Rådgjevar
Helse Bergen
- Frist 29.10.2024
- Ansettelsesform Engasjement
Rådgjevar
E-helse har ledig ei mellombels stilling som rådgjevar i 2 år med mogleg forlenging eller fast stilling.
FoU er ei stabseining med oppgåver knytt til forsking, undervisning og fagleg utviklingsarbeid for føretaket. E-helse legg til rette for føremålstenleg bruk av IKT på Haukeland universitetssjukehus og bidrar med å sjå heilskap i system og prosessar. Våre medarbeidarar har fokus på kvalitetsforbetringar, tryggleik og effektivitet i helsevesenet ved bruk av informasjonsteknologi. E-helse jobbar tett med klinikarar i sjukehuset, IKT-personell som utarbeider IKT-løysingar og andre stabseiningar.
Det er no høgt fokus på å få meir nytte av eksisterande og ny teknologi som blir tatt i bruk, og det pågår fleire små og store aktivitetar i sjukehuset. Til denne stillinga søker vi etter ein medarbeidar som er interessert i forbetring og korleis bruk av av ny teknologi kan gje ein enklare arbeidskvardag for medarbeidarar. DIPS Arena er vårt største og mest sentrale kliniske system og vi skal auke kapasitet på dette området.
Arbeidsoppgåver
Som rådgjevar:
- jobbar du i grenseflata mellom helsefag og IKT
- bistår du dei kliniske avdelingane med IKT-løysingar som støttar opp om deira behov
- er du pådrivar til at løysingane blir tatt i bruk/brukt på ein hensiktsmessig måte i dei kliniske einingane
- inngår du i eit team innanfor EPJ-løysingar
- deltar du i ulike prosjekt både lokalt og regionalt
Kvalifikasjonar
- Erfaren brukar av DIPS, minimum på suparbrukarnivå
- God kjennskap til bruk av kliniske IKT system i sjukehuset
- God kjennskap til arbeidsflyt og -prosessar i sjukehus
- Strukturert, evner å utarbeide planar og pådrivar for framdrift
- Kompetanse innan, og interesse for, e-helse er sentralt
- Erfaring frå å drive prosjekt- og forbetringsarbeid
Personlege eigenskapar
- Du tar initiativ og er nysgjerrig på å forstå problem og finne løysingar saman med brukarane av systemet
- Du kommuniserer godt både skriftleg og munnleg
- Du brenn for å finne løysing på komplekse problemstillingar både åleine og i samarbeid med andre
- Du er sjølvgåande, nøyaktig og påliteleg
- Du likar å jobbe tverrfagleg og ser verdien av andre sin kompetanse og erfaring
- Du er ein aktiv bidragsytar til eit godt miljø
- Du er fleksibel ved endring av oppgåver og fokus
Vi tilbyr
- Spennande arbeid i grenseflata mellom helsefag og bruk av IKT
- Interessante utfordringar og moglegheiter knytta til både eksisterande og framtidige IKT-løysingar
- Eit aktivt og triveleg arbeidsmiljø
- Fagleg og personleg utvikling
- Fleksibel arbeidstid
- Lønn etter avtale
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Møllendalsbakken 7, 5009 Bergen
- Hjemmekontor: Delvis hjemmekontor
- Bransje: Helse og omsorg
- Stillingsfunksjon: Rådgivning
- Arbeidsspråk: Norsk
Nøkkelord
Forbedringsarbeid, DIPS, Prosjekt, forbetringsarbeid, forskning- og utvikling
meta.heading
- FINN-kode 375476997
- Sist endret