Fagarbeidar VVS
Helse Bergen
- Frist 24.10.2024
- Ansettelsesform Fast
Fagarbeidar VVS
Teknisk avdeling søker fagarbeidarar til VVS-seksjonen
Ønsker du ein variert arbeidskvardag med utfordrande oppgåver innan tekniske anlegg på eit av Noregs største sjukehus? Haukeland universitetssjukehus søker engasjerte fagarbeidarar til vår VVS-seksjon, der du får moglegheit til å utvikle deg innan heile VVS-området. Vi søker deg som har eit ønske om å bidra til trygg og effektiv drift av sjukehusets tekniske anlegg, og som vil arbeide tverrfagleg med mellom anna kjøling, ventilasjon, røyrsystem, RO-vatn og medisinske gassar.
Om avdelinga:
Teknisk avdeling ved Haukeland sjukehus forvaltar Helse Bergen sin omfattande eigedomsmasse og har ansvar for drift, vedlikehald og utvikling av bygningar, tekniske installasjonar og utvendig areal. Avdelinga er organisert i fleire fagseksjonar, inkludert VVS-seksjonen, som består av eit kompetent team på 20 fagarbeidarar og ingeniørar. Her får du jobbe i eit inkluderande arbeidsmiljø der det alltid er rom for fagleg og personleg utvikling.
Arbeidsoppgåver
- Drift og vedlikehald av kjøle-, ventilasjons- og røyrsystem
- Ettersyn og service av medisinske gassanlegg
- Arbeid med RO-vatn, basseng og andre tekniske system
- Tverrfagleg samarbeid med andre avdelingar og faggrupper på sjukehuset
- Bistå med tekniske løysingar og kontinuerleg forbetring av arbeidsprosessar
- Dagleg bruk og oppdatering av vårt vedlikehaldssystem (arbeidsordre)
- Andre oppgåver ved behov
Kvalifikasjonar
- Fagbrev innan VVS-faga, automasjon, mekaniske fag eller andre relevante fagbrev
- Erfaring med drift av tekniske anlegg er eit pluss, men ikkje eit krav
- God teknisk innsikt og systemforståing
- Gode samarbeidsevner og evne til å arbeide både sjølvstendig og i team
- Gode kunnskapar i norsk, både skriftleg og munnleg
- Erfaring med drift av varme/kjøle og ventilasjonsanlegg er ein fordel
- Fordel om søkar har F-gass sertifikat
Personlege eigenskapar
- Strukturert, systematisk og serviceinnstilt
- Fleksibel og løysingsorientert
- Engasjert og lærevillig, med eit ønske om å bidra til vidareutvikling av tekniske anlegg ved sjukehuset
Vi tilbyr
- Ein spennande og utfordrande stilling der du får utvikle brei kompetanse innan alle VVS-områda, inkludert medisinske gassanlegg og avanserte kjølesystem
- Eit triveleg arbeidsmiljø med høg grad av samarbeid på tvers av fagområda
- Gode moglegheiter for fagleg utvikling gjennom kurs, opplæring og tverrfagleg arbeid
- Konkurransedyktige lønns- og pensjonsordningar
- Fleksibel arbeidstid og gode forsikringsordningar.
- Moglegheit for å delta i bedriftsidrettslag og andre sosiale aktivitetar
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du legge ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet.
- Sektor: Offentlig
- Antall stillinger: 3
- Sted: Jonas Lies vei 89, 5021 Bergen
- Bransje: Bygg og anlegg, Håndverkstjenester, VVS
- Stillingsfunksjon: Rørlegger, Teknisk personell, Ventilasjonstekniker
- Arbeidsspråk: Norsk
Nøkkelord
Kjøletekniker, Ventilasjonstekniker, Automasjon, VVS, Rørlegger
meta.heading
- FINN-kode 374706026
- Sist endret