Driftsansvarlig - Knarvik Sjukeheim avdeling 2
Alver kommune
- Frist 30.10.2024
- Ansettelsesform Fast
Vi søkjer etter fagleg engasjert sjukepleiar til driftsoppgåver innan eldreomsorg!
Om stillinga
Stillinga som driftsansvarleg er ei stilling som rapporterer direkte til avdelingsleiar, og som jobbar tett med dei tilsette i avdelinga. Driftsansvarleg har ansvar for delegerte oppgåver innan eit definert fagområde i avdelinga, og kan tildelast ansvar. Du vert avdelingsleiar sin nærmaste støttespelar i planlegginga og organiseringa av den daglege drifta av avdelinga. Som driftsansvarleg vil du arbeide i snitt 35,5 t/v med arbeid på dagvakter i vekene og arbeid i turnus kvar 3. helg og i høgtid.
Ved ferieavvikling og anna kortvarig fråvær vil ein kunne få endra ansvarsområde/oppgåver innafor den ordinære stillinga som driftsansvarleg. Ved lengre fråvær av avdelingsleiar vil ein ved behov kunne verte konstituert, jf. HTA § 13.4.
Om avdelinga
Knarvik sjukeheim ligg sentralt plassert i sentrum av Knarvik med gode bussforbindingar. Institusjonen har plass til om lag 70 pasientar. På Knarvik sjukeheim avdeling 2 har vi totalt 31 pasientar, og er organisert med 4 pasientgrupper.
- Gruppe 1: langtidssomatiske pasientar med 12 pasientar
- Gruppe 2: skjerma gruppe for personar som lever med demenssjukdom med 9 pasientar
- Gruppe 3: korttids- og rehabiliteringsgruppe med plass til 9 pasientar som er innlagt med ulike type teneste
Alver kommune er i ei omstillingsfase som vil bety ei endring for avdeling 2 . Gruppe 2 skal flyttast til Såta bu og servicesenter når denne starter opp, og vi vil få fleire kortidspasientar på avdelinga.
Avdeling 2 har eit høgt fagleg nivå med varierande utfordringar og oppgåver med bakgrunn i avdelinga sin struktur. Det er god fagleg dekning med eit gjennomgåande sterkt pasientfokus. Å vere tilsett i avdeling 2 vil by på både eit godt miljø blant kollegaer og vil opplevast som fagleg stimulerande.
Arbeidsoppgåver
Fagansvar:
- Delegerte oppgåver frå avdelingsleiar for å sikre at kvaliteten på tenestene er innafor ramma av dei ressursane fagområdet disponerer
- Ansvarleg for at fagområdet nyttar kvalitetssystemet i tenesteproduksjonen og nyttar avvikssystemet i oppfølginga
- Ansvarleg for å gjennomføre internkontrolltiltak innanfor fagområdet
- Følgje opp naudsynt fagleg samordning på tvers av linjeorganiseringa
- Ansvarleg for at dei tilsette samla har tilstrekkeleg og relevant kompetanse, eksempelvis i form av internundervisning, e-læringskurs, og generell opplæring der det er behov
- Følge opp skriftleg og munnleg dokumentasjon og rapporter frå tilsette
Forbetringsansvar
- Ta initiativ til å gjennomføre fagleg forbetrings- og utviklingsarbeid
Serviceansvar
- Sikre god løpande dialog med alle brukarar og pårørande
I tillegg til fagansvaret kan du få delegert einskilde oppgåver frå avdelingsleiar etter behov. Du kan og få tildelt ekstra ansvar. Eksempel på einskilde oppgåver:
- Oppgåver knytt til HMS arbeid
- Oppgåver knytt til personalarbeid
- Oppgåver knytt til økonomi
Kompetansekrav
- Norsk autorisasjon som sjukepleier
- Gode norsk kunnskaper, både munnleg og skriftleg.
- Erfaring som utøvande sjukepleiar i minimum 3 år, fortrinnsvis frå sjukeheim/institusjon.
Kven er du?
Vi søkjer etter deg som er ein fagleg trygg sjukepleiar og som kan arbeide sjølvstendig. Du har evne til å strukturere kvardagen og prioritere både eigen og andre sin arbeidskvardag ut frå dei krav som vert stilt til tenesta. I tillegg til å vere fleksibel og ha god gjennomføringsevne har du god rolleforståing og ei løysingsorientert tilnærming i ein travel kvardag. Du kommuniserer tydeleg og godt både med kollegaer, pårørande og pasienter.
Vi ønskjer deg som er god til å motivere, rettleie og til å skape engasjement. Du er god til å planlegge, har gode haldningar og evne til etisk refleksjon. I tillegg har du godt humør og gode samarbeidsevner, samt er ein rollemodell for dine kollegaer.
Personlege eigenskapane ovanfor vert vektlagt
Vi tilbyr
- Fagleg spennande arbeid
- Ein aktiv kvardag med mange spanande og varierte utfordringar
- Høg kompetanse på avdelinga med stort fokus på kvalitet i tenesta
- Dedikerte kollegaer som har pasient i fokus
- Allsidig og lærerikt arbeidsmiljø
- Årsturnus
- Lønn: kr 50 000,- over relevant garantilønsstige ut frå kompetanse og ansiennitet
Politiattest
I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.
Om arbeidsgiveren
Sjukeheimstenesta i Alver kommune består av 4 sjukeheimar: Knarvik sjukeheim, Lindås bu-og servicesenter, Meland sjukeheim på Frekhaug og Velferdssenteret på Manger. Sjukeheimstenesta har totalt 175 plassar fordelt på korttidsplassar og langtidsplassar for somatikk og demens, palliative plassar, rehabiliteringsplassar og plassar til rullerande avlastning.
I tillegg til sjukeheimsavdelingar er kommunalt kjøkken organisert i sjukeheimstenesta.
- Sektor: Offentlig
- Lederkategori: Fagleder
- Sted: Kvernhushaugane 7, 5914 Isdalstø
- Bransje: Barn, skole og undervisning, Helse og omsorg, Offentlig administrasjon
- Stillingsfunksjon: Sykepleier
Nøkkelord
administrative sykepleieroppgaver, faglig ansvarlig, oppfølging av ansatte, helseadministrasjon
meta.heading
- FINN-kode 375616994
- Sist endret