170 tilsette, med til saman 164 plassar for mannlege innsette, fordelt på 140 plassar med høgt tryggleiksnivå og 24 plassar med lågare tryggleiksnivå.
- Sektor: Offentlig
- Lederkategori: Leder
- Sted: Åna, 4365 Nærbø
- Bransje: Offentlig administrasjon, Politi og sikkerhet
- Stillingsfunksjon: Annet
meta.heading
- FINN-kode 374556685
- Sist endret