Ynskjer du å ha tid til dei eldre, faglege utviklingsmogleghetar, nærhet til naturen og makspris på straum? Kom til oss!

I Tokke kommune er det godt å eldast, og det har alt å gjera med dei flotte tilsette me har. Arbeidsmiljøet er bra, og det reflekterast også i tenestene. No ynskjer me oss endå fleire initiativrike helsefagarbeidarar til institusjon, som likar å skape ein aktiv og innhaldsrik kvardag for bebuarane våre, der gode samtaler og godt humør står høgt.

Kvifor skal du velje å koma til oss?

Tokke er ein kommune du har høve til å utvikle deg i.

Tokke helsesenter har sjukeheim, omsorgssenter, heimeteneste, dagavdeling, kjøkken, helsestasjon, legekontor, psykisk helse, samt fysio- og ergoterapeut lokalisert under same tak. Me satsar på god kompetanse innanfor palliasjon og lindrande behandling, og deltek i fleire prosjekt i tilknytning til dette. Lokal blod-kreft avdeling er også lokalisert på Tokke helsesenter.

Me har eige simuleringsrom som blir bruka til fagutvikling, internundervisning, kurs og øving på prosedyrer.

I tillegg til dette kan me tilby:

• Godt arbeidsmiljø, der du har tid til kvar enkelt bebuar
• Årsturnus, så du sjølv kan vera med å påverke korleis kalenderen din skal sjå ut
• Eit årleg tillegg på 20.000,-
• Rimeleg bustad
• Makspris på straum
• Makspris på barnehage (1500 pr mnd. 50% på barn nr. to, og tredje barn gratis.)
• Gratis SFO (1.-4. klasse)

Søknadsfrist: 15.12.24

For fullstendig utlysingstekst, og søknadskjema, sjå:

https://www.tokke.kommune.no/helsefagarbeidarar.6697989-489519.html