Spesialbioingeniør ved Biobank Haukeland

Biobank Haukeland er ein sjølvstendig seksjon i Laboratorieklinikken som tilbyr biobanking og forskingsstøtte ved Haukeland universitetssjukehus. Seksjonen samarbeider tett med dei andre avdelingane i Laboratorieklinikken, og saman leverer vi ei heilskapleg løysing for forskingsstøtte, prosjektarbeid og biobanking integrert i sjukehuslogistikken. Seksjonen har 9 tilsette med høg fagleg kompetanse og har nå eit ledig vikariat frå 01.01.2025 - 31.12.2025.

Biobank Haukeland har ein moderne utstyrspark for biobanking, med mellom anna automatisert prøvefordeling og ein automatisert lagringseining med plass til meir enn 2 millionar biobankprøvar. Vi har mange samarbeidspartnarar, både internt i sjukehuset og eksternt, og deltar i det nasjonale konsortiet for biobanker, Biobank Norge. Vårt mål er optimal prøvekvalitet på forskingsprøvar og forskingsanalysar ved å tilby forskarar rådgjeving, tilrettelegging, prøvehandtering og lagring av biologisk materiale. I 2023 blei det utført meir enn 45 000 forskingsanalysar og fordelt meir enn 70 000 forskingsprøvar i Laboratorieklinikken.

I dette vikariatet vil Spesialbioingeniøren delta i dagleg drift, bidra med prosjekthandtering i tett samarbeid med Prosjektkoordinator, og praktisk tilrettelegging for ulike forskingsprosjekt, mellom anna Norsk Diabank.

Arbeidsoppgåver

• Delta i blodprøvetaking og prøvehandtering i samband med kliniske studiar og forskingsprosjekt/analysar, mellom anna prøvefordeling, registrering, klargjering, lagring og sending
• Delta i handtering av prosjektsøknader og anna tilrettelegging for forskingsprosjekt i samarbeid med Prosjektkoordinator
• Sørge for at det er kvalitet i alle ledd for prosjekta, mellom anna ved å sikre korrekt innsamling og handtering av biologisk materiale og involvere dei riktige fagpersonane ved behov
• Gje råd og støtte forskingsgrupper med tanke på pre-analytisk prøvehandtering for forsking
  
• Halde seg fagleg oppdatert på preanalytiske forhold for forskingsprøvar
• Delta i biobanken si beredskapsordning for temperaturovervaking
• Andre funksjonar kan bli tillagt stillinga

Kvalifikasjonar

• Norsk autorisasjon som bioingeniør og minimum 2 års praksis etter fullført utdanning.
• Det er eit krav om erfaring med preanalytisk arbeid, inkludert blodprøvetaking
• Det blir lagt vekt på erfaring med kliniske studiar og biobankrelatert arbeid
• Det er ønskeleg med erfaring med samhandling på tvers av institusjonar og mellom ulike fagpersonar
• Det er ein fordel med erfaring med Elektronisk kvalitetshandbok (EK), Helse Bergen sitt system for dokumentstyring
• Gode IKT kunnskapar
• Må meistre norsk og engelsk, både munnleg og skriftleg

Personlege eigenskapar

• Du er fleksibel, og trivast i eit dynamisk og hektisk arbeidsmiljø
• Du er serviceinnstilt, omgjengeleg og løysingsorientert
• Du er punktleg, påliteleg og ansvarsbevisst
• Du må kunne arbeide godt både sjølvstendig og i team
• Du har fleksibilitet i forhold til nye arbeidsoppgåver
• Du må samarbeide og kommunisere godt
• Det blir lagt vekt på personlege eigenskapar

Vi tilbyr

• Ein spennande og utfordrande jobb
• Eit aktivt og triveleg arbeidsmiljø med kompetente medarbeidarar
• Lønn i samsvar med gjeldande overeinskomst
• Gode pensjons- og forsikringsordningar
• Stillinga er ei dagstilling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.