For alt eg veit

Arnt Birkeland

Tida spring ifrå oss, spring føre deg og meg, det lysnar bak svingen med det raude huset. Snart vil alle kunne sjå kven det er som står på trappa når eg kjem for å hjelpa deg med lekser klokka fem, når eg kjem for at me to skal gjera dei leksene saman. Om litt blir eg nøydd til å måtte velja

om eg vil visa deg dei spisse knea mine, dei platte føtene og Tarzan-badebuksa.

Den som skriv desse orda, har godt minne og ei levande evne til å drøyma og fantasera - om dei hemmelege tinga, mystikken og musikk-heltane. Om kattens skjulte liv og om dei to som skal tala lågt saman under stjernene.