Miljøterapeut helg 22-26 % i nyetablert behandlingsinstitusjon

Bufetat region vest skal opprette ei ny avdeling som skal gi eit behandlingstilbod til 3 ungdommar i alderen 13- 18 år med alvorleg åtferdsvanskar. Her vil arbeidskvardagen bestå av målretta og systematisk miljøterapi for å hjelpe ungdomar med store utfordringar til å få ein betre kvardag.

Vi søker deg som:

• Vil være i lag med ungdomen, ha samtalar, gjennomføre aktivitetar og gjere kvardagslege ting i lag, også når det krev stor innsats og mykje motiveringsarbeid.
• Anerkjenner at det ligg mykje arbeid bak ein vanleg dag for vår målgruppe.
• Toler å stå i konfliktar på en trygg måte, samtidig som du forstår at ungdommen har det vanskeleg.
• Jobbar strukturert og målretta for å hjelpe våre ungdomar til å oppleve meistring, og ta betre val for seg sjølve.
• Vil arbeide med traumebevist omsorg, avdelinga sine retningsliner og faglege rettleiarar.
• Trivs både med å arbeide sjølvstendig og i team.

Du vil få være med å starte ei heilt ny avdeling, saman med ei ny personalgruppe på ca 25 tilsette. Avdelinga skal arbeide fagleg og metodisk rundt den enkelte ungdomen, for tida arbeider vi etter omsorgs- og endringsmodellen og forløp i barnevernsinstitusjonar. De vil få opplæring og rettleiing frå nasjonalt kompetansemiljø og frå regionen sin egen faglege støtte seksjon. Det vil jamleg gjennomførast tryggleik og sikkerheitstrening saman med kollegaer.

Arbeidstidsordninga er for tida todelt turnus med dag- og kveldsvakter, med arbeid kvar tredje helg. Avdelinga vil være lokalisert på Tveiterås, Fana bydel i Bergen. Oppstart etter avtale.

Vi ynskjer ei tilnærma lik kjønnsfordeling blant våre tilsette, med bakgrunn i gitte føringar i rettigheitsforskrifta. På bakgrunn av dette, oppmodar vi særleg kvalifiserte menn til å søkje.

Arbeidsoppgåver

• Målretta og systematisk miljøterapi med ungdomane som bur på avdelinga.
  
• Rapportskriving og anna skriftleg dokumentasjon via intern dokumentløysing.
• Delta i og ha ansvar for møter som omhandlar ungdomane, samt overlapping ved vaktskifte.
• Praktiske oppgåver knytt til institusjonsavdelinga.
• Noko samarbeid med foreldra/ føresette, sosialt nettverk, kommune, helse og andre viktige samarbeidspartnarar rundt den einskilde ungdom.

Kvalifikasjonar

• Det vert i utgangspunktet stilt krav om treårig høgskuleutdanning tilsvarande 180 studiepoeng som barnevernspedagog, sosionom eller vernepleiar, men søkarar med anna relevant bachelorgrad som til dømes sjukepleiar, pedagog, psykolog , eller ergoterapeut kan vurderast.
• For alle søkarar vert det lagt vekt på erfaring frå miljøterapeutisk arbeid i barnevernsinstitusjon, fortrinnsvis med ungdom som målgruppe/arbeid med ungdom med utfordrande åtferd.
• Det vert lagt vekt på erfaring innan Traumebevisst omsorg.
• Det vert lagt stor vekt på personlege eigenskapar.
• Det er ønskjeleg at du har kjennskap til Barnevernslova og barnevernets arbeid.
• God kunnskap i bruk av IT-verktøy.
• God skriftleg og munnleg norskkunnskapar.
• Krav om førarkort for personbil.

Personlege eigenskapar

• Har evne til å ta ansvar, er fleksibel og trygg i vaksenrolla.
• Kan ivareta ungdom og deira behov, samstundes som du kan oppretthalde god struktur og jobbe etter gjeldande fagmodell.
• Har gode evner til å bygge relasjon.
• Toler å stå i konflikt, og samtidig syne forståing for at ungdomane har det vanskeleg.
• Er fleksibel og i stand til å handtere uforutsette hendingar på ein forsvarleg måte.
• Trivs med utfordringar.
• Har evne til å ta imot rettleiing og å gjere seg nytte av denne.
• Er lojal mot slutningar som er tatt, men kan bidra med innspel og refleksjon i eigna fora.
• Bidreg til eit godt arbeidsmiljø.
• Har gode kommunikasjons- og samarbeidsevner.
• Har god fysisk og psykisk helse.

Vi tilbyr

• Arbeidstid etter den til einkvar tid gjeldande turnus.
• Stillingane er plassert i statleg lønsregulativ i stillingskode 1495 barnevernspedagog, 1494 sosionom, 1508 vernepleiar, eller 1489 miljøterapeut, p.t. kr 466 600 - 604 900 pr. år (ltr. 45-62).
  
• Ved relevant vidareutdanning tilsvarande 60 studiepoeng kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar eller 1534 spesialutdanna miljøterapeut, p.t. kr 524 700 - 646 000 pr. år (ltr. 53-66), 1173 klinisk sosionom eller 1496 klinisk barnevernspedagog, p.t. kr 532 200 - 646 000 pr. år (ltr. 54-66).
• For søkarar utan høgskuleutdanning eller ikkje fullført bachelorgrad kan stillinga plasserast i stillingskode 1486 miljøarbeidar, pt. kr 394 100 - 454 500 (ltr. 30-43), 1203 fagarbeidar, p.t. kr 432 800 - 487 800 pr. år (ltr. 39-48) eller 1488 miljøterapeut, p.t. kr 443 000 - 502 300 (ltr. 41-50).
• Løn og stilingskode vert vurdert etter utdanning og erfaring. Me gjer merksam på at eventuelle sentrale tillegg frå årets lønnsoppgjer enno ikkje er ferdigbehandla i Staten for 2024.
• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, med moglegheit om tilbod om bustadlån til konkurransedyktige vilkår, samt yrkesskade- og gruppelivsforsikring.

Opplysningar til deg som søker:

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Bufetat region vest, behandling for ungdom.
  
• Politiattest må framleggast ved eventuell tilsetting, jf lov om barnevern § 12-11 andre ledd, eller Familievernkontorlova § 2 a, og forskrift om politiattest § 7. Denne attesten skal ikkje leggast med søknaden.
  
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Søknad med CV skal sendast elektronisk via lenke på denne sida.
Vitnemål og attester med bekrefta stillingsstorleik og varigheit skal leggjast ved elektronisk som vedlegg i Webcruiter.

Søkarar vil bli kontakta fortløpande for innkalling til intervju.